یانەیەکە وەرزشی یا پیشەگەرە ل کوردستانێ. یانەکە خوەدی کۆمەک یانەیا ێن یاریێن جودایە، ل گرنگترینان یارییا تەپا پێ و توپا باسکەیە.
یانەیا تەپا پێی #دهوک# ل ساڵا 1970 هاتییە دامەزراندن و ل وەرزا 2009-2010 بوویە پاڵەوانا خولا نایابا ئیراقێ، ھەروەسا ل ساڵا 2011 چوویە قویناغا ھەشتێ یا جاما یەکێتییا ئاسیا.
ل نهادا ل خولێن ئەستێرەیێن ئیراقێ پشکدارە.
ھەروەسا مەزنترین ڕکابەرییا یانەیا دھوک، #یانەیا وەرزشی یا زاخو#یا جیرانە، ھەموو وەرزان ب گڕوتین و توندتر یارییان ئەنجام ددەن، یارییا دناڤبەرا ئەڤان دوو یانەیان ب «دێربیا بادینان» تێ نیاسین.
یانەیا دهوک کو پێشتر ل وەرزا 2009-2010 ناسناڤا خولا نایاب یا ئیراقێ ی بدەست ئانیبوو، لێ ل ساڵا 2016 ڤەکشانا خوە ل خولا نایابا ئیراقێ ڕاگهاند و پێنج ساڵان ل ڕێزا یانەیێن نایاب دوویرکەت؛ لەوما یانەیا داڵکورد ئامادەییا خوە دەربڕی هویا بو ماوێ سێ مەهان ب خواستن چوار یاریزانێن یانەیا خوە پێشکەشی یانەیا دهوک بکەت وەکە یارمەتییەک ژبەر کوو ل قویناغا دووهەما خولێن پلە یەکا ئیراقێ یاریی ژبوی یانەیێ بکەن، یانەیا داڵکورد ژبلی کوو ھەر چار یاریزان پێشکەشی یانەیا دهوک کرن، مووچەیێ یاریزانان ژی ل ئەستۆ گرت.
ل #20-04-2024#، سەروکێ یانەیا دھوک، عەبدوڵڵا جەلال، ب مەرەما ئامادەبوون ل یارییەکە یانەیا ئامەدسپۆر سەردانا باکوورێ کوردستانێ کر، لێ ل دەرەڤەیێ یاریگەهێ ل #ئامەد# بدەستێ ھێزێن ئەمنی ئێن تورک هاتە دەستەسەر کرن. شڤان محەمەد، بەرپرسی ڕاگهاندنا یانەیا دهوک ڕاگهاند، کو سەرۆکێ یانەیا دهوکێ لسەر بانگھێشتنامەی یانەیا ئامادسپۆر سەردانا وی باژێڕەی کر، لێ جارەکە دن ل دەرڤەی یاریگەهێ بو ماوێ دەمژمێرەکێ هاتە دەستەسەر کرن و ئەگەرێ وێ ژی جلکێن کوردی بوو.
$یاریگا$
یاریگەها دهوک یاریگەها یانەیا وەرزشی یا دھوکێ یە، یاریگەهەکە جهێ 25 ھەزار کەسان لخوە دگریت و ساڵا 1992 هاتییە درووست کرن.
$درووشم و ناسناڤ$
ڕەنگێ سەرەکە ئێ یانەیا دهوکێ زەر و شینە، کو د لۆگۆیا یانەیێ ئیماژە پێرە هاتییە کرن. لۆگۆیەکە ل بازەکێ پێکھاتییە و درووشما یانەیا دهوکێ دەردخەت، کو بازا چیایە. ل سەرڤەیێ لۆگۆ ب پیتا ئینگلیزی «DSC» هەیە کو و کورتکرییا یانەیا وەرزشی یا دھوکێ یە، ل خوارێ ژی ساڵا دامەزراندنا یانەیێ هەیە.
$ڕکابەری$
یارییا دناڤبەرا #هەڤلێر# و دهوکێ ب «دێربیا باشوورێ کوردستانێ» تێ نیاسین.
$دەستکەفت$
خولا ئەستێرێن ئیراقێ
ئێکەما وەرزا 2009-2010
بدەست خستنا پلەیا دوهەما 2011-2012
خولا نایابا ئیراقێ
ئێکەما وەرزا 1997-1998
خولا پلە ئێکا ئیراقێ
ئێکەما وەرزا 1994-1995
خولا نایابا کوردستانێ
ئێکەما وەرزا 2006-2007
$خولێن نێڤدەوڵەتی$
جاما یەکێتییا ئاسیا: دوو جاران پشکداری کرییە
2011: چارەکا دوماهیکێ
2013: قویناغا 16
2025: ئێکەما جامێ یانەیێن کەنداوێ، کو یارییا دوماهیکێ ل ڕێکەفتا #15-04-2025# و ل باژێڕێ دهوکێ بوو ب ئامادەبوونا هزاران هاندەران بڕێڤەچوو [1]