ناڤ: ساڵح
ناڤێ بابی: زەکی
ساڵا ژدایکبوونێ: 1886
ساڵا وەغەرا داویێ: #13-12-1944#
جهێ ژدایکبوونێ: #سلێمانی#
جهێ وەغەرا داویێ: #بەغدا#
$ژیاننامە$
ساڵح زەکی بەگ کەسایەتییەک مەزنێ کورد بوو، ئێکەم کەس بوو کوو هاڤینەهەوارا سەڵاحەدین درووست کرییە و ناڤێ کوڕێ خوە لێنایە.کو ناڤێ سەڵاحەدین بوویە.
پشترە سەڵاحەدینێ کوڕێ وی (سەڵاحەدین ساڵح زەکی) ئێکەمین ڕێڤەبەری ناحیا شارەزوور ( #سەیدسادق# ) بوو ل ساڵا 1955.
ساڵح بەگێ زەکی بەگ سەرکردەیەکێ سەربازی و ئیداری و ئەدیبەکێ دیار بوو. ساڵا 1886 ل باژێڕێ سلێمانی ژدایک بوویە.
قویناغێن خوەندنێ ل سلێمانی و #بەغدا# و #ئەستەنبوڵ# تمام کرینە و باوەڕنامەیێن بڵندێن زانستا سەربازی بدەستڤە ئانینە و ساڵا 1906 بوویە ئەفسەر و ل سوپایێ عوسمانیدا خزمەت کرییە.
پشتی تمامبونا جەنگێ ئێکەمێ جیهانی و ل ساڵا 1921 ڤەگەڕیایەڤ باژێڕێ سلێمانی و ساڵا 1922 بوویە قائیمقامێ #ئاکرێ# و پشتی ماوەیەکێ کەم واز ئانییە و پەیوەندی ب شێخ مەحموودێ نەمر کرییە و ل تەشکیلەیا دووهەما وەزاریدە بوویە سەرکردەیێ هێزێن چەکدار و پلەیا وی هەڤشانا وەزیرێ بەرگری بوویە.
پشتی تێکچوونا حکومەتێ، شێخ چوویە بەغدا و ل وێرێ و ل بوارێ ڕوژنامە نڤیسیدا خزمەت کرییە و گوڤارا دیاری کوردستانی ب زمانێن کوردی و عەرەبی و تورکی دەرکرینە، کو گوڤارەک ب ڕەونەق وێنەدار بوویە ل #11-03-1925# تا #11-05-1926# ئەڤ گوڤارە یا بەردەوام بوویە.
ساحێبقڕان گوتار بو ئەڤێ گۆڤارێ نڤیسییە و هەروەسا شاعێر ژی بوویە و هۆزان نڤیسینە.
ئەو ل ڕوویێ ئەدەبی ژی کەسەکێ خودان شیان و بەرکەفتی بوویە و ب حوکمێ کوو زمانێن تورکی و عەرەبی و فارسی و فەرەنسی ب باشی زانییە سوود ل ئەدەبیاتا ئەوان گەلان وەرگرتییە.
پشترە جارەکە دن ل بوارێ ئیداریدا وەکە ڕێڤەبەرێ ناحیا قزانییە و شارەبان و قائیمقامێ #کۆیە# و پارێزگارێ سلێمانی و #هەڤلێر# و #دیالە# خزمەت کرییە.
ل ڕێکەفتا 13-12-1944 و ل 58 ساڵیدا وەغەرا داویێ کرییە و ل باژێڕێ بەغدا هاتییە بخاک سپاردن. [1] [2]