ژدایکبوویێ: ساڵا 1295ی هەتاوی
دەمێ شەهید بوونێ: #01-05-2018#
جهێ شەهیدبوونێ: بنگەهێ حزبێ ل زەوییەسپی، #کۆیە#
$ژیاننامە$
هێڤارییا ڕوژا سێشەممبئ 11-02-1397یا هتاڤی، ڕەسوڵ ڕەشید دۆست یێ بەرنیاس ب مام ڕەسوڵ پێشمەرگەیەکێ دێرین یێ حزبا دەموکرات، د ژیێ 102ساڵیدە ب نەخوەشی و مەرگێ سروشتی ماڵئاڤایی ل ژیانێ کر و ب ئامادەبوونا کادر و پێشمەرگە و هەڤسەنگەرێن وی، ل مەزارگەها تەکۆشەرێن دەموکراتێ ل کۆیە هات بخاک سپاردن
مام ڕەسوڵ جەعفەر مرۆڤەکێ ڕحسڤک و دلپاک و ب ئیرادە و بهێز بوو، ساڵانێن دوورودرێژ وەکە پێشمەرگەیەکێ ئازا و چاڤ نەترس ل بەرەیێن پێشی ئێن سیاسی و نیزامی دا پێشمەرگایەتی کرییە و پێشمەرگەهێ ڕوژێن سەختێن خەباتێ بوویە. مام ڕەسوڵ ل زوربەیا شەڕێن دەڤەرا #ڕەبەت# دا زور بوێرانە پشکداری کرییە و پێشمەرگەیەکێ دیار یێ هێزا زمزیران بوو.
مام ڕەسوڵ هەموو ژیانا خوە تەرخانی خەباتەکێ کر کو ب هزاران شەهید پێشکەشی بارەگەهێ گەلێ خوە کرینە و لەوما هەمی جاران ب وەفاداری بەحسا شەهیدان دکر و زور جاران ب هەلبەست و ستران بیرا شەهیدان دکر.
مام ڕەسوڵی توو دەمەکی هزرا هندێ نەدکر کوو ل جهەکێ ئەڤێ جیهانێ ئیسراحەت بکەت، بەلک ژیان و سەرەوەت و سامانێ خوە ژبو ئیسراحەتا خەلکێ خوە ل شۆڕشێدە تەرخان کر و ل ڕێزێن حزبا دەموکراتا کوردستانێ دە هژدل تەمەنێ لاوەتیا خوە پێشکەشی خزمەت کرن ب نشتیمانا خوە کر تێپەر کر. جهێ ئیماژێیە کو مام ڕەسوڵ ل ساڵا 1295یا هتاڤی ل دەڤەرا #بانە# ژدایکبوویە و پشترە دچیتە دەڤەرا ڕەبەت ل #سەردەشت#ێ و ل ساڵێن 46 و 47 یا هتاڤی ژی دگەل حزبا دەموکراتێ پەیوەندییا ڕێکخستنێ هەبوویە.
ئەڤ تەکۆشەرێ ورەبەرز هەیا دوماهیکا ژیانا خوە واز ل سەنگەرێ خەباتێ نەهینا و پتر ل 50 ساڵان ب بەردەوامی ل ڕیزا پێشمەرگەهێن حزبا دەموکراتا کوردستانێ دا خزمەت کرییە و ل دەف پێشمەرگەیێن حزبێ کەسەکێ خوشەویست و بەرچاڤ بوویە. [1]