ناڤێ وی جەلال ئەحمەد وەیسە، ساڵا 1943 ل تاخێ دەرگەزێنێ باژێڕێ #سلێمانی# ژدایک بوویە. ساڵا 1952 ل قوتابخانەیا ” #فەیسەڵییە# ” دکەڤیتە بەر خوەندنێ و ل پشوویا هاڤینێش دە لدەف ” نەجمەدینی مەلا ” و ل قوتابخانەیا ” کەشتیی نوح ” درێژە ب خوەندنێ ددەت. ب ” جەلال کۆچەر ” ناڤ دەرکربوو.=KTML_Photo_Begin=https://www.kurdipedia.org/files/relatedfiles/2014/77142/0002.JPG=KTML_Photo_Alt=جەلال کۆچەر=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2014/77142/0002.JPG=KTML_Photo_End=
بە هاندانا ” عیسمەت خانما قادر ئاغایێ مەحموود ئاغا “یا دایکا خوە، هەر ل زاروکیێدە هونەرا خوە بەرەف پێش برییە و ساڵا 1960 ژبو ئێکەمینجار چوویە سەر تەختێ شانۆیێ و ل شانۆگەرییا ” #کاوەی ئاسنگەر# ” ل باژێڕێ #قەڵادزێ#، وەکە ئەکتەر، پشکداری کرییە. ساڵا 1962 بوویە ئەندامێ کۆمەڵەیا هونەرێن جوان ئێن کورد لقا سلێمانی. ل ڕەشبگیرییا ساڵا 1963 یا ” #زەعیم سدیق#دا “، ژبو ماوەیەک دەستەسەر بوویە و پشتی ئازاد بوونێ، چوویە بەغدا و ل پشکا کوردی یا ئێزگەی، دگەل تیپا نواندن و کۆرسا ئێزگەیدە، وەکە ئەکتەرێ دەنگ کارێ خوە کرییە و 68 ستران ل ئێزگەی تۆمار کرینە.
ساڵا 1964 و پشتی تێستا دەنگی، ژبو ئێکەم جار سترانا ” ئەستێرەی پرشنگدار ” ل هەڵبەستا ” #بەختیار زێوەر# ” و ئاوازا وی بخوە، ل ئێزگەهی تۆمار کرییە.
پشتی تۆمار کرنا چەند سترانەکە دن، کو زوربەیا وانا وی بخوە ئاواز ژبو دانایە، وەکە ستران بێژێ ئێزگەی هاتییە نیاسین.
پشتی ڤەکرنا تەلەڤزیۆنا کەرکووک، جەلال کۆچەرێ هونەرمەند، ئێکەمین سترانا خوە بناڤێ ” پەریزاد ”ێ پێشکەش دکەت و پشتڕە سێزدە سترانێن دن ژبو تەلەڤزیۆنێ تۆمار دکەت.
پشتی بەڵاڤ بوونا بەیاننامەیا یازدەیا ئازارێ ساڵا 1970 ڤەدگەڕێتە باژێڕێ سلێمانیێ و دبیتە ئەندامێ کۆمەڵەیا هونەر و وێژەیا کوردی و لێپرسراوێ بەشا موزیک و ستران و هەڵپەڕکێ وەردگریت.
ساڵا 1974 ژیانا هەڤژینیێ پێک دهینیت و دبنە خوەدی پێنج زارۆکان.
ساڵا 1976 دبیتە ئەندامێ #سەندیکای ڕۆژنامەنووسان# ، کار لسەر پەرتووکخانە و ئەرشیفا شانۆیێ کرییە هەیا ساڵا 1982 کار کرییە.
ساڵا 1982 ژبو 1991 و هەیا ڕاپەڕینا گەلێ کوردستانێ ل بەغدا دمینیت و پشترە ڤەدگەڕێتە کوردستانێ و دگەل چەند هەڤالەکاندە ” کۆمەڵەیا هونەرێ نەتەوەیی یێ کورد ” دادمەزرینن.
ل #03-03-1993# دگەل کوڕێ خوە بناڤێ ” هونەر “ ل ڕییا چوونێ ژبو باژێڕێ #مەهاباد#، ل نزیک باژێڕێ سەردەشت دکەڤنە بەر ڕەمییا بەفرێ و وەغەرا داویێ دکەن و تەرمێ وانا دهیننە سلێمانیی و ل گردێ سەیوان دهێنە بخاک سپاردن. [1]