کاکەی فەلاح ناسناڤێ شاعیرێ خەبات و ڕاپەڕین و ڕوژنامەنڤیسێ ژێهاتی ئێ کورد حەمە حەمەئەمین کوڕی قادره. ل ڕوژا #1990-10-09#دا و د ژیێ 62 ساڵیدا ل باژێڕێ #سلێمانی# وەغەرا داویێ کر.
کاکەی فەلاح ل ساڵا 1928دا ل چوارتا (شارباژێڕ) یا سەر ب پارێزگەها سلێمانی ژدایک بوویە و ل خێزانەک هەژاردا پەروەردە بوویە و خوەندنا سەرەتایی ل باژێڕێ خوە و ناڤەندیی ل سلێمانی تمام کرییە. چوویە گەل پارتیا کۆمنیستی و خەباتا چینایەتی کرییە و هۆزانێن نشتیمانی داناینە و لسەر هەڵوێستێ ڕامیاری چەند جاران دەستەسەر بوویە، لێ دەست لسەر هزر و بیرا خوە هەلنەگرتییە.
ل سەر پشکداری کرن ل ڕاپەڕینا کانوونا دووهەم یا 1948ێ یا گەلێن ئیراقێ ب ساڵ و نیڤەکێ هاتیە سزادان و ل ناسریە و #ئەبوغرێب# ئێ دەستەسەر بوویە.
پشتی تمام بوونا سزایا خوە ڤەدگەڕێتە سلێمانیێ و خەباتا نهێنی دکەت و جارەکە دن کەتە زیندانا ڕژێما پاشایەتی و ماوێ 5 ساڵان هات سزادان.=KTML_Photo_Begin=https://www.kurdipedia.org/files/relatedfiles/2008/86/0005.JPG=KTML_Photo_Alt=کاکەی فەلاح=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/86/0005.JPG=KTML_Photo_End=
شاعیر خوەدی بیروباوەڕەکە پوڵایین بوویه، هەر چەندە دوژمنان هەوڵ دایە ب زەبر و زەنگ ل ڕییا خوە لابدەن، لێ بێ سود بوویه. هونەرمەندی کارەک مەزن و ب نرخ ل ڕوژنامەگەرییا کوردیدا کرییە و ب دەرچوواندنا ڕوژنامەیا ژینی، کو دەمێ خوە پیرەمێردی شاعێر ل ساڵا 1939 هەیا ڕوژا وەغەرا داویێ ل #19-06-1950# دەر دچواند، پشتی وی ژی هەیامەک ماموستا گۆران و ئەحمەد زرنگ سەرپەرشتییا وێ دکر.
ڤی وێژەناسێ خودان شیان ئەڤ ڕوژنامەیە ل 10ێ کانوونا ئێکەم یا ساڵا 1970 دەرچوواندینه.
کاکەی فەلاح ئەدەب ناسەکێ، بەرهەم زوربوو، ل ماوێ ژیانێ دە چەند پەرتووکێن ب نرخ چاپ کرینە، ژوانا:
1. دوو کۆمە هۆنراوەیێن زارۆیان ب ناڤێ چرۆ و سروود ساڵا 1966 و 1968
2. لەگەڵ شەپۆلەکانی دیوانەکە هۆنراوەیی ل ساڵا 1967دا چاپ بوویە.
3. ئۆدیبی پاشا - وەرگێڕانە ل عەرەبی - ل ساڵا 1978 چاپ بوویە.
4. دیوانی کاکەی فەلاح - بەغدا- ساڵا 1980 چاپ بوویە و ب پێشەکا دکتور عیزەدین مستەفایه
5. کاروانی هۆنراوەی نوێی کوردی - بەرگا ئێکەم ل ساڵا 1979 و بەرگا دووهەم ل 1980
6. چۆلەکەی پاساری - سلێمانی ل ساڵا 1983دا چاپ بوویه
پشتی وەغەرا داوییا شاعیری ژی دیوانەک نوو یا کاکەی فەلاح ل ساڵا 2004 چاپ بوو کوو ل کۆم کرن و ئامادەکرنا ماڵباتا وییە.[1] [2]