ناڤەندا راگھاندنێ یا ھێزێن سووریا دەمۆکراتیک (ھەسەدێ) راگھاند، وان ب ھەڤکاریا ھەڤپەیمانیا ناڤنەتەوەیی شانەیەکا چەتەیێن #داعش#ێ ل باژارێ رەقایێ ژ ھەڤ خستیە و 4 ئەندامێن وێ گرتنە.
ناڤەندا راگھاندنێ یا ھەسەدێ ئیرۆ 3ێ چلەیێ ب داخویانیەکێ ئەنجامێن ئۆپەراسیۆنەکا نوو یا ئەولەھیێ ئاشکەرا کر. ل گۆری داخویانیێ، تیمێن ئۆپەراسیۆنێن لەشکەری (TOL)یێن سەر ب ھەسەدێ ڤە، ب سەرکردایەتیا ھێزێن ھەڤپەیمانیا ناڤنەتەوەیی ل ناڤەندا باژارێ رەقایێ ئۆپەراسیۆنەکا سەرکەفتی پێک ئانین.
ھەسەدێ دەستنیشان کر، د ئەنجاما بسەردەگرتنا ڤەشارتگەھا شانەیێ دە، 4 ئەندامێن داعشێ ھاتن گرتن. ھەروھا ھاتە راگھاندن کو د ئۆپەراسیۆنێ دە چ زیان نەگھیشتیە سڤیلان و شەرڤانان. د ھەمان دەمێ دە، ھەژمارەک چەک و ئاموورێن راگھاندنێ یێن کو چەتەیان ژ بۆ چالاکیێن تەرۆری بکار دئانین، ھاتن دەستەسەرکرن.
ل گۆری داخویانیێ، د لێپرسینێن دەستپێکێ دە ھەر چار چەتەیان ل سەر تاوانێن خوە ل خوەر مکور ھاتنە. وان ل دژی خال و بارەگەھێن لەشکەری یێن ھەسەدێ ئاگاھیێن ئیستیخباراتی کۆم دکرن و ئامادەکاریا ئێرشان دکرن. ھەروھا ھات دیارکرن کو ڤان کەسان راستەراست ب سەرکێشێن داعشێ رە د ناڤ پێوەندیێ دە بوون و ئاگاھی ژ وان رە دشاندن.
ھەسەدێ د داویا داخویانیا خوە دە تەکەز کر کو تێکۆشینا وان یا ل دژی شانەیێن ڤەشارتی یێن داعشێ ب بریارداری بەردەوام دکە. [1]
$تێبینی:$
ئەڤ بابەتە ب ڕێنڤیسا چاڤکانیێ ئیماژە پێکری هاتییە دەینان، کوردیپێدیا توو دەستکارییەک نەکرییە.