[1]

د.#سامان بەرزنجی#، وەزیری تەندروستی حکوومەتی هەرێمی کوردستان، پرسە نامەیەکی ئاراستەی خانەوادەی پڕۆفیسۆر (د. #دەشتی دزەیی#) پزیشکی پسپۆڕی پێشەنگ و دێرین و مامۆستا و زانای پزیشکی و کەسایەتیی شاری هەولێر کرد و ڕایگەیاند، بەداخەوە بەهۆی نەخۆشی کۆچی دوایی کرد.
ئاماژەی بەوەش داوە د. دەشتی دزەیی پزیشکێکی پێشڕەوی بواری پزیشکیی کوردستان و دڵسۆز و بەوەفا و خۆشەویستی هاووڵاتیان بوو، خزمەتی زۆری مرۆڤدۆستی و هەژاران و هاووڵاتیان و چارەسەری نەخۆشی و بواری ئەکادیمی وفێرکردنی چەندین نەوەی پزیشکی کردووە.
هەروەها ڕۆڵی گرنگ و مێژوویی هەبووە لە پێشکەشکردنی خزمەتگوزاری تەندروستی بۆ پێشمەرگە قارەمانەکان و بزوتنەوەی ڕزگاریخوازیی کوردستان، بەردەوام بەڕێکوپێکی و بێ ماندووبوون خزمەتی زۆری هاووڵاتیانی کردووە و چەندین مامۆستا و پزیشکی پێ گەیاندووە. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

شەممە، 25ی کانوونی دووەمی 2025، سەرۆکایەتی حکوومەتی هەرێمی کوردستان بڵاوی کردەوە، سەرۆک وەزیران، #مەسرور بارزانی# پرسەنامەیەکی ئاراستەی بنەماڵەی دکتۆر #دەشتی دزەیی# کرد.
لە ڕاگەیەندراوەکەدا هاتووە، سەرۆک وەزیران مەسرور بارزانی ڕایگەیاندووە، بە داخەوە هەواڵی کۆچی دوایی پزیشک و کەسایەتیی ناسراوی #هەولێر# دکتۆر (دەشتی دزەیی)م بیست.
سەرۆک وەزیران گوتیشی: خوالێخۆشبوو لە بواری پزیشکی و تەندروستیدا، خزمەتێکی زۆری کردووە، پرسە و سەرەخۆشیی خۆم ئاراستەی بنەماڵە و کەسوکاری خوالێخۆشبوو دەکەم و هاوبەشی خەمیانم، خواى مەزن گيانی بە بەهەشت شاد بکات و ئارامى و دڵنەوايیش، بە بنەماڵەکەی ببەخشێت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=