ناڤ: مستەفا
ناڤێ بابی: سڵێمان عەبدوڵڵا
ساڵا ژدایکبوونێ: 1938ز.
جهێ ژدایکبوونێ: سلێمانی
ڕوژا وەغەرا داویێ: #27-02-2019#
جهێ وەغەرا داویێ: #سلێمانی#
$ژیاننامە$
مستەفا سڵێمان عەبدوڵڵا، کەسایەتییەکێ دیارێ زانستی و ڕووناکبیری یێ کوردستانێ یە و ب هێمنی وەک سەربازەکێ وەندا، ل ڕییا بەرهەمێن ئەدەبی و زانستییەکانی خزمەتەک زۆر ب کاروانێ ڕەوشنبیری و زانستیێ کوردستانێ کرییە.
ل ساڵا 1938ز. ل تاخێ #کانێسکان# یێ باژێڕێ سلێمانی ژدایک بوویە .
قویناغێن خوەندنا سەرەتایی و ناڤەندی و ئامادەیی ل باژێڕێ سلێمانی تمام کرییە، پشتڕە ل کۆلێجا ئەندازیارییا زانینگەها بەغدا هاتیە وەرگرتن و باوەڕنامەیا وێرێ بدەست خوەڤە ئانییە.
پشترە وەکە ئەندازیار ل وەزارەتا پیشەسازییا ئیراقێ و کارگەیا شەکرا سلێمانی خزمەت کرییە و ئەندازیارەکێ ژێهاتی بوویە.
مستەفا سڵێمان، هەر ل سەردەمێ لاوی و ل ناڤەڕاستا ساڵێن پێنجی یا سەد ساڵا بوهری، حەزا ئەدەبێ ب گشتی و هەڵبەستان ب تایبەتی هەبوویە و بەرهەمێن وی ل ڕوژنامە و گۆڤارێن وەک (هەتاو، ژین، هیوا و ڕووناکی) هاتینە بەڵاڤ کرن.
ئۆپەرێت ژی نڤیسیە و ئۆپەرێتا (کوردستان) کو نەورۆزا 1958ێ نڤیسی بوو ئێک ژ بەرهەمێن جوان و ڕەنگینە کو تەعبیرا هەر چار پارچەیێن کوردستانێ کرییە و ژ ئالێ وی بخوە و خوەندەکارێن زانینگەها بەغدایێ هات نمایش کرن.
ژبلی بوارێن ئەدەبی، مستەفا سڵێمان بایەخەک زور ب فەرهەنگا زانستی دایە و خوەدی شاکارەکە زانستی یا مەزنە، ئەو ژی (#فەرهەنگی زاراوەی زانستی#) یە کو ب زمانێن ئینگلیزی و کوردی و عەرەبی د 550 لاپەڕەیێن مەزندا هاتییە نڤیسین و ساڵا 2014 بو جارا دووهەم هات چاپ کرن.
ئەڤ فەرهەنگە، فەرهەنگەک زانستییا گرنگە و زانستێن وەک (بیرکاری، زیندەوەرزانی، فیزیا، کیمیا، پزیشکی، ئابووری، جیۆلۆجی، ئەندازیاری، یاسا، جوگرافی، گەردوونناسی و زمانناسی) ل خوە دگریت و چاڤکانییەک ب نرخە ژبو خوەندەکاران ب گشتی و خوەندەکارێن بەشێن زانستی ب تایبەتی.
ل بوارێ کوردایەتی و نشتیمان پەروەریشدە ڕوڵەک دیار و پرشنگدار ل بزووتنەوەیا ڕزگاری خوازا گەلێ کوردستانێ هەبوویە، ماموستایان (د.#جەمال نەبەز#، مەحمودی مەلا عیزەت و قادر میرزا کەریم) وەکە هەڤاڵێن وی، ل نڤیسین و یاداشتەکانیاندا ب ڕێز و پێزانین بەحسا ئازایەتی و جوامێرییا وی ل تەکۆشانا کوردایەتیدا دکەن.
ناڤهاتی ل ڕوژا 27-02-2019 ماڵئاڤایی کر و ل گۆڕستانی #بەکرەجۆ# یا باژێڕێ سلێمانی هات بخاک سپاردن. [1]