ناڤ: ڕزگار
ناسناڤ: ڕزگار کێستەیی
ناڤێ بابێ: تەها ئۆسمان
ساڵا ژ دایکبوونێ: 1961
جهێ ژ دایکبوونێ: کێستە
$ژیاننامە$
ڕزگار تەها ئۆسمان ناسیار ب (رزگار کێستەیی) ل ساڵا 1961 ل گوندێ کێستە سەر ب دەڤەرا کانماسێ ڤە هاتيە سەر جيهانێ. خواندنا سەرەتايى ل کێستە و مالتا ژێرى ب دوماهی ئينايە. بەرى ئامادەييێ ل دهوکێ ب دوماهی بينيت، 1981-1982 ب دەستێ ئەمنا حکومەتا ئیراقێ هاتە گرتن و ل زيندانێن ئەمنا دهوک، ئەمنا مۆسل، هەيئا کەرکووکێ، بو پتر ژ دەمێ ساڵەکێ هاتە ئەشکەنجەدان. ل سالا 1982 بوویە پێشمەرگه سنوورێ لقا ئێکا پارتی دیمۆکراتی کوردستان‌ و ل هەمان ساڵێ ژی بوویە کادرێ سیاسی ڕێکخستنی. ل ساڵا 1988 بوویە ئەندامێ لژنا ناڤچا شێخان. د دەمێ پێشمەرگاتیێ دا سێ جارا بریندار بوویە. ل سالا 1992 بوویە پەنابەر ل سوێد. ل ساڵا 1999 ئابوورى ل سوێد خوانديە. ل سالا 1995هەتا 1998 ئەندامێ دەستەکا نڤيسەرێن کۆڤارا (پەیام) بوویە ل سوید. دیسان ئەندامێ دەستەکا نڤیسەرێن چەند مالپەرەکێن کوردی بوويە. سالا 2007 زڤريە ڤە کوردستانا ئازاد و ل هەمان ساڵێ بوویە کاڕگێڕێ لقا 18 یا پارتی دیموکراتی کوردستان ل ئامێدیێ. ل ساڵا 2013 کۆلیژا ئادابێ پشکا دیرووکێ ل زانکۆیا دهۆک بدوماهی ئینایە. ل ساڵا 2014- 2016 وەک خۆبەخش پشکداری د شەڕێ داعش دا کریە. تا نوها شەش پەرتووک چاپ و بەلاڤکرینە، کو ئەڤێن خوارێنە:
1- سترانێن کۆماتەی - 2011 - هەلبەست.
2- گولان و پێشمەرگە و بەرخوەدان - 2010 - بیرەوەری - بهەڤپشکی لگەل چەند هەڤالەکا.
3- خواندنەک بۆ هزرا پارتی دیموکراتی کوردستان - 2015 - وەرگێڕان ژ عەرەبی هاتیە وەرگێڕان بۆ کوردی - ب رێنڤیسا لاتینی هاتیە چاپکردن. ژ نڤێسینا فازل میرانی.
4- ل ژێر سیبەرا چیا - بەرگێ ئێکێ - 2019 – بیرەوەری
5- ل ژێر سیبەرا چیا بەرگێ دووێ 2021 بیرەوەری
6- پێلێن خەریبیا تە - 2019 - هەلبەست
زمانێن کوردی، عەرەبی و سوێدی دزانیت وگەلەک گۆتار و نڤیس ب هەرسێ زمانان بەڵاڤکرینە.
نوکە ژی بەرپرسێ سەنتەرێ کۆماتە یێ دێکۆمەنتکرنا دیرووکا شوڕشێ یە، ل دهۆکێ. [1]
=KTML_Bold=ئەڤ بابەتە ب ڕێنووسا ژێدەرێن ئاماژەپێکری هاتە نڤیساندن کوردیپێدیا دەستکاری نەکرییە=KTML_End=