ناڤ: عەبدولڕەزاق
ناسنا: عەبدولڕەزاق بیمار
ساڵا ژدایکبوونێ: 1936
ڕوژ و ساڵا وەغەرا داویی: #15-06-2022#
$ژیاننامە$
ل بەغدا ئێک ژ کەسێن کاریگەر و سەرکەتی بوویە ل ڕێڤەبەرایەتییا گشتی یا خوەندنا کوردی و ئەندامێ دەستەیا نڤیسەران بوویە ل گوڤارا پەروەردە و زانست.
عەبدولڕەزاق بیمار شاعێر و ڕووناکبیر و ڕوژنامەنڤیس و توێژەر و ڕەخنەگر و ماموستایێ زانینگەهێ بوویە، شاعیرەکێ ڕۆمانتیکی و هەرە ناسکێ قوتابخانەیا گۆران، ل ساڵا 1936 ل باژێڕێ #کۆیە# ژدایک بوویە، قوتابخانەیا سەرەتایی و ناڤەندی و ئامادەیی هەر ل کۆیە تمام کرییە، ل ساڵا 1963 و ل ئێکەم خولا ئێکەم بەشا کوردی یا زانینگەها بەغدا، ب ئێکەم دەرچوویە.
ئێکەم شیعرا خوە ل ساڵا 1954 ل ڕوژنامەیا (ژین) یا گۆراندا بەڵاڤ کرییە. هەڵبەستا شاعیرێن نوو ئێن عەرەب و ئەوروپایی کار لسەر کرییە و ئێک ژ وان کەسانەیە کوو دەورەک باڵا هەبوویە ل چەسپاندنا ڕێبازا شیعری یا گۆران.
ل وەزارەتا پەروەردە و ڕێڤەبەرایەتیا خوەندنا کوردی و دەزگەهێ ڕۆشنبیری یا کوردی ل بەغدا فەرمانبەر بوویە.
ل ساڵا 1984 ب ماموستایێ زانینگەهێ وەکە وانەبێژ ل بەشا کوردی یا زانینگەها بەغدا دامەزرایە.
ئەندامێ دەستەیا نڤیسەران بوویە ل گۆڤارا هیوا و پاشکویا (الادیب العراقی) و گوڤارا ڕەنگین و گوڤارا ڕەوشنبیری یا نوو و نڤیسەرێ کورد و هاوکاری و پەروەردە و زانست.
$دکتور وریا عومەر ئەمین دەربارێ ماموستای دبێژیت:$
ماموستا عەبدولڕەزاق بیمار نڤیسەرەکێ ب پیت بوویە و ب سەدان گوتار و لێکۆڵین و گەتارێن هەمەچەشن ل ڕوژنامە و گۆڤاراندا بەڵاڤ کرینە.
$ل بەرهەمێن چاپکری:$
1- بووکی پەردە (شانۆ) 1960
2- شانۆی کوردستان 1961
3- دیوانی وەنەوشەکان (هەڵبەست) 1981
4- دڵداریی ئێمە (هەڵبەست) 1982
5- کانیلە و خۆشەویستی 1984
6- نانی دەریا (هەڵبەستی بابلۆ نیرۆدا) 1987
7- کیش و مۆسیقای هەڵبەستی کوردی 1992
8- سەڵاحەددین (لە عەرەبییەوە) 1993
9- پەخشانی کوردی (لێکۆڵینەوە) 1998
10- ناوچەوان (شیعر) 2000
11- خوێندنەوەیێکی تازەی هەڵبەستی نوێی کوردی (لێکۆڵینەوە) 2006
12- ڕۆژانێک بوو (هەڵبەست) 2006
13- پەنجە گوڵی مێخەک (شانۆ لە عەرەبییەوە) 2007
14- لۆرکا (وەڕگێڕاو) 2012
15- لە سێبەری ڕەخنە و لێکۆڵینەوەدا 2019
ل ساڵا (1983) ل بەشا کوردی یا کۆلێژا ئاداب ل زانینگەها بەغدا بوویە وانەبێژ هەیا ساڵا (1990) بەردەوام بوویە.
عەبدولڕەزاق بیمار مرۆڤەکێ هێمن و پاک و دەروون ڕوونە. شارەزا و قسەخوش و لێزانە. زمانەکێ شیعریی ڕەوان و پاراو و ناسک هەبوویە. کێم دپەیڤی و دزانی چەوا وشەیان هەڵببژێریت دەربارێ زۆر ئاریشەیێن ئەدەبی و زمانی ئێن هویر. قوتابیان حەژێ دکر و ڕیزژێ دگرت.
چالاکانە بەشداری دکر ل موکوم کرن و پەرەسەندنا بەرنامەیێن خوەندنا بەشا کوردی.
وانەیێن ئەدەب و ئەدەبا بەراوردی و پەخشان، لدیف تازەترین ڕێبازان دگوت. ب فەرمی و بناڤێ لیژنەیا زانستی یا بەشێ کوردی، داخاز لێکر کو وانەیێن خوە بکەت پەرتووک.
ل ڕوژا 15-06-2022 وەغەرا داویێ کر.[1]