ناڤ: نەوزاد
ناڤێ بابی: حوسێن
ساڵا ژدایکبوونێ: 1975
جهێ ژدایکبوونێ: گوندێ شانەشین/#کەرکووک#
باوەڕنامە: دکتۆرا
پلەىا زانستى: پڕۆفیسۆر
پسپۆڕی: پێوانە و هەڵسەنگاندنا و تەپا بالە
$ژیاننامە$
ساڵا 1975 ل گوندێ شانەشین یا سەر ب ناحیا #پردێ# ژدایکبوویە. ساڵا 1979 ئەڤ گوندە ژئالێ حکوومەتا ئیراقێ هات تێکدان و ژبو گوندێ بیبانی هات ڤەگوهاستن. قویناغا سەرەتایی ل وی گوندەی دەست پێکر. ل قویناغا چار یا سەرەتایی حکوومەتا ئیراقێ قوتابخانەىا گوندی و گوندەکە خاپوور کر و ئاوارەى باژێڕێ #هەڤلێر#ێ دبن، و پشترە ل کومڵگەها #دارەتوو# ئاکنجی دبن. و ڕێگری ل خەڵکی دهاتە کرن کوو بچنە دەرڤەى کۆمەڵگەهێ. پشتى سێ ساڵان ل بن خێمەیێن ئۆردوگەها دارەتوودا دەست ب خوەندنا قویناغا چار یا سەرەتایی دکەت و چەندین جاران ژبەر بای قوتابخانەیێن وانا کوو خێمە بوون، تێک چوون. ناڤەندی و ئامادەیی ل دارەتوو دخوێنێت و ساڵا 1996 پولا شەشا ئامادەیی تمام دکەت. سەرباری کوو نمرەیێن وی زورێن باش بوون، لێ ئەو پەروەردەىا وەرزش هەڵدەبژێریت.
$خوەندن$
ساڵا خوەندنا 1999-2000 باوەڕنامەىا بەکالۆریۆس ب پلەى دووهەم ل زانینگەها سەڵاحەددین بدەست دەهینیت. ل #03-05-2001# وەک موعید ل زانینگەها سەڵاحەددین دەستبکار دبیت. ژبەر هندەک ئەگەرێن سیاسی نکاریت ل زانینگەها موسڵ باوەڕنامەىا ماستەرێ بخوینیت. پشترە هەر ب ئەگەرێن سیاسی ل زانینگەها سەڵاحەددینێ ژی نکاریت تمام بکەت. ساڵا 2004 ل زانینگەها کۆیە دەست ب خوەندنا ماستەر دکەت و ل #17-06-2006# باوەڕنامێ بدەستڤە دئینیت و ل هەمان زانکۆ ل وانەگوتنێ دێ یێ بەردەوام بیت. ل 2009 دەست ب خوەندنا دکتۆرا دکەت و ل #09-08-2012# باوەڕنامەىا دکتۆرا ب پلەى ڕەسەن بدەست خوەڤە دئینیت.
$ژیانا ئەکادیمی و ئیداری$
پشتی #16-07-2017# ژ ئالێ سەرۆکایەتیا بەشا وەرزش داخواز ژێ دهێتە کرن ل زانینگەها کەرکووک وانەیان پێشکەش بکەت، ماوێ ساڵەکێ سەرباری بارودۆخێ ناهەمواری سیاسی ب دگەل د. نیهاد ئەیوب ل وێرێ مامۆستا بووینە و چەندین سیمینار و چالاکییان ئەنجام دددن. هەورەسا ل زانینگەها جیهان بو ماوێ چار ساڵان وانەى ب ئاستێ بەکالۆریۆسێ گوتینە و ل زانینگەها سلێمانى و زانینگەها سۆران ژی وانە ب ئاستێ ماستەر و دکتۆرا گوتینە. ل زانینگەها کۆیە ئەندامێ دەستەىا نڤیسەرێن گۆڤارا زانینگەها کۆیە بوو، نها ڕاگرێ کۆلێژا پەروەردەى وەرزشی یا زانینگەها کۆیەیە. هەیا نها نێزی 25 توێژینەوە ل گۆڤارێن ناڤخۆیی و نێڤدەوڵەتی بەڵاڤ کرینە. هەروەسا چار پەرتوکێن چاپکری و ئێک ژی چاپنەکرى هەنە. ساڵا 1997 دبیتە ناڤبژیوانێ تەپا پێ. ساڵا 2008 دبیتە سەروکێ یەکێتیی تەپا پەڕ یا کوردستانێ و هەیا نها ژی یێ بەردەوامە و چەندین یاریزانێن کورد ئێن یانەیێن ئەکاد، کەرکووک و سلێمانى لسەر ئاستێ پاڵەوانییەتىێن عەرەبی و ئاسیایی پشکداری کرییە و پلەىا باش بدەستڤە ئانییە. ماوەیەک ڕاهێنەرێ تەپا بالەىا کەچێن یانەىا هێرش بووە ل هەڤلێرێ.
$کۆتایی$
ل دوماهیکا چاڤپێکەتنێ، پەیاما دکتۆر نەوزاد ژبو ماموستایێن کوردستان ئەو بوو کو گرنگییەک زور ب نڤیسین و پەرتوکا بدەن ب زمانێ کوردی، ب تایبەت ژ ئالێ ئەکادیمی و ماموستایێن زانینگەهان ژبو پاراستنا فەرهەنگ و کولتورێ کوردی.

[1] ئەڤ چاڤپێکەتنە ل #27-8-2023# ل هەڤولێرێ تایبەت ب #کوردیپێدیا# ژئالێ #عومەر عەلی کایی# ڤە هاتە ئەنجام دان. [2]