سادق هەریری ساڵا (1947) ل ناحیا هەریرهەریر ژدایک بووە، دایکا وی هەریری و بابێ ل عەشیرەتا بەرزنجیە و ب شێخ سەعید یێ بەرنیاس بوو، سادق هەریری هەر ل زاروکی دەنگێ وی زور خۆش بوو و دەست ب ستران گوتنێ کرییە، ب تەنێ ل بونە و ئاهەنگان جار جارە ستران گوتینە، ل دەستپیکا ساڵێن شێستا سینەمایا سەفەری دهاتە هەریر و پشتی نمایش کرنا فیلمان چەند سترانەک لێددان. سادق هەریریش پشکداری دکر، ل قوتابخانەیانیش وەکە ئەکتەر پشکدارییا چەندین شانۆگەرییان کرییە، سادق هەریری دەرچویێ خانەیا ماموستایانە ل ساڵا (1969-1970) و ئێکەمین قوتابخانەش کو دەوام لێکرییە، گوندێ زێتی ل ئەرگۆش، پشترە دهێتە چۆمانچۆمان و گەڵاڵە ل ساڵێن حەفتێ یا لەوێرێ ژی هەر ماموستا دبیت هەیا ساڵا (1974).
سادق هەریری پشتی کو پۆلا نەهێ ژی تمام دکر حەز دکەت بچیتە هونەرە جوانێن بەغدا و لوێرێ بخوینیت بەلێ بابێ وی ژبەر کوو بەرزنجی و شێخ بوو ڕۆژەک سادق دچیتە بەغدا ژبەر کوو بهێتە وەرگرتن ل پەیمانگەها هونەرێن جوان، دەمێ کو ڤەدگەرێتە هەریرێ زەڵامەک ل چایخانەیێ دبێژیتێ: یا شێخ کوڕێ تە یێ چاوایە. ئەو ژی دبێژیت:چویە بەغدا لوێرێ بخوینیت. بابێ وی لسەر قسەیێن خەلکی وەناکەت کوڕێ وی بچیتە بەغدا.
سادق هەریری پشکداری ل شوڕەشا ئەیلولێ دکەت، پێشمەرگەهەکێ دڵسۆز بوویە، کو ساڵا (1975) ڤەدگەڕێت ژبو هەریرێ.
سادق هەریری دۆستایەتیەک زور بهێز دگەل هونەرمەند (تاهیر تۆفیقتاهیر تۆفیق) هەبوویە، بەلێ قەت حەز نەکرییە ئەو سترانان ببێژیت ئەگەر تاهیر تۆفیقی ڕێ پێ نەدابیت، سادق هەریری دەنگەکێ زور خوەش و تایبەت هەبوو و ڕاستە دەنگێ وی ب تاهیر تۆفیقی دچوو لێ سادقی تایبەتمەندییا خوە هەبوو ل ستران گوتنێ، ئەوی پتر پەیوەندی بڤێ چەندێ کر کو ڕییا تاهیر تۆفیق بەرنەدەت.
دەمێ کوو (تاهیر تۆفیق) وەغەرا داویێ کر، جلک و بەرچاڤ و هەموو تشتێن وی بەخشینە سادق هەریری.
سادق هەریری، کورەک هەبوو کو ئەو ژی هونەرمەندە و ڕییا بابێ خوە گرتییە.
هونەرمەند سادق هەریری ل ژیانێ دە گەلەک نەخوەشی دیتینە، ئێک ژوانا دوو کوڕێن وی جانە مەرگ بوون و هەڤژینا ئێکەما وی ژی ب کارەساتا شوەتیانێ گیانێ خوە ژدەست دا ئەڤێ چەندێ ژی کاریگەرییەک زور لسەر سادق هەریری هەبوو
سادق هەریری ساڵا (2009)ێ نەخوەش دکەڤیت و چەند جارەکان جەڵتەیا دلی لێ دابوو، ئەو بوو ل بەروارا (16-09-201416-09-2014) وەغەرا داویێ کر.[1]