(1804 ز-1848 ز) شاعیر و دیروک نڤیسا کوردە. ناڤێ وێ بخوە ماە شەرەف خانم بوو و ناسناڤێ وێ مەستوورە بوو. دەوروبەرێ ساڵا 1220 ک.م (1804 ز) ل ماڵباتا قادرییان ل سنەسنە، کو وی سەردەمەی زور لدەف والییان یا قەدرگران بوو، ل باژێڕێ سنە ژدایک بوو.
ماموستا مەولەویمەولەوی یێ تاوەگۆزی
ل پەسنا وێدا ئەڤ هۆزانە گوتییە:
خورشیدەکەی ناز، ئەوجی بورجی سەور
سەرتوغرای دەفتەر مەحبووبان جە دەور
ها لە خانەکەی بورجی شەرەف دا
نوورئەفشانیشەن وە هەر تەرەف دا
ژیاننامە
ناڤێ وێ ماە شەرەف خانم و ناسناڤێ مەستوورە بوویە. دەوروبەرێ ساڵا 1220 ک.م (1804 ز) ل ماڵباتا قادرییان ل سنەسنە، کو وی سەردەمەی زور لدەف والییان یا قەدرگران بوو، ل باژێڕێ سنە ژدایک بوو. بابێ وێ، ئەولەسەن بەگ (ئەبولحەسەن بەگ) ، ل زەڵامێن ڕەسەن ئێن سنە بوو و ب ماەشەرەف خانم گازی وێ کرییە هەیا وێ چەندێ کوو ناڤبانگێ خوە دەرکرییە. ل سەردەمێ خوسرەو خانێ ئەردەڵان، والیێ سنە، کو ب ناکام هاتییە نیاسین، خان و ماڵێن قادرییان دلێ وانا ژێک مایە و پشتڕە ئاشت بووینە و لدیف ڕە بووینە خزم.
مەستوورە بوویە هەڤژینا خوسرەو خان. خەسرەو خان ژی ل هۆزان دانانان دە ل خانمێ نزیک بوویە. ل دیوانا هەردوویان دە هۆنراوە بهەڤڕە گوتنا وانا زور یا بەرچاڤە. مەستوورە چل و چار ساڵان ژیێ وێ بوو کو ل سلێمانیسلێمانی وەغەرا داویێ کرییە و هەر لەوێرێ ژی هاتیە بخاک سپاردن.
هۆنراوەەکانی
مەستوورە ل دانانا هۆزاناندە، چ ب کوردی و چ ب فارسی، زورا خوەدی بڕیار بوو. ب مخابنیڤە تەڤایا هۆزانێن وێ لناڤ چوون و ب تەنێ نێزی دوو هەزار بەیتان ماینە کو ساڵا 1305 ک.ە (1926 ز) ، میرزا ئەسەدوڵڵا خانێ کوردستانی، سەروکێ فەرهەنگا سنە، ل تەهرانێ چاپ کرینە. کوردیێن وێ هەر زور کێم ماینە لێ ل قەسەیدەیەکێدە کو بڤێ بەیتێ دەست پێ دکەت:
گرفتارم بە نازی چاوەکانی مەستی فەتتانت...[1]