$باکووری کوردستان$
- دوای دوو مانگ و نیو لە داخستنیان، بڕیارە ئەمڕۆ مزگەوتەکانی باکووری کوردستان بکرێنەوە.[1]
$رۆژهەڵاتی کوردستان$
- جێگری کۆمەڵایەتیی فەرماندەیی پاسەوانی سنوور لە پارێزگای #ورمێ# ڕایگەیاند، سێ کەس لە پاسەوانانی سنوور لە پێکدادان لەگەڵ چەکداری نەناسراو لە سنووری #سەردەشت# کوژراون.[2] فەرمانداری سەردەشت لە وتووێژێک لەگەڵ هەواڵدەریی ئیرنا، شوناسی کوژراوەکانی ئەو شەڕەی بە تەقی بەهەروەر فەرماندەی پایگا و خەڵکی مەراغە، هادی عەبدی کادری هەنگی سنووری و خەڵکی میاندوئاو و عەلیڕەزا ئیسلام دۆست سەربازی هەنگی سنووری و خەڵکی تەورێز، ڕاگەیاندووە.[5]
- جەواد ئاغازادە، بەرپرسی زانکۆی پزیشکیی پارێزگای ورمێ ڕایگەیاند، تووشبووانی ڤایرۆسی #کۆرۆنا# لە پارێزگای ورمێ گەیشتووەتە پێنج هەزار و 94 کەس و تاوەکو ڕۆژی 28-05-2020، 217 کەس لەو پارێزگایە بە ڤایرۆسەکە گیانیان لەدەستداوە.[2]
$باشووری کوردستان$
- کاتژمیر 14:30 گوندی کەڤەرکێی سەر بە شارۆچکەی #چەمانکێ# بۆردومانکراوە و زیان بەر باخ و ناخچەی هاوڵاتیان کەوتووە.[7]
- لە بەردەوامی پشکنینەکان و گەڕان بەدوای گومانلێکراوان و تووشبووان، یەک تووشبووی ڤایرۆسی کۆڕۆنای نوێ COVID-19 لە پارێزگای #دهۆک# دەستنیشانکرا، پیاوێکی تەمەن 36 ساڵ پیشەی پاسەوان لە فڕۆکەخانەی بغداد، دانیشتووی شارۆچکەی سێمێل لە پارێزگای دهۆک. تووشبوەکە دوای گەڕانەوەی لە بەغداد پشکنینی تاقیگەیی بۆ کراوە.[1](بڕوانە فایلی پەیوەندیدار) =KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/382146/0012.JPG=KTML_ImageCaption_Title=جووتیارێک: 34 دۆنم زەویی دەغلودانم بەتەواویی سووتا=KTML_ImageCaption_CaptionStyle=000000=KTML_ImageCaption_Caption=جووتیارێک: 34 دۆنم زەویی دەغلودانم بەتەواویی سووتا=KTML_ImageCaption_End=
- دوا نیوەڕۆی ئەمڕۆ، لە گوندی لەک لە سنووری شارەدێی زنانەی سەر بە شارۆچکەی #کفری#، بەهۆکارێکی نادیار دەغڵودانی جووتیارێکی دانیشتووی شارۆچکەی #خورماتوو#ی سەر بە پارێزگای سەڵاحەدین سووتا. عەلی نەوزاد خاوەنی ئه و دەغڵودانەیە بۆ ڕۆژنیوز قسەیکرد و وتی، بەرهەمی ئەمساڵیان کە نزیکەی 34 دۆنم زەوی دەغڵودانی گەنم بووە، بە تەواوەتی سووتا و هەمووی بوو بە خوڵەمێش.[3]
- لە بەردەوامی پشکنینەکان و گەڕان بەدوای گومانلێکراوان و تووشبووان، دوو تووشبووی دیکەی ڤایرۆسی کۆڕۆنای نوێ COVID-19 لە پارێزگای هەولێر دەستنیشانکران، هەردووکیان پیاون تەمەن 58 و 35 ساڵ، لە شاری بەغداد گەڕاینەوە، تووشبووەکان دانیشتووی شارەدێی عەنکاوە و ئیمپایەر سیتین لە شاری هەولێر.[1](بڕوانە فایلی پەیوەندیدار)
- لە بەردەوامی پشکنینەکان و گەڕان بەدوای گومانلێکراوان و تووشبووان، شەش تووشبووی دیکەی ڤایرۆسی کۆڕۆنای نوێ COVID-19 لە پارێزگای #سلێمانی# دەستنیشانکران، پێنج پیاو تەمەن 51 و 45 و 44 و 39 و 38 ساڵ و ئافرەتێکی تەمەن 63 ساڵ، تەنها یەک لە تووشبووان بەرکەوتووی تووشبووانی پێشووە، پێنج تووشبووەکەی تر نیشانەی نەخۆشیان هەیە و پشکنینیان پۆزەتیڤ دەرچووە، هەموویان دانیشتووی ناو شاری سلێمانین.[1](بڕوانە فایلی پەیوەندیدار)
- لەبەردەم سایلۆی #کەرکووک# لەناوچەی پیشەسازی، ژمارەیەک جوتیار دژی وەرنەگرتنی بەرهەمی دانەوێڵە لەلایەن حکومەتەوە ناڕەزاییان نیشاندا. بەوتەی چەند جوتیارێکی بەشداربوی خۆپیشاندانەکە بۆ (کەرکووک ناو)، بەپاساوی تێکەڵی نیسک لەگەڵ گەنمەکەدا، حکومەت ئامادەنییە بەرهەمی دانەوێڵەی ئەمساڵیان وەربگرێت. چەند خولەکێک دوای دەستپێکردنی خۆپیشاندانەکە، هێزێکی لیوای تایبەتی 61 گەیشتونەتە بەردەم سایلۆ و دەستبەجێ پەلاماری کامێرای ڕۆژنامەنوسانیان داوە، دەستیان بەسەر ژمارەیەک کامێرادا گرتوه و ئەوانی تر وێنه و ڤیدیۆی خۆپیشاندانەکەیان بەزۆر پێ سڕیونەتەوە. بەوتەی پەیامنێری (کەرکووک ناو)، ئه و هێزە لەگەڵ هەوڵی ڕێگری لە ڕوماڵی میدیاکان، بەتەقاندنی نزیکەی 10 فیشەک بەئاسماندا، بڵاوەی بە جوتیاران کردوه و خۆپیشاندانەکە کۆتاییهاتوە.[4](بڕوانە فایلی پەیوەندیدار)
- وتەبێژی ئاسایشی #هەولێر# دەڵێت، بڵاوەپێکردنی هێز لە سەنتەری هەولێر بە سەرپەرشتیی وەزارەتی ناوخۆ و پارێزگاری هەولێرە و لە چوارچێوەی ڕێکارەکانی بەرەنگاربوونەوەی کۆرۆنادایە.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/382146/0006.JPG=KTML_ImageCaption_Title=وەزارەتی ناوخۆ و پارێزگاری هەولێر هێزیان بڵاوەپێکردووە=KTML_ImageCaption_CaptionStyle=000000=KTML_ImageCaption_Caption=وەزارەتی ناوخۆ و پارێزگاری هەولێر هێزیان بڵاوەپێکردووە=KTML_ImageCaption_End=
- بەڕێوەبەرایەتی پۆلیسی ڕاپەڕین ڕایگەیاند: پاش ئەوەی 27ی ئەم مانگە ژنێکی بەساڵاچوو بەناوی (ئ. م. ڕ) لەدایک بووی ساڵی 1943 دانیشتووی #قەڵادزێ# گەڕەکی ڕاپەڕین لە ماڵەوە دەچێتە دەرەوە و ناگەڕێتەوە بۆ ماڵەوە و بۆ ئەم مەبەستەش کەسوکارەکەی لە بنکەی پۆلیسی ڕاپەڕین سکاڵای یاسایی تۆمار دەکەن، دواتر هێزەکانمان بە هاوکاری هێزەکانی ئاسایشی قەڵادزێ و پۆلیسی دارستان و ژینگەی پشدەر هەوڵی دۆزینەوەی دەدەن، بەڵام دوای دووڕۆژ گەڕان بەدوایدا پاشنیوەڕۆی ئەمڕۆ سەعات 2:30 دەقیقە تەرمەکەی لەلایەن مەفرەزەیەکی پۆلیسی دارستان دۆزرایەوە و دواتر هێزەکانمان لە پۆلیسی فریاکەوتن و بنکەی پۆلیسی ژاراوە ئاگادار کرانەوە و تەرمەکە گەیەندرایە نەخۆشخانە.[6]
- مامۆستایان و فەرمانبەرانی #هەڵەبجە# دژی دەستگیرکردنی مامۆستا #بەدەل بەرواری# لە دهۆک، گردبوونەوە و داوای ئازادکردنیان کرد، هەروەها ڕەخنەی توندیان لە دەسەڵاتی هەرێم گرت، کە لەجیاتی بەهاناوەچوونی خەڵکی ناوچە دابڕێندراوەکان، هەرێم هێز ڕەوانەی باڵەکایەتی و زینی #وەرتێ# و بناری #قەندیل# دەکات.[3](بڕوانە فایلی پەیوەندیدار)
- فڕۆکەی سیخوڕیی بە ئاسمانی سلێمانیدا دەسووڕێتەوە و ڕوون نییە سەر بە چی وڵاتێکە.[3](بڕوانە فایلی پەیوەندیدار)
- عەلی تەتەر، ئەندامی ئەنجومەنی سەرکردایەتی پارتی بەمیدیاکانی حزبەکەی ڕاگەیاندووە، پارتی بڕیاریداوە لەکۆتایی ئەمساڵ چواردەمین کۆنگرەی خۆی لەشاری دهۆک ببەستێت، بۆ ئەو مەبەستەش دەستی بەئامادەکاریەکانی کردووە.[4]
$رۆژئاوای کوردستان$
- دەوڵەتی تورکی داگیرکەر و چەتەکانی ئاگریان بەردایە خانووی هاووڵاتییانی گوندی مێناخ لە تلتەمر. هاوکات لە گوندەکانی ڕابیات و زرگان بەهۆی هێرشەکانی دەوڵەتی تورک و چەتەکانەوە ئاگربەربوویە زەوییەکانی ئەو دوو گوندە و دانیشتوانی ئەو دوو گوندە لەگەڵ ئاگرکوژێنەوە توانییان ئاگرەکە لە دوای ماوەیەک بکوژێننەوە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/382146/0009.JPG=KTML_ImageCaption_Title=دەوڵەتی تورک و چەتەکانی ئاگر لە خانووی هاوڵاتیان بەردەدەن=KTML_ImageCaption_CaptionStyle=000000=KTML_ImageCaption_Caption=دەوڵەتی تورک و چەتەکانی ئاگر لە خانووی هاوڵاتیان بەردەدەن=KTML_ImageCaption_End=
- دوای ئەوەی شەڕ لە نێوان گرووپێکی سووری و عەرەبە هاوردەکانی غوتەی ڕۆژهەڵات لە گەڕەکی مەحموودیەی شاری #عەفرین# دروستبوو، لە نێو زیندانی گرووپەکەدا پێنج ئافرەتی کورد دۆزرانەوە.[2]
- دەوڵەتی داگیرکەری تورک و چەتەکانی، زەویە کشتوکاڵیەکانی ناوچەی شێراوای عەفرینیشیان سووتاند. هەروەها داگیرکەران ئاگریان بەردایە زەویە کشتوکاڵیکەانی گوندی باسلا و بێنێ شێراوا. ئاگرەلە لە هەرێمەکە بڵاوبووەوە، تیمەکانی ئاگرککوژێنەوە و گەل هەوڵی کۆنتڕۆڵکردنی ئاگرەکە دەدەن. لە تەل بەراک 440 دۆنم زەوی کشتوکاڵی بوو بە خۆڵەمێش. لە لایەکی ترەوە زەویە کشتوکاڵیەکانی گوندەکانی ئەتشانی و خازۆکێی سەر بە ناوچەی تەل بەراکی قامشلۆ سووتێنرا و تیمەکانی ئاگرکوژێنەوە ئاگرەکەیان کۆنتڕۆڵ کرد. لە ئەنجامی ئاگرەکەی گوندی خازۆکدا 220 دۆنم، لە گوندی ئەتشانێ 200 دۆنم زەوی کشتوکاڵیی گەنج و جۆ بوون بە خۆڵەمیش.[7]
$دەرەوەی کوردستان$
- #وەزارەتی ناوخۆ#ی تورکیا بڕیارێکی نوێی لەبارەی قەدەخەی هاتووچۆ بۆ 15 پارێزگای تورکیا و باکووری کوردستان دەرکرد. بەگوێرەی بڕیارەکەی وەزارەتی ناوخۆی تورکیا، قەدەخەی هاتووچۆ لە هەریەک لە پارێزگاکانی ئەنقەرە، ئیستەنبووڵ، ئیزمیر، باڵکئەسیر، بورسا، ئەسکیشەهیر، #دیلۆک#، قەیسەری، قۆنیا، کۆجائێلی، مانیسا، ساکاریا، سامسوون، #وان# و زۆنگوڵداک لە شەوی 29ی ئایار لە کاژێر 00:00 دەستپێدەکات و تاوەکو کاژێر 00:00ی شەوی 31ی ئايار بەردەوام دەبێت.[2]
- ئەمڕۆ تەندروستی ئێران بڵاویکردەوە، لەماوەی 24 کاتژمێری ڕابردوودا، دوو هەزار و 819 کەس دووچاری کۆرۆنا بوون، هەروەها 50 کەسیش گیانیان لەدەستداوە.[3]
- وەزارەتی تەندروستی و ژینگەی عێراق تووشبوونی 416 کەس و گیانلەدەستدانی شەش کەسی دیکەی بە ڤایرۆسی کۆرۆنا تۆمارکرد.[2]