شاعێرێ نەتەویی ئێ ناڤدارێ کورد عەبدولخالق حسێنێ نەقشبەندی، ل ساڵا 1890دا ل باژێڕێ #کەرکووک# ژدایک بوویە و ل هەمبێزا ماڵباتەک ئایینی و زانست پەروەردەدا ژیایە ل گەشتا خوەندنا مەلایەتیێدا گەلەک باژێڕێن کوردستانا باشوور و ڕوژهەڵات گەڕیایە، ل دوماهیکا گەشتێدا بەڵگەنامەیێن زانستی ل کەرکووک ل مەلا عەلی حیکمەت سیامەنسووری وەرگرتییه.
ل ساڵا 1920دا چوویە #ئیستامبوڵ# و ل ڤێ گەشتێدا تەڤی بەنەجمەدین ئەفەندی برایێ بچیک و شێخ عەبدولقادرێ شەمزینی هەڤدیتن هەبوویە کو مژویلی خەباتا کوردایەتیێ بوون و لسەر دەستێ ئەوان وانەیا خەباتا نەتەویی فێر بوویە، لەوما دەمێ کو ل 1921دا ڤەگەڕیایە کەرکووکێ و دەست ب خەباتی کوردایەتی کرییە و هەلبەستێن نەتەوەیی گوتینە، هەتا کوو بوویە شاعێرەکێ بەرنیاسێ کورد و دگەل شاعێرێن وەکە ئەحمەد موختار جاف و فایەق بێکەس و مەلای گەورەی کۆیە جهێ حاجی قادرێ کۆیی ل ڤەهاندنا هەلبەستێن نەتەویی گرتییه.=KTML_Photo_Begin=https://www.kurdipedia.org/files/relatedfiles/2008/386/0002.JPG=KTML_Photo_Alt=ئەسیری=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/386/0002.JPG=KTML_Photo_End=
ئەڤ شاعێرە نەتەویی و نەترسێ کورد ل ژیێ 72 ساڵیدا ل ڕۆژی #18-06-1962# دا وەغەرا دوایێ کر و ل گۆڕستانا شێخ محێدین ل کەرکووک بخاک سپاردییە.
ئەسیری شاعێر ل زاروکێدە ب قوتابی ل مزگەفتا حاجی ئەحمەد ئاغا، دەف حاجی مەلا محەمەدێ وەستا فەتاح خوەندییە، ل هەژدە ساڵیدا چوویە فەقێیاتی ل هەورامان، #هەڵەبجە#، #جوانڕۆ#، بانە، #سەقز#، #سنە# و چۆڕ و ل ڤان جهانە خوەندییە. ل دوماهیکێدا ل کەرکووک و ل خزمەت مەلا عەلی حیکمەت ئەفەندی تەحسیلی علووما بەلاغەت و بیرکاریێ کرییە. ئینجازەیا زانستی وەرگرت و چوویە ئەستەمبوڵ. ل ئەستەمبۆڵ، ئەزمیر و بەیرووت دەمێ کو چاڤ ب کارێن جانێن خۆراواییان دەکەڤیت، گەل و نشتیمانا خوە دهێتە بیر و ب ئێکجاری هزرا وی دگۆهڕیت. دەمێ کو ل ئەستەمبوڵ ڤەدگەڕێت، هەرچی هەلبەستێن خوە هەنە کۆم دکەت و هەمیان دنڤیسیت، چونکی ئەویش وەکە شاعێرێن دن هەلبەستێن خۆشەویستی و ستایش و بەربەرەکێ (هەلبەستا هەجو) گوتینە. ل پاش شەوتاندنا هەڵبەستێن وی هزرا گەل و نشتیمان دکەڤیتە سەرێ وی و دلێ وی ئاگر دگریت و دەست دکەت ب گوتنا هەلبەستێن نشتیمانی.
ئەسیری ل نڤیسینا جورێ ژیانێدا بو گیو موکوڕیانی دبێژیت: ل ساڵا 13یا زایینی، کو هاڤینێ چوویە کوردستانێ و باژێڕێ #سلێمانی#، بانە وەسا دەردکەڤیت کو 18 ساڵی بیت، ساڵا 1895ێ زایینی ژ دایک بوویە.[1][2]