هێڤارییا ڕوژا #13-01-2009# پشتی 73 ساڵان، نڤیسەر و ئەکتەر و دەرهێنەرێ شانۆیی (عومەر عەلی ئەمین) وەغەرا داویێ کر، ژیانا هونەرییا ڤی هونەرمەندەی، دەوڵەمەندییەکە زور پێڤە یا دیارە کو ڕەنگە بەشەکە زورا هونەرمەندێن نها ئێن کورد لێ ئاگەهدار نەبن، وی ل ماوێ پتر ل نیڤ سەدەیێ کارکرنا هونەریی ل زور بوارێن هونەرییدا کار کرییە و ل هەمی ڤان بوارانەشدا ب بەراورد ب قویناغێن ڕیتما هونەریی (عومەر عەلی ئەمین) پێشەنگەکە هونەرییا کوردستانێ یە. ل مرنا ویدە ئەو تیپ و گرووپێن شانۆیی کو لافیتەیا ڕەش بو هەلاویست بوو و برووسکە ژبوی پرسەیا وی لێددا، ل ژیانی ویدە ئامادەنەبوون گولەکێ ب یاخەیا خوەڤە بکەن، ڕەنگە (بنگەها ئەدەبی و هونەریی گەلاوێژ) ل هەمی ئەوان تیپێن شانۆیی ل #سلێمانی# ب وەفاتر بن ژبوو وی کوو ساڵا پار ل فێستیڤاڵا گەلاوێژدا ڕێزیان ژێ هاتە گرتن.
ل بوارێ نواندندا ب دەر ل وان کارێن شانۆیی کو ئۆپەرێت و کارێن زارۆکان بوون، ب تەنێ ل کارێ شانۆیی ل ساڵا 1970 تا ساڵا 1986 وەکە ئەکتەر بەشدارییا چەندین نمایشی شانۆیی کرییە، کو هەریەک ل ڤان شانۆیان ل دیرۆکا شانۆیا کوردیدا پێگەهێ تایبەت هەنە، گرنگترین ئەوان کاران بریتنی : (گۆڕهەڵکەن-1970) (بازرگانی ڤینسیا-1972) (پژمین-1973) (پەیکەر -1974) (کوپە -1978) (پردی ئارتا -1978) (بەرەو خۆر-1986) ئەڤە ژبلی نڤیسین پتر ل 30 درامایێن تەلەفزوێنی و 60 بەرهەمێن ڕادێویی کو زۆربەیا وانا وی بخوە کارێ نواندن و دەرهێنانی ژبو کرییە.ل بوارێ شانۆگەری و ئۆپەرێتی زارۆکانیشدا بەرهەمێن زور هەنە، چ وەکە نووسین چ وەک دەرهێنان و نواندن، ژوانا... (بازنی زێڕ-1973) (مامۆستا شێر-1973) (ئەنۆفێلس-1976) (بێخەمی ناوی بەرمیل-1973) (دارقەیسی-1976) (بوکە بە بارانێ) (کانییەکە سەمای نەکرد) (بولبول گۆرانیبێژەکە) ....هتد
خوەدی بیرۆکەیا دەرئانینا ئێکەمین گوڤارا هونەرییا کوردییە، ب ناڤێ (تیشکی هونەر) کو پشترە دگەل (ئەحمەد دەنگ گەورە و فەتاح کاوە) چەند ژمارەیەک لێدەرکرن.
ژبلی ڤێ چەندێ ژی د بوارێ شێوەکاری و وێنەکێشاندا بەشدارییا چەندین پێشانگەهێن تایبەت کرییە، هەرچەندە ئەو ل دەف مە وەک شێوەکار نەهاتییە نیاسن، لێ بەردەوام ئاگادازی جموجووڵا مێژووی و شێوەکارییا کوردی بوویە و چەندین گوتار و بابەت ل ڤی بوارەیدا نڤسیڤە،
دیارترین خاڵا ژیانا ئەڤی هونەرمەندەی ئەو بوویە کوو بەردەوام حەز ب گوهداریێ و کێم قسەکرڤێ بووی، وی زور ڕێز ل ئەزموونا هونەرمەندێن لاو دگرت و بەردەوام ل نمایش و بەرهەمێن وانا ئامادە بوو، بۆ بەشێکیان قسە وسەرنجا تایبەت/ بخوە هەبوو، ب تایبەت قسە لسەر (بوون و نەبوونا دەقا شانۆییا کوردی، فۆلکلۆر ل دەقی کوردیدا، ئەزمووونگەری ل شانۆیا کوردیدا) چەندین بابەتێن دن، هەیا ڕۆژێن دوماهیکا تەمەنێ خوە پشکدارییا نمایش و کۆڕێن ڕەخنەیی و فێستەڤاڵێن شانۆیی دکر، لدیف وی هەموو ئەزموون و شیانا هونەری کوو ل بوارێ نواندن و دەرهێنان و نڤیسینێدا هەبوو، لێ ئەو ب بێدەنگی ژیا و ب بێدەنگی کارێ هونەری دکر و ب بێدەنگی ژی وەغەرا دوماهیکێ کر. [1] [2]