برووسکەی پیرۆزبایی مەکتەبی سیاسیی پارتی دیموکراتی کوردستان بۆ (28) ساڵەی دامەزراندنی یەکێتی نەتەوەیی دیموکراتی کوردستان
بەڕێز غەفوور مەخموری سکرتێری گشتی یەکێتی نەتەوەیی دیموکراتی کوردستان.

بەڕێزان ئەندامانی مەکتەبی سیاسی و سەرکردایەتیی یەکێتی نەتەوەیی دیموکراتی کوردستان.
بە بۆنەی (28)یەمین ساڵیادی دامەزراندنی یەکێتیی نەتەوەیی دیموکراتی کوردستان، پیرۆزباییەکی گەرم لە ئێوەی بەڕێز و ئەندامان و لایەنگرانی حزبە تێکۆشەرەکەتان دەکەین و، ئومێدەوارین لە بەرنامە و چالاکییەکانتان بەردەوام و سەرکەوتووبن.
لەکاتێکدا یادی دامەزراندنی حزبەکەتان پیرۆز دەکەین، جەخت لەسەر کاری هاوبەش و هەماهەنگیی بەردەوامی نێوانمان دەکەینەوە بۆ بەهێزکردنی یەکڕیزیی لە نێوان پارت و لایەنە سیاسییەکانی کوردستان بۆ پاراستن و بەهێزترکردنی قەوارەی هەرێمی کوردستان و دەستکەوتەکانمان و بەدیهێنانی ئامانجە ڕەواکانمان.
دووبارە پیرۆزباییتان لێدەکەین و هەر سەکەوتوو بن. [1]

مەکتەبی سیاسیی
#پارتی دیموکراتی کوردستان#
#21-03-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=بەڕێز/ غەفور مەخموری سکرتێری گشتی یەکێتی نەتەوەیی دیموکراتی کوردستان YNDK
بەڕێزان/ ئەندامانی مەکتەبی سیاسی و کۆمیتەی سەرکردایەتی یەکێتی نەتەوەیی دیموکراتی کوردستان YNDK=KTML_End=

بەبۆنەی (27) ەمین ساڵیادی دامەزراندنی حزبە تێکۆشەرەکەتان پیرۆزباییەکی گەرمی خەبات و کۆڵنەدان لە ئێوەی بەڕێز و کادیر و ئەندامان و لایەنگرانتان دەکەین و، هیوادارین هەر بەردەوام و سەرکەوتوو بن لە خەبات و تێکۆشانتان بۆ سەرخستنی دۆزی ڕەوای گەلەکەمان.
بەخشش و ڕۆڵی حزبەکەتان لە ماوەی (27) ساڵی ڕابردوودا دیار و بەرچاو بووە لە پێناو بە دیهێنان و بە دەست خستنی تەواوی مافە ڕەواکانی گەلی کوردستان، جەختکردنەوە لەسەر بیری ئازادیخوازی نەتەوەیی و بەرجەستەکردنی لە تاک و کۆمەڵگای کوردستاندا، لەم پێناوەدا هەوڵ و خەباتی زۆرتان داوە و هیوادارین سەرکەتوو بەردەوام بن.
یادی دامەزراندنی حزبەکەتان کە ھاوکاتە لەگەل جەژنی نەتەوەیی نەورۆز و سەری ساڵی کوردیمان، بەم بۆنەیەشەوە پیرۆزبایی گەرمتان ئاراستەدەکەین و، خەبات و هەوڵ و ڕۆڵی بەرچاوتان بۆ بەدەستهاتنی دەسکەوتەکان و بەدیهێنانی ئامانجەکانمان بەرز دەنرخێنین، هاوکات جەخت دەکەینەوە لەسەر هاوخەباتی و یەکڕیزیی و تەبایی بۆ پاراستنی دەسکەوتەکان و ڕەوشی ئارام و سەقامگیریی هەرێمی کوردستان.
هیوادارین بە هەموو لایەک هەوڵ بدەین بناغەی ئەو هەماهەنگییە زیاتر پتەوتر و بەهێزتر بکەین لە پێناو بەرژەوەندی گشتیی و دابین کردنی ئایندەیەکی ڕۆشنتر و گەشتر بۆ گەلەکەمان.
جارێکی دیکە پیرۆزباییتان لێدەکەین و هەر سەرفرازو سەرکەوتوو بن. [1]

مەکتەبی سیاسی
#پارتی دیموکراتی کوردستان#
#20-03-2022#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

- جەماوەری وڵاتپارێزو خۆڕاگری کوردستان...
- کەس و کار و بنەماڵەی سەربەرزی شەهیدانی کوردستان...
ئەمڕۆ 23 بیست و سێ ساڵ بە سەر تەمەنی پڕ لە خەبات و بەرخۆدانی YNDK تێپەڕدەبێت، لەم ڕۆژەدا YNDK وەکو ڕێخستنێکی نەتەوەیی و نیشتمانی و جەماوەریی لە گۆڕەپانی سیاسی و کلتوری کوردستان لەدایکبوو و ڕاگەیاندراو بووە موژدەبەخش بۆ هاوبیرانی نەتەوەیی و وڵاتپارێزان و نیشتمانپەروەران، YNDK لەماوەیەکی کورتی تەمەنیدا توانی بەدیاربکەوێ و بەهۆی کاری بەردەوامی لەسەر خزمەتکردن و کارکردن بۆ سەربەخۆیی کوردستان، کاریگەری لە سەر پرسە نەتەوەیی و نیشتمانی و سیاسییەکان دروست بکات، YNDK توانیویەتی لەئاست بەرپرسیاریەتیدا بێت و بەشرۆڤە و خوێندنەوە و پێشبینییەکانی پیلانە نەگریسەکانی داگیرکەران و دوژمنانی کوردو کوردستان ئاشکرا بکات و ڕووبەڕوویان ببێتەوە و، بەپەروەردەیەکی نەتەوەیی و ئاشناکردنی تاک بەناسنامەکەی پەیوەستبوونی تاکی کوردی بە خاک و وڵات بە بنەما گرت، ئەوەش بۆئەوەی شێلگێڕانە ڕووبەڕووی دوژمنان و داگیرکەرانی کوردستان ببینەوە، هزری نەتەوەیی و نیشتمانپەروەریی و وڵاتپارێزی YNDK وایکرد زۆر بەخێرایی بەدیاربکەوێ و ببێتە خودان پێگەی خۆی لەسەر ئاستی کوردستانی گەورەدا.
ئێمە لەکاتێکدا کەوا یادی بیست و سێیەم ساڵیادی دامەزراندنی YNDK دەکەینەوە بەهۆی هەڕەشەکانی عێراق و ئەو هەڕەشانەی لەسەر کوردستان هەن، وایانکردووە باشووری کوردستان بکەوێتە ڕەوشێکی زۆر ناسک و هەستیار، ئەوەتا لەلایەک حکومەتی عێراق دوای داگیرکردنی کەرکووک و مەخموور و شنگالأ و توزخورماتوو لە 16 / 10 / 2017 تا ئێستاش بەجۆرەها شێوە دژایەتی گەلی کوردستان دەکات، لەلایەکی دیکەوە قەیرانی دارایی بەرۆکی کوردستانی گرتووە و، داگیرکەرانیش لەهەموو لایەکەوە لە پیلاندان، ئەوەتا ڕژێمی داگیرکەری تورکیا بە جۆرەها چەک هێرشی کردۆتە سەر شاری عفرینی ڕۆژئاوای کوردستان و خاکەکەی وێران و سوتماک کردووەو خەڵکەکەشی جینۆساید کردووە، وێڕای ئەوەی کەوا جارێکی دیکە ئەو داگیرکاری و پیلانانە ئیدانەو شەرمەزار دەکەین و دژیان دەوەستینەوە، بانگ لە هەموو لایەک دەکەین کەوا بۆ پاراستنی دەسکەوتەکانی گەلی کوردستان کاربکەین و زۆر بەوردی و بەرپرسانە مامەڵە لەگەڵ ئەم ڕەوشەدا بکەین، بێگومان ئەمەیش تەنیا بە یەکڕیزی و یەکدەنگی لایەنە سیاسییەکان و پێکهاتەکانی گەلی کوردستان دەبێت، بۆئەمەیش پێویستە دەسەڵات و جەماوەری کوردستان زیاتر لەیەکدی نزیکببنەوەو هاوکاری یەکتربن، لەم پێناوەشدا جارێکی دیکە داوای پێکهێنانی (ئەنجوومەنی سیاسی کوردستان) دەکەین، کە ئەنجوومەنێک بێت هەموو حزب و لایەنە سیاسییەکان بگرێتەخۆ، ئەمەش باشترین هەنگاوە بۆ ڕێکخستنەوەی ناوەندی سیاسی کوردستان، سەرەڕای پیلان و ئاستەنگەکان پێشڤەچوونی خەبات و تێکۆشانی نەتەوەکەمان لە باکوورو ڕۆژهەڵات و ڕۆژئاوای کوردستان مایەی خۆشحاڵین و وەک هەمیشە پشتیوانی و هاوکاری تەواوی خۆمانیان پێڕادەگەیەنین, لەم ڕەوشەدا لەسەر ئاستی نەتەوەیی جەختدەکەینەوە سەر بەستنی کۆنگرەی نەتەوەیی کوردستان بە بەشداری تەواوی هێزو لایەنە سیاسییەکانی کوردستان بۆ یەکدەنگی و یەکڕیزی گەلی کوردستان و داڕشتنی بەرنامەی کارو خەبات بۆ هەموو بەشەکانی کوردستان بەرەچاوکردنی بارودۆخیان بەکارێکی نەتەوەیی و نیشتمانی گرنگ دەزانین، بۆ ئەم مەبەستەیش ئێمە وەکو YNDK وەک هەمیشە ئەوەی لە تواناماندابێت دەیکەین.
لەم یادە بەرزو شکۆدارەدا جەژنی نەورۆز و ساڵی نوێی کوردی و بیست و سێیەم ساڵیادی دامەزراندنی YNDK لە هەموو هەڤاڵان و تەواوی گەلی کوردستان پیرۆز دەکەین و، ڕێزو هاوسۆزی خۆمان بۆ بنەماڵە و کەس و کاری سەربەرزی شەهیدانی کارەساتی عفرین و تەواوی شەهیدانی کوردستان وبەرز ڕاگرتنی بەرخودانی پێشمەرگە قارەمانەکانی کوردستان و بەرخودانی نەتەوەکەمان لە هەموو بەشەکانی کوردستان دەردەبڕین و، پەیمان دەدەین وەک هەمیشە لەسەر ڕێبازی شەهیدان، ڕێبازی پیرۆزی کوردایەتی درێژە بە خەبات و تێکۆشانی خۆمان بدەین لە پێناو هێنانەدی کوردستانێکی سەربەخۆ و ئازاد و یەکگرتوو دیموکرات.
- نەمری و سەربەرزی بۆ شەهید (سەربەست مەحموود) و تەواوی شەهیدانی ڕێی سەرخۆبوون و ئازادی کوردستان.
- مردن و ڕووڕەشی بۆ تیرۆریستان و داگیرکەرانی کوردستان.
مەکتەبی سیاسیی
یەکێتی نەتەوەیی دیموکراتی کوردستان YNDK
1 / نەورۆزی 2718 ی کوردی
#20-03-2018#

دەقی سوپاسنامەکە:
سوپاس و پێزانین
بەناوی خۆمان و مەکتەبی سیاسی و کۆمیتەی سەرکردایەتی و تەواوی ئەندام و دۆست و لایەنگرانمانەوە، سوپاس و ڕێزو خۆشەویستیمان ئاراستەی هەر هەموو ئەو بەڕێزو ئازیزانە دەکەین ؛ لە حیزب و لایەنە سیاسییەکان و ڕێکخراوەکانی کۆمەڵگەی مەدەنی و ڕۆشنبیران و کەسایەتییەکان و کۆنسڵخانە گشتییەکان و هۆزو عەشیرەتە کوردی و عەرەبییەکان و پیاوانی ئایینی و هەموو ئەو بەڕێزانەی کە چ بە سەردان و چ بە ناردنی پەیامی پیرۆزبایی و پەیوەندی تەلەفۆنی یان لەرێگەی ئیمێل و فەیسبووکەوە لە کوردستان و دەرەوە بەسەریانکردینەوەو، بەبۆنەی جەژنی نەورۆزو (27)ەمین ساڵیادی دامەزراندنی یەکێتی نەتەوەیی دیموکراتی کوردستان YNDK ؛ پیرۆزباییان لێکردین، پیرۆزبایی و بەسەرکردنەوەتان بەم بۆنەوە زیاتر دڵخۆشی کردین و بووە هۆی ورە بەخشینی زیاتر بۆ کارو خەباتی داهاتوومان.
وێڕای سوپاس و پێزانینی دووبارەمان بۆ هەر هەموو لایەک، هیوای پێشڤەچوون و سەرکەوتن و سەرفرازیتان دەخوازین.... هەمیشە تەندروست و شادو سەرکەوتووبن.
لەگەڵ ڕێزماندا.
غەفوور #مەخموور#ی
سکرتێری گشتیی
یەکێتی نەتەوەیی دیموکراتی کوردستان YNDK
29 / 3 / 2022[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

یەکێتی نەتەوەیی دیموکراتی کوردستان
2002

ڕاگەیاندنی کۆتایی شەشەم کۆنگرەی
یەکێتی نەتەوەیی دیموکراتی کوردستان YNDK


لە ڕۆژی 11 / 11 / 2023 یەکێتی نەتەوەیی دیموکراتی کوردستان YNDK لەژێر دروشمی (یەکڕیزى و یەکدەنگى و پاراستنى دەسکەوتەکانى گەل و ئازادى و سەربەخۆیى کوردستان) ، لە هۆڵی نەورۆز لە #هەولێر#ی پایتەختی کوردستان بە بەشدارى (209) ئەندام بە نوێنەرایەتى ڕێخکستنەکانى YNDK لە شارو شارۆچکەکانى کوردستان و (92) چاودێر کە کادیرو ئەندامى YNDK بوون شەشەم کۆنگرەی خۆی بەست.
لە یەکەم دانیشتنی کۆنگرەدا؛ دوای دەقیقەیەک وەستان بۆ ڕێزلێنان لە گیانی پاکی شەهید سەربەست مەحموود و تەواوی شەهیدانی بزاڤی ڕزگاریخوازی نیشتمانی کوردستان کردنەوەی کۆنگرە بە مارشی نەتەوەیی ئەی ڕەقیب و مارشی YNDK ڕێی سەربەخۆیی دەستی پێکرد، دواتر وتاری کردنەوەی کۆنگرەو وتارى بەخێرهاتنکردنى ئەندامانى کۆنگرەو وتاری لێژنەی ئامادەکاری کۆنگرە خوێنرانەوە، هەروەها پەیامی پیرۆزبایی بەڕێز سەرۆک مەسعود بارزانى ڕێبەرى بزاڤى ڕزگاریخوازى نیشتمانى کوردستان و، بەڕێز مەسرور بارزانى سەرۆکی حکومەتى هەرێمى کوردستان و، پەیامی پیرۆزبایی بەڕێزان سەرۆک و سکرتێرو مەکتەبی سیاسی و سەرکردایەتی حزب و لایەنە سیاسییەکانی هەر چوار پارچەی کوردستان خوێنرانەوە، دواتر کۆنگرە خەڵاتى ڕێزلێنانى پێشکەش بە چوار کەسایەتیى کوردستان بەڕێزان (زاناى ئاینى مامۆستا مەلا عەزیز خەزنەیى و نووسەرو ڕۆماننوس عەزیزى مەلاى ڕەش و سیاسەتمەدار ڕۆمیۆ هەکارى و ئەدیب و نووسەر ئەحمەد عەبدوڵڵا زەرۆ) کرد.
لە دووەم دانیشتنى کۆنگرەدا؛ ڕاپۆرتی سیاسی کۆنگرە لەلایەن هەڤاڵ غەفوور #مەخموور#ی سکرتێری گشتیی YNDK پێشکەشى کۆنگرە کراو خوێنرایەوە، لە ڕاپۆرتی سیاسیدا بەوردی باس لە بارودۆخی نێودەوڵەتی و ناوچەیی و بارودۆخی کوردستانی مەزن و کوردانی ئاسیای ناڤین و کوردانى وڵاتانى عەرەبى و باردۆخی عێراق کراوەو ئاماژە بەگۆڕانکاری و پێشهاتە سیاسییەکان لەسەر ئاستی نێودەوڵەتی و ناوچەیی و کوردستان و عێراق کراوەو لە دیدگای YNDK ەوە شرۆڤەکراون، شایانی باسە لە بەشی باشووری کوردستاندا باس لە پێشڤەچوون و گەشەسەندنەکانی ئەزموونی باشووری کوردستان لەڕووی سیاسی و دیپلۆماسی و پرۆسەی ئاوەدانکردنەوەو بنیاتنانەوەی ژێرخانى کوردستان کراوە و، YNDK پشتیوانى خۆى بۆ چاکسازییەکانى حکومەتى هەرێمى کوردستان ڕاگەیاندووە، هەر لەم بەشەی ڕاپۆرتی سیاسیدا بۆ زیاتر پێشڤەبردنی باشووری کوردستان باس لەوە کراوە کەوا چاکسازییەکی ڕیشەیی ئەنجامبدرێت و شێوازی بەڕێوەبردن سیستماتیک بکرێت و عەدالەتی کۆمەڵایەتی ڕەچاوبکرێت و گەندەڵی بنبڕ بکرێت و، بایەخ و ڕۆڵی تەواو بە لاوان و ئافرەتان و کەسانی شارەزا بدرێت، ئەمانەش دەبنە فاکتەری سەرەکی بۆ زیاتر کاراکردن و پێشڤەچوونی دەزگاو دامەزراوەکانی حکومەتی کوردستان.
لە ڕاپۆرتی سیاسیدا ئاماژە بەوەشکراوە کە سەرەڕای ئەو پێشڤەچوونانەی باشووری کوردستان تا ئێستاش کۆمەڵێ‌ هەڕەشە لەسەر باشووری وڵاتدا هەن، کە پێویستە هەموولایەکمان ڕووبەڕوویان ببینەوە، بۆ ڕووبەڕووبوونەوەی هەڕەشەکانی سەر باشووری وڵات YNDK داوا دەکات بەزووترین کات ناوماڵی کورد و ناوەندی سیاسی ڕێک و یەکبخرێتەوە و، مامەڵەیەکی تەندروست لەگەڵ هێزو لایەنە سیاسییەکانى کوردستان بکرێت، هەروەها باس لەوە کراوە کە پێویستە هەموو لایەنە سیاسییەکان لەسەر پرسە نەتەوەیی و نیشتمانییەکان یەکدەنگ و یەکهەڵوێست بن و کاربکەن بۆ پاراستن و پشتیوانیکردن و بەهێزکردنى قەوارەى باشوورى کوردستان، بە تایبەت لەم قۆناخە هەستیارو چارەنووسسازەدا.
سەبارەت بە ناوچە داگیرکراوەکانی کوردستان لە ڕاپۆرتەکەدا هاتووە: هیچ حکومەتێکی عێراق نە ئێستاو نە لە داهاتووشدا ئامادە نییە ماددەی 140 جێبەجێ بکات و دەستبەرداری ئەو ناوچانەی کوردستان بێت، سەبارەت بە پیلانەکانی ئەم دواییەی حکومەتی عێراق و میلیشیاکانى حەشدى شەعبى دژ بە خەڵکی کوردستان و ئەو ناوچانەو دەستبەسەرداگرتنى زەوى و زارى کوردان، YNDK وایدەبینێت ئەو پیلانانەی عێراق بۆ ئەوەن کەوا ئەو ناوچانە نەگەڕێنەوە سەر کوردستان و وەک ڕژێمەکانی پێشوو داگیریان بکات، بۆیە YNDK زۆر بەتوندی ئەو پیلانانە ئیدانەو ڕیسوا دەکات و دژیان دەوەستێتەوە و بانگ لە جەماوەری کوردستان و هەموو لایەک دەکات یەکدەنگ بن بۆ ڕووبەڕووبوونەوەی ئەو پیلانە گڵاوانەی حکومەتی ئێستای عێراق.
سەبارەت بە بەشەکانى دیکەی کوردستان لە ڕاپۆرتی سیاسی بە جیا باسى هەر چوار بەشى کراوە و ئاماژە بەکاروخەباتی نەتەوەکەمان لە باکوورو ڕۆژهەڵات و ڕۆژئاواو کوردستانی سۆر کراوەو جەختکراوەتەوە سەر هاوکاری و پشتگیرییان.
لەسەر ئاستی کوردستانی مەزن جەتکراوەتەوە سەر بەستنی کۆنگرەیەکی نەتەوەیی سەرتاسەری بۆ تەواوی هێزو لایەنە سیاسییەکانی هەموو بەشەکانی کوردستان و، داڕشتنی ستراتیژێکی نەتەوەیی یەکگرتوو بۆ قۆناخی داهاتووی خەباتی گەلی کوردستان ئەمەش بە ئەرکێکی نەتەوەیی و نیشتمانی بەپەلەی ئەم قۆناخەی خەبات دانراوە و، باس لەوەش کراوە کەوا دواخستنیشی زیانێکی زۆر بە دۆزی ڕەوای گەلى کوردستان دەگەیەنێت.
لەبارەی عێراقیشەوە لە ڕاپۆرتەکەدا هاتووە، عێراق بەو هەڵسوکەوتانەی ئێستای بەرەو تاکڕەوی و دکتاتۆرییەت هەنگاودەنێت و وەکو ڕژێمەکانی پێشووی عێراق هەرکاتێ‌ بەهێزبێتەوە دژی کورد دەوەستێتەوە، دەسەڵاتدارانی ئێستای عێراق بەهەمان عەقلییەتی پێشوو بیردەکەنەوە و، هەوڵدەدەن هەمان سیاسەتی ڕژێمەکانی پێشوو پراکتیک بکەن، ئەم شێوازەی حوکم لە عێراقدا زیان بەهەموو لایەک دەگەیەنێت و دەبێتە هۆی دووبارەبوونەوەی کارەساتەکانی ڕابردوو، بۆیە لەسەر هەموو لایەکمان پێویستە دژی ئەو شێوازەی حوکمی ئێستاى عێراق بوەستینەوە، ئەمانەو چەندان بابەتی دیکە لە ڕاپۆرتی سیاسیدا باسکراون و هەڵوەستەیان لەسەرکراوەو شرۆڤە کراون.
دوای گفتوگۆ لەسەر ڕاپۆرتی سیاسی لەلایەن ئەندامانی کۆنگرەوە بەتێکڕای دەنگ ڕاپۆرتەکە پەسەند کرا، پاشان لێژنە تایبەتمەندەکانی کۆنگرە هەڵبژێردران،
لە سێیەم دانیشتنی کۆنگرەدا؛ کارو خەباتی ماوەی ڕابردووی YNDK هەڵسەنگێنرا و گفتوگۆى لەسەر کرا، ئاماژە بەوە کرا کە لەماوەی ڕابردوودا YNDK لەزۆربەی زۆری بوارەکاندا پێشڤەچوونی بەرچاوی بەخۆیەوە بینیوەو، لەسەر بنەمای ئەمەدا کارنامەیەکی نوێ‌ بۆ کاروخەباتی داهاتووی YNDK دارێژرا.
هەر لە سێیەم دانیشتنی کۆنگرەدا؛ ڕاپۆرتی لیژنەکانی (بەرنامەو پێڕەوی ناوخۆ و، ڕەخنەو سکاڵا و، سەرنج وپێشنیارو ڕاسپاردەو بڕیار و، سەرپەرشتی هەڵبژاردن) خوێنرانەوە و گفتوگۆیان لەسەرکراو پەسەند کران.
لە چوارەم دانیشتنی کۆنگرەدا؛ کە تایبەت بوو بە هەڵبژاردنی سکرتێری گشتی و ئەندامانى کۆمیتەی سەرکردایەتیی YNDK ، بە ئامادەبوون و سەرپەرشتى بەڕێزان (دادوەر سامان خورشید دادوەر لە سەرۆکایەتى دادگاى تێهەڵچوونەوەى ناوچەى هەولێر بە نوێنەرایەتى ئەنجوومەنى دادوەرى هەرێمى کوردستان و مقدم شڤان نەجمەددین عەولا و مافپەروەر خەسرۆ ئەحمەد ساڵح نوێنەرانى وەزارەتى ناوخۆو پارێزگاى هەولێر) ، دەرگای خۆ پاڵاوتن بۆ سکرتێری گشتی کرایەوە، دواى ئەوەى هیچ هەڤاڵێک ئامادەی خۆ هەڵبژاردن نەبوو بۆ سکرتێرى گشتى، کۆنگرە بە تێکڕای دەنگ داوایان لە هەڤاڵ غەفوور مەخمووری کردەوە کەوا ئەرکی سکرتێری گشتیی YNDK بگرێتەوە ئەستۆ و، بۆ ئەمەش کۆنگرە بە تێکڕای دەنگ هەڤاڵ غەفوور مەخمووری بە سکرتێری گشتیی YNDK هەڵبژاردەوە.
دوای هەڵبژاردنی سکرتێری گشتیی YNDK ، دەرگای خۆپاڵاوتن بۆ ئەندامێتی کۆمیتەی سەرکردایەتی کرایەوەو ژمارەیەک هەڤاڵ بۆ کۆمیتەی سەرکردایەتی خۆیان پاڵاوت، هەڤاڵان (د. شاخەوان خالید، قەهار مەخموورى، جەمیل سنجاوی، د. عەبدوڵڵا عەدۆ، ئەحمەد عەبدوڵڵا زەرۆ، پاڵە گەردی، فاخیر نانەکەلى، شاکر هاشم، زیلان سارمەمى، فەخرەددین زیارەتی، زوبێر عومەر، خەلیل پاڵانى) بۆ کۆمیتەی سەرکردایەتیی YNDK هەڵبژێردران، هەروەها هەڤاڵان (سەردار خدر و قانع خالید و مەعروف وسو) وەکو ئەندامی یەدەگی کۆمیتەی سەرکردایەتی هەڵبژێردران.
شایانی باسە کەوا کۆنگرەکە زۆر سەرکەوتووانە بەڕێوەچوو و بەکۆمەڵێ‌ بریارو ڕاسپاردەو سڵاونامە کۆتایی بەکارەکانی خۆی هێنا، کە ئەمانە ڕاسپاردەو سڵاونامەکانن:

ڕاسپاردەکان

1- پشتیوانیکردن و پاراستن و بەهێزکردنى قەوارەى سیاسیى هەرێمى کوردستان بە ئەڕکى نەتەوەیى و نیشتیمانى خۆمان و تەواوى هێزو لایەنە سیاسییەکانى کوردستان دەزانین.
2- پشتیوانیکردن و کارکردن بۆ بەهێزکردنی سەرۆکایەتی و پەرلەمان و حکومەتی هەرێمى کوردستان و نەهێشتنی هۆکارەکانی لاوازبوونیان بەئەرکێکی نەتەوەیی و نیشتمانى دەزانین.
3- پشتیوانى هەنگاوەکانى حکومەتى هەرێمى کوردستان دەکەین بۆ ئەنجامدانی چاکسازی ڕیشەیی و کارکردن بۆ بنبڕکردنی گەندەڵی و، بەسیستماتیککردنی دەزگاو دامەزراوەکانی حکومەتی هەرێمى کوردستان و یەکگرتنەوەى کردەیى دەزگاو دامەزراوەکان و نەهێشتنى شوێنەوارى دوو ئیدارەیى لە کوردستان.
4- یەکگرتنەوەى هێزەکانى پێشمەرگەى کوردستان ئەڕکێکى نەتەوەیى و نیشتمانییەو پێویستە پەلەى تێدا بکرێت.
5- جارێکى دیکە جەختدەکەینەوە سەر ئەوەى کە پێویستە لایەنە پەیوەندیدارەکانى حکومەتى هەرێمى کوردستان هەوڵبدەن بۆ دۆزینەوە بکوژانى شەهید (سەربەست مەحموود ئەندامى مەکتەبى سیاسیى YNDK) و بۆ ئەوەى دادگایى بکرێن و بەسزاى خۆیان بگەن.
6- پەلە بکرێت لە بەستنی کۆنگرەیەکی نەتەوەیی بەبەشداری تەواوی هێزو لایەنە سیاسییەکانی هەر چوار پارچەی کوردستان.
7- دژی هەر هەوڵێکی حکومەتی عێراق دەوەستینەوە کە بەمەبەستی دەستبەسەرداگرتنی خاکی باشووری کوردستان ئەنجامی بدات.
8- بەهەموو شێوەیەک بەرەنگاری دووبارە بەعەرەبکردنەوەی کوردستان دەبینەوە.
9- داوای ئازادکردنی تەواوی زیندانییە سیاسییەکانی نێو زیندانەکانی داگیرکەرانی کوردستان دەکەین.
10- پێویستە پەلە بکرێت لە ڕێکخستنەوەی نێوماڵی کوردستان بۆ دروستکردنی یەکدەنگی و یەکهەڵوێستی بەرامبەر پیلانی دوژمنان و ناحەزانی کوردستان.
11- پشتیوانیکردنی تێکۆشان و بەرخودانی نەتەوەکەمان لەگشت بەشەکانی کوردستان ئەرکێکی نەتەوەیی و نیشتمانییە.
12- شەڕی براکوژی لەکوردستان تەحریم و تەجریم دەکەین جا لەهەر بەشێکی کوردستاندا بێت.
13- هاوکاریکردنی ئاوارەکانی ڕۆژئاواو باکوورو ڕۆژهەڵاتی کوردستان کە لە باشووری کوردستاندا دەژین ئەرکێکی نەتەوەیی و نیشتمانییە.
14- هاوکاریکردنی بزاڤی کلتوری کوردانی کوردستانی سۆرو ئاسیای ناڤین و کوردانى وڵاتانى عەرەبى و کورد لەهەرکوێیەک بێت بە ئەرکێکی نەتەوەیی و نیشتمانی دەزانین.
15- دامەزراندنی (ئەنجوومەنی سیاسیی کوردستان) بۆ تەواوی هێزو لایەنە سیاسییەکان بە فاکتەرێکی گرنگی ڕێکخستنەوەی ناوەندی سیاسیی کوردستان دەزانین.
16- بەرفراوانکردنى ئازادى ڕۆژنامەگەرى بە ئەڕکێکى هەنووکەیى و نیشتمانى دەزانین.
17- دژى سیاسەتى برسیکردنى خەڵکى کوردستان دەوەستینەوە کە لەلایەن حکومەتى عێراق پیادەدەکرێت.
18- ئیدانەى ژنکوژى دەکەین لەژێر هەر ناوو ناونیشانێکدا بێت.
19- بۆ پاراستنى ئاسایش و ئارامى هەرێمى کوردستان، پێویستە بەزووترین کات هێزى پێشمەرگەى لەسەر سنوورەکانی نێوان باشووری کوردستان و عێراق جێگیر بکرێن.
20- دەستهەڵگرتن لەهەر بستە خاکێکی کوردستان بەخیانەتێکی نەتەوەیی دادەنێین.
21- پێویستە دامەزراندن لە دەزگاو دامەزراوەکانى حکومەت لەسەر بنەماى لێهاتوویى و شارەزایى بێت نەک (تەزکیەى حزبى) .

سڵاونامە

- سڵاوو ڕێز دەنێرین بۆ بنەماڵەو کەسوکاری تەواوى شەهیدانی بزاڤی ڕزگاریخوازی نیشتمانی کوردستان لە هەموو بەشەکانی کوردستاندا.
- سڵاوو ڕێز دەنێرین بۆ بنەماڵەی سەربەرزی شەهیدی سەرکردەمان شەهید سەربەست مەحموود.
- سڵاو دەنێرین بۆ گیانى پاکى شەهید (دەنیز جەودەت ئەندامى KNK ) ، کە ئەمساڵ لە هەولێر تیرۆرکرا.
- سڵاو لە ڕاپەڕین و بەرخودانی نەتەوەییمان لە ڕۆژئاوا و باکوورو ڕۆژهەڵاتی کوردستان.
- سڵاو لە نووسەران و بیرمەندانی نەتەوەییمان.
- سڵاوو ڕێز بۆ گشت ئەو ڕۆشنبیرو زاناو پسپۆڕو کەسایەتییە بیانییانە دەنێرین کە پشتیوانی لە دۆزی ڕەوای نەتەوەییمان دەکەن.
- سڵاو دەنێرین بۆ گیانى پاکى هەڤاڵ (قادر سادق سەید کارگێڕى هەرێمى #سۆران#) .
بەم شێوەیە شەشەم کۆنگرەی YNDKلە کەشێکی پڕ لە ئازادی و دیموکراسیدا سەرکەوتووانە بە مارشی نەتەوەیی (ئەی ڕەقیب) کۆتایی بە کارەکانی خۆی هێنا، دەتوانین بڵێین شەشەم کۆنگرەى YNDK خاڵی وەرچەرخان بوو لە دیرۆکی کارو خەباتی YNDK دا.
- نەمری و سەربەرزی بۆ شەهید سەربەست مەحموود و تەواوی شەهیدانی بزاڤی ڕزگاریخوازی نیشتمانی کوردستان.
- مردن و ڕووڕەشی بۆ داگیرکەرانی کوردستان.
- بێتەدی کوردستانێکی سەربەخۆو ئازادو یەکگرتوو و دیموکرات.
- بژى کورد ... بژى کوردستان.

شەشەم کۆنگ�
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

ئەمڕۆ شەممە 13 / 3 / 2021 کۆمیتەی سەرکردایەتيی (یەکێتی نەتەوەیی دیموکراتی کوردستان YNDK) بەسەرپەرشتی هەڤاڵ غەفوور #مەخموور#ی سکرتێری گشتیی YNDK، لە بارەگای مەکتەبی سیاسی YNDK لە شاری #هەولێر#، کۆبوونەوەی ئاسایی خۆی ئەنجامدا، لە کۆبوونەوەکەدا گفتوگۆ لەسەر بارودۆخی سیاسی کوردستان و عێراق و ناوچەکە و کارو خەباتی YNDK کرا:
باشووری کوردستان : ئێمە لە YNDK وای دەبینینەوە کەوا ناوەندی سیاسیی کوردستان پەرش و بڵاوو لێکترازاوە، بۆیە بە پێویستی دەزانین کە بەزووترین کات ناوەندی سیاسی و ناوماڵی کوردستان ڕێک و یەکبخرێتەوە، بۆ ئەمەش پێکهێنانی (ئەنجوومەنی سیاسیی کوردستان) کە تەواوی هێزو لایەنە سیاسییەکانی کوردستان بگرێتەخۆ بەگرنگ دەزانین، ئەمەش دەبێتە فاکتەرێک بۆ ئەوەی کەوا هەموو لایەنە سیاسییەکان لەسەر پرسە نەتەوەیی و نیشتمانییەکان یەکدەنگ و یەکهەڵوێست بن، بە تایبەت لەم قۆناخە هەستیارو چارەنووسسازەدا، کەوا ئێستا داگیرکەرانی کوردستان لە هەموو لایەکەوە کوردستانيان گەمارۆداوە، بێگومان ئەم پیلان و هەڕەشانەی لەسەر گەلی کوردستان و ئەزموونەکەی بەڕێوەدەچێت، پیلانێکی ناوچەیی بەرنامە بۆ دارێژراوی گەورەیە دژ بە گەلی کوردستان، ئەم پیلانانە دەمێکە کاری لەسەر دەکرێت و هەوڵی جێبەجێکردنی دەدرێت، بێگومان یەکڕیزی و یەکدەنگیمان کاریگەرترین چەکن بۆ هەڵوەشاندنەوەو پوچەڵکردنەوەی ئەم پیلانانە و هەوڵە نەزۆکەکانی دوژمنان و ناحەزانمان.
سەبارەت بە شێوازی بەڕێوەبردنی کوردستان : YNDK ئەنجامدانی چاکسازییەکی گشتگیر لە تەواوی بوارەکانی بەڕێوەبردنی کوردستان بەپێویست دەزانێت و، داواکارە حکومەتی کوردستان تەواوی دەزگاو دامەزراوەکانی کوردستان بەشێوەیەکی سەردەمییانە سیستماتیک بکات و، ببێتە حکومەتی هەموو خەڵکی کوردستان، بۆ ئەمەش پێویستە شوێنەواری دوو ئیدارەیی نەهێلدرێت و حکومەت لەسەر هەموو ئاستەکاندا یەکبخرێتەوە، هەموو لایەکمان چاوەڕوانین کەوا حکومەتی کوردستان هەنگاوی باش بنێت بۆ پێشکەشکردنی خزمەتگوزاری زیاترو نەهێشتنی گەندەڵی و نادادپەروەری کۆمەڵایەتی و سیاسی و ئابووری و حزب حزبێنە و نایەکسانی، هەروەها پێویستە حکومەتی کوردستانە ئاوڕی زیاتر لە فەرمانبەران و مامۆستایان و خانەنشینان و خانەوادەی شەهیدان و خاوەن پێداویستی تایبەت بداتەوە و مووچەکانیان لەکاتی خۆيدا بۆ خەرج بکات و کاربکات بۆ باشترکردنی ژیان و گوزەرانی خەڵکی کوردستان، هەورەها پێویستە کار بۆ گەڕاندنەوەی #کەرکووک# و مەخموور و هەموو ئه و شوێنانە بکات کە بەپیلانێکی نەگریس کەوتنە بندەستی سوپای داگیرکەری عێراق.
سەبارەت بە مامەڵەکردنی حکومەت لەگەڵ حزب و هێزە سیاسییەکانی کوردستان : پێویستە حکومەتی کوردستان بەشێوەیەکی یەکسان و دادپەروەرانە مامەڵەیەکی تەندروست لەگەڵ تەواوی هێزو لایەنە سیاسییەکانی کوردستان بکات و بۆ ئەم مەبەستەش دەکرێ بۆردێکی تایبەت دروست بکرێت کە ببێتە خاڵی پەیوەندی نێوان حکومەت و حزب و لایەنە سیاسییەکانی کوردستان.
باکووری کوردستان : ئێمە لە YNDK پشتیوانی خۆمان بۆ خەباتی باکوور ڕادەگەیەنین و، ئیدانەی تەواوی ئەو دەستدرێژیانەی دەوڵەتی داگیرکەری تورکیا دەکەین کەوا دەیکاتە سەر پەرلەمانتارانی کورد و شارەوانییەکان و چالاکوانة مەدەنییەکان، ئەو دەستدرێژییانەی تورکیا ئەو ڕاستییە دەسەلمێنن کەوا تورکیا دژی هەرجۆرە خەباتێکی مەدەنی و پەرلەمانی و سیاسییە لە باکووری کوردستاندا، سیاسەتی دوژمنانەی تورکیا بەرامبەر گەلی کوردستان ئەو ڕاستییە دەسەلمێنێت کەوا تورکیا دژی هەر داواو دەسکەوتێکی گەلی کوردستانە جا لە هەر بەشێکی کوردستان بێت، داوا لە کۆمەڵگای نێودەوڵەتی دەکەین دژی ئەو دەستدرێژییانەی تورکیا بیدەنگ نەمێنن، سەرەڕای ئاستەنگەکانی بەردەم خەباتی نەتەوەکەمان لە باکوور پێشڤەچوونی بەرچاویش وەدیهاتوون، خۆشحاڵین بەپێشڤەچوونەکانی خەباتی نەتەوەکەمان لەو بەشەی وڵات و, هيوادارين ببێتە فاکتەری سەرەکی پێشڤەچوون و سەرکەوتنی زیاتر و گەیشتن بە مافە ڕەواکانی نەتەوەکەمان.
ڕۆژهەڵاتی کوردستان : YNDK هەوڵەکانی لەیەکدی نزیکبوونەوەی لایەنە سیاسیەکانی ئەو بەشەی وڵات بەرز دەنرخێنێت و, بە گرنگی دەبینێت کە تەواوی هێزو لایەنە سیاسییەکانی ڕۆژهەڵاتی وڵات کار بکەن بۆ کۆکردنەوەی هێزو تواناکانیان و، بەرەیەکی سیاسی بەرفراوان کە تەواوی هێزو لایەنە سیاسییەکانی ڕۆژهەڵات بگرێتەخۆ لە نێوان خۆیاندا پێکبهێنن، بۆئەوەی ئامادە بن بۆ هەر ئەگەرو پێشهاتێک کە لەسەر ئاستی ناوچەکەدا دێنە پێشەوەو ڕوودەدەن، لەهەمان کاتدا سڵاوو ڕێز دەنێرین بۆ زیندانييانی سیاسی لە زیندانەکانی ئێران و خەبات و بەرخودانیان بەرز دەنرخێنین و، داوا لە کۆمەڵگای نێودەوڵەتی و ڕێکخراوەکانی مافی مرۆڤ دەکەین کەوا هەوڵبدەن گیانی چالاکوانان لە زیندانەکانی ئێران لە مردن ڕزگار بکەن و، پاڵەپەستۆ بخەنە سەر ڕژێمی ئێران کەوا چیتر گەنج و چالاکوانانی کورد لە سێدارە نەدات.
ڕۆژئاوای کوردستان : YNDK جارێکی دیکە پشتیوانی خۆی بۆ خەبات و تێکۆشانی ڕۆژئاوای کوردستان ڕادەگەیەنێت و، پێشڤەچوون و سەرکەوتنەکانی ڕۆژئاوای کوردستان بەرز دەنرخێنێت و، بە گرنگی دەزانێت تەواوی هێزو لایەنە سیاسییەکانی ئەو بەشەی وڵات یەکڕیزو یەکدەنگ بن و بەیەکەوە کاربکەن و خۆیان لە ململانێی حزبایەتی بەدوور بگرن و، لەجیاتی حزبایەتی کوردایەتی بکەن و بەرژەوەندی نەتەوەیی لەبەرچاو بگرن و خۆیان لەهەر گرژی و ناکۆکییەک بپارێزن، لەهەمان کاتدا تەواوی هێرش و پەلامارو دەستدرێژییەکانی دەوڵەتی داگیرکەری تورکیا بۆ سەر ڕۆژئاوای کوردستان ئیدانە دەکەین و داوا لە کۆمەڵگای نێودەوڵەتی دەکەین کەوا لە بەرامبەر تورکیادا هەڵوێست وەربگرن.
کۆنگرەی نەتەوەیی کوردستان : YNDK جەختدەکاتەوە سەر بەستنی کۆنگرەی نەتەوەیی کوردستان بەبەشداری تەواوی هێزو لایەنە سیاسییەکانی کوردستانی مەزن و, بەستنی کۆنگرەی نەتەوەیی کوردستان لەم کاتە هەستیارەدا بەئەرکێکی نەتەوەیی و نیشتمانی دەزانێت و، وەک هەنگاوێک بۆ یەکڕیزی و یەکدەنگی گەلی کوردستان لەسەر ئاستی کوردستانی مەزن لێیدەڕوانێت.
ساڵیادی دامەزراندنی YNDK : نەورۆزی ئەمساڵ YNDK پێدەنێتە 26 بیست و شەشەمین ساڵیادی دامەزراندنی خۆی، YNDK وەکو ڕێکخستنێکی نەتەوەیی و جەماوەری لە گۆڕەپانی سیاسی و کلتوری کوردستان لە نەورۆزی 1995 لەدایکبوو و ڕاگەیاندراو بووە موژدەبەخش بۆ کۆکردنەوەو پەروەردەکردن و ئاراستەکردنی هاوبیرانی نەتەوەیی و وڵاتپارێزان و نیشتمانپەروەران بۆ کارو خەبات، YNDK لەماوەیەکی کورتی تەمەنی کارو خەباتیدا توانی بەدیاربکەوێ و بەهۆی کاری بەردەوامی لەسەر خزمەتکردن و کارکردن بۆ سەربەخۆیی کوردستان، کاریگەری لە سەر پرسە نەتەوەیی و سیاسییەکان دروست بکات، ئەمساڵیش کەوا یادی (26)ەمین ساڵەی لەدایکبوونی خۆی دەکاتەوە، بڕیاربوو بە کۆمەڵێ چالاکی و مەراسیمی جۆراوجۆر یادەکە بکاتەوە، بەڵام وەک هەموو لایەک ئاگادارن بڵاوبوونەوەی ڤایرۆسی کۆرۆنا (COVID-19) لەجیهاندا، بەداخەوە کەوا کوردستانیشی گرتۆتەوە، ئەوا بۆ دووەم ساڵ دەچێت ئەم پەتا کوشندەیە بەرۆکی کۆمەڵگەی مرۆڤایەتی گرتووە، وایکردووە حکومەتی کوردستان کۆمەڵێ ڕێکارو ڕێنمایی هەبێت بۆ پاراستنی هاوڵاتیانی کوردستان و ڕێگرتن لە بڵاوبوونەوەی زیاتری ڤایرۆسی کۆرۆنا، ئێمە لە YNDK پشتیوانی تەواو لە هەنگاوو ڕێنماییەکانی حکومەتی کوردستان دەکەین، هەربۆیە بڕیارماندا بە وەستاندنی تەواوی چالاکی و مەراسمیی ساڵیادی دامەزراندنی YNDK و، لێرەوە داوا هەموو لایەک دەکەین ئەو بەڕێزانەی دەیانەوێ لەم یادەدا لەگەڵمان بن دەکرێ لە ڕێی ناردنی پەیام و بروسکەی پیرۆزبایی بەسەرمانبکەنەوە.
عێراق : YNDK پێیوایە هیچ گۆڕانکارییەگی پۆزەتیف لە سیاسەت و هەڵسوکەوتی دەسەڵاتدارانی عێراق بۆ نزیکبوونەوە لەگەڵ کوردستان ڕووینەداوە، دژایەتیکردنی خواستەکانی گەلی کوردستان لەلایەن دەسەڵاتدارانی عێراق بەردەوامە، ئەم ڕەوشەی کەوا ئێستا عێراق پێیدا گوزەر دەکات بەرەنجامی عەقلیەتی تاکڕەوی و دکتاتۆرییەتە کە حکومەتی تائیفی و مەزهەبی لە ساڵانی ڕابردوو و لە ئێستادا هۆکاری هێنانە ئارای ئەم عەقلیەت و ڕەوشە نەخوازراوە بوون، بە باوەڕی ئێمەو بەپێی ئەزموونی کورد لەگەڵ ڕژێمەکانی پێشووی عێراق دەگەینە ئەو ڕاستییەی کەوا متمانە بە دەسەڵاتەکانی عێراق نەکەین، بێگومان دەسەڵاتدارانی ئێستای عێراق دەیانەوێ هەمان سیاسەتی هەلەی حکومەتەکانی پێشووی عێراق دووبارە بکەنەوە، ڕوانینی دەسەڵاتی ئێستای عێراق هەمان ڕوانینی دەسەڵاتەکانی پێشووە، ئەمەش ئەو ڕاستییە دەسەلمێنێت کەوا عەقلیەتی دەسەڵاتداری عێراقی چەقبەستووەو ناگۆڕێت و، ڕوانینی زۆربەیان هەمان ڕوانینی حکومەتەکانی ڕابردووە بۆ چارەسەری پرسی کورد ! زۆربەی دەسەڵاتدارانی عێراق لۆژیکی خۆبەزلزانین و سەربازی دەخەنە پێش لۆژیکی دیالۆگ و لەیەکترگەیشتن، ئەم ڕوانين و پەراوێزخستنانەیان بۆ کورد پەیامێکن بۆ هەموو لایەک کەوا تائێستاش گەلی کوردستان هەڕەشەی لەسەرە و پێویستی بە پاراستن هەیە بۆیە لەسەر هەموو لایەکمان پێویستە ناکۆکی و دووبەرەکی بخەینە لاوەو بە یەکڕیزی و یەکدەنگی ڕووبەڕووی ئەم هەڕەشانە ببینەوە.
ڕەوشی ناوچەکە : YNDK پێیوایە ڕۆژهەڵاتی ناڤین لە ڕەوشێکی پڕ ناسک و هەستیارو ئاڵۆزدایەو ڕۆژ بە ڕۆژ ئەگەرو پێشهاتی نوێ دێنە پێشەوەو، ئەو ئەگەرو پێشهاتانە کاریگەری خۆیان دەبێت بۆ سەر ڕەوشی ئێستای کوردستان و بزاڤە ڕزگاریخوازەکانی ناوچەکە، بەداخەوە ئێمەی گەلی کوردستان بەهۆی ململانێی سیاسیی نێوان لایەنە سیاسییەکان بەرنامەیەکی نەتەوەیی و نیشتمانیمان نیە بۆ چۆنیەتی مامەکردن لەگەڵ پێشهاتەکاندا، بۆیە پێویستە ئێمەش وەکو گەلی کوردستان سوود لەو دەرفەتە وەربگرین و کارنامەیەکی نەتەوەیی و نیشتمانی دابڕێژین، هەروەها پێویستە برایانمان لە بەشەکانی دیکەی کوردستان کارو خەباتی خۆیان خورت بکەن و بەرەو ڕزگاری و ئازادی هەنگاو بنێن، لە هەمان کاتدا وای دەبینین کەوا دەکرێ لە ئەنجامی ئەو گۆڕانکارییانەی کەوا دێنە پێشەوە سوود وەربگرین بۆ کارکردن بۆ بە ئەنجامگەیاندنی ئەنجامی ڕیفراندۆم و کارکردن بۆ سەربەخۆیی کوردستان.
هەروەها لە دوا تەوەری کۆبوونەوەکەدا باس لە کاروخەباتی YNDK لەماوەی ڕابردوودا کراو، کارنامەیەکیش بۆ کارو خەباتی داهاتووی YNDK دانرا، ئەمەو کۆبوونەوەکە سەرکەوتووانە کۆتایی بە کارنامەی خۆی هێنا.

کۆميتەی سەرکردايەتيی
یەکێتی نەتەوەیی دیموکراتی کوردستان YNDK
13 / 3 / 2021 هەولێر - باشووری کوردستان

ئەمڕۆ شەممە 25 / 11 / 2017 کۆمیتەی سەرکردایەتيی (یەکێتی نەتەوەیی دیموکراتی کوردستان YNDK) بەسەرپەرشتی هەڤاڵ غەفوور مەخمووری سکرتێری گشتیی YNDK، لە بارەگای مەکتەبی سیاسی YNDK لە شاری هەولێر، کۆبوونەوەی ئاسایی خۆی ئەنجامدا، لە کۆبوونەوەکەدا گفتوگۆ لەسەر بارودۆخی سیاسی کوردستان و عێراق و ناوچەکە و کارو خەباتی YNDK کرا:
باکووری کوردستان: YNDK خۆشحاڵە بەپێشڤەچوونەکانی خەباتی نەتەوەکەمان لەو بەشەی وڵات و، پشتیوانی خۆی بۆ خەباتی باکوور ڕادەگەیەنێت و، دەستدرێژییەکانی تورکیا بۆ سەر پەرلەمانتارانی کورد و سەرۆک و ئەندامانی ئەنجوومەنی شارەوانییەکانی باکووری کوردستان شەرمەزار دەکات و، داوا لە کۆمەڵگای نێودەوڵەتی دەکات ئەگەر خوازیاری ئاشتین بۆ باکووری کوردستان ئەوا پێویستە کاربکەن بۆ ئازادکردنی بەڕێز (عەبدوڵڵا ئوجەلان) ڕێبەری پارتی کرێکارانی کوردستان PKK، ئەمەش دەبێتە فاکتەری سەرەکی پێشڤەچوون و سەرکەوتنی پرۆسەی ئاشتی و چەسپاندنی بنەماکانی مافی مرۆڤ و هێنانەدی هێمنی و ئارامی بۆ ناوچەکە.
ڕۆژهەڵاتی کوردستان: YNDK هەوڵەکانی لەیەکدی نزیکبوونەوەی لایەنە سیاسيیەکانی ئەو ڕۆژهەڵاتی کوردستان بەرز دەنرخێنێت و، بە گرنگی دەبینێت کە تەواوی هێزو لایەنە سیاسییەکانی ڕۆژهەڵاتی وڵات کار بکەن بۆ کۆکردنەوەی هێزو تواناکانیان و، بەرەیەکی سیاسی لە نێوان خۆیاندا پێکبهێنن، بۆئەوەی ئامادە بن بۆ ئەو ئەگەرو پێشهاتانەی کە لەسەر ئاستی ناوچەکەدا ڕوودەدەن و دێنە پێشەوە، لەهەمان کاتدا سڵاوو ڕێز دەنێرین بۆ زیندانييانی سیاسی لە زیندانەکانی ئێران و خەبات و بەرخودانیان بەرز دەنرخێنین و، داوا لە ڕێکخراوەکانی مافی مرۆڤ دەکەین کەوا هەوڵبدەن گیانی زیندانيان لە مردن ڕزگار بکەن.
ڕۆژئاوای کوردستان: YNDK جارێکی دیکە پشتیوانی خۆی بۆ خەبات و بەرخودانی ڕۆژئاوای کوردستان ڕادەگەیەنێت و، پێشڤەچوون و سەرکەوتنەکانی ڕۆژئاوای کوردستان بەرز دەنرخێنێت و، بە گرنگی دەزانێت تەواوی هێزو لایەنە سیاسییەکانی ئەو بەشەی وڵات یەکڕیزو یەکدەنگ بن و بەیەکەوە کاربکەن و خۆیان لە ململانێی حزبایەتی بەدوور بگرن، لەجیاتی حزبایەتی کوردایەتی بکەن و بەرژەوەندی نەتەوەیی لەبەرچاو بگرن و خۆیان لەهەر گرژی و ناکۆکییەک بپارێزن.
باشووری کوردستان: YNDK وایدەبینێت نەبوونی عەدالەتی سیاسی و کۆمەڵایەتی و ئابووری و پەراوێزخستنی بەشێکی زۆری لایەنە سیاسییەکان لە پرۆسەی سیاسی و بڕیاروەرگرتن لە کوردستان، بۆتە هۆی دووبەرەکی و لێکترازانی سیاسی و کۆمەڵایەتی کوردستان، پێویستە ئەم خاڵە بەهەند وەربگیرێت و چارەسەر بکرێت، چارەسەرکردنی ئەم گرفتە کلیلی کردنەوەی زۆربەی دەرگا داخراوەکانەو فاکتەرێکی بەهێزیشە بۆ ڕێکخستنەوەی ناوەندی سیاسی کوردستان، بۆ ئەمەش پێویستیمان بە بڕیاری سیاسی بوێرانە و خۆنەویستانە هەیە، بۆ ئەمەش بە پێویستی دەزانێت کە بەزووترین کات ناوەندی سیاسی و ناوماڵی کورد ڕێک و یەکبخرێتەوەو، وای دەبینێت کە هەموو لایەنە سیاسییەکان لەسەر پرسە نەتەوەیی و نیشتمانییەکان یەکدەنگ و یەکهەڵوێست بن، بە تایبەت لەم قۆناخە هەستیارو چارەنووسسازەدا، کەوا ئێستا داگیرکەرانی کوردستان لە هەموو لایەکەوە کوردستانيان گەمارۆداوە، بێگومان ئەم پیلان و هەڕەشانەی لەسەر گەلی کوردستان و ئەزموونەکەی بەڕێوەدەچێت، پیلانێکی ناوچەیی بەرنامە بۆ دارێژراوی گەورەیە دژ بە گەلی کوردستان، ئەم پیلانانە دەمێکە کاری لەسەر دەکرێت و هەوڵی جێبەجێکردنی دەدرێت، هەموو لایەک باش دەمانزانی دوای شەڕی داعش هێزە عێراقییەکان ڕووی چەکەکانیان لە کوردستان دەکەن، ئەنجامدانی ڕیفراندۆم بۆ ڕێگرتن بوو لەو پیلانانە، ئەو پیلانانە بەر لە ڕیفراندۆم هەبوون، واتە ئەوەی ئەمڕۆ لە کوردستان و ناوچەکە دەگوزەرێ پیلانێکی پێشوەختە بووەو سەرکردایەتی گەلی کوردستان درکی بەو پیلانە کردووە بۆیە بڕیاری ئەنجامدانی ڕیفراندۆمی داوە، پێشووتریش هێزەکانی هاوپەیمانان لەو مەترسییانە ئاگادارکراونەتەوە، بەڵام بێهەڵوێست بوون، بێهەڵوێستی هێزەکانی هاوپەیمانان بەرامبەر دەستدرێژی و لەشکرکێشی میایشیا و هێزە عێراقییەکان وایکرد کەوا گەلی کوردستان پشت بەخۆی ببەستێت و ڕووبەڕووی لەشکرکێشی و دەستدرێژییەکانی عێراق بۆ سەر کوردستان ببێتەوە، لێرەوە بەرخودان و سەرکەوتنەکانی هێزی پێشمەرگەی کوردستان بەرز دەنرخێنین کەوا لە (پردێ و مەخموور و زوممار) قارەمانانە ڕووبەڕووی میلیشياکانی حەشدی شەعبی و هێزە عێراقییەکان بوونەوە.
ڕيفراندۆم: ئەنجامدانی ڕیفراندۆم لەلایەن گەلی کوردستان وەرچەرخانێکی دیرۆکی بوو لە خەباتی گەلەکەماندا و، سەرکەوتووانە ئەنجامدراو گەلی کوردستان بەڕێژەی %92.73 بە (بەڵێ) بۆ سەربەخۆیی کوردستان دەنگیدا، بێگومان ڕیفراندۆم وەکو پرۆسەیەکی دیموکراسییانە بەپێی پرەنسیپەکانی (مافی مرۆڤ و مافی چارەی خۆنووسین و بنەما دیموکراتییەکان) ئەنجامدراوە، واتە گەلی کوردستان پرۆسەیەکی دیموکراسییانەی ئەنجامداوەو تاوانێکی نەکردووە تاکو سزا بدرێت و پشتی تێبکرێت، نابووا ڕێ بە عێراق و وڵاتانی ناوچەکە بدرابووا کەوا گەلەکۆمەکی لە گەلی کوردستان بکەن و سزای بە کۆمەڵی بەسەردا بسەپێنن و کۆمەڵگای نێودەوڵەتیش سەیرکەر بێت و بێهەڵوێست بمێنێتەوە، بێدەنگی کۆمەڵگای نێودەوڵەتی بەرامبەر بەو زوڵمەی لە گەلی کوردستان دەکرێت ئەوەمان پێدەڵێن کەوا پرەنسیپەکانی (مافی مرۆڤ و مافی چارەی خۆنووسین و بنەما دیموکراتییەکان) لەلایەن ئەو وڵات و لایەنانەی بانگەشەی بۆ دەکەن تەنها دروشمەو هیچی دیکە!! بۆیە کارکردن بۆ بە ئەنجامگەیاندنی ئەنجامی ڕیفراندۆمی گەلی کوردستان ئەڕکێکی بەپەلەی ئەم قۆناخەی کار و خەباتی سەرکردایەتیی سیاسیی کوردستانە، بۆ ئەمەش پێویستە سەرکردایەتی سیاسی کوردستان (بۆردی سەربەخۆیی کوردستان) پێکبهێنێت، بۆئەوەی ئەم بۆردە بتوانێت کارنامەیەکی گشتگیر دابڕێژێت بۆ چۆنییەتی کارکردن و هەنگاونان بەرەو سەربەخۆیی کوردستان.
کۆنگرەی نەتەوەیی کوردستان: YNDK جەختدەکاتەوە سەر بەستنی کۆنگرەی نەتەوەیی کوردستان بەبەشداری تەواوی لایەنە سیاسییەکانی کوردستانی مەزن و، بەستنی کۆنگرەی نەتەوەیی کوردستان لەم کاتە هەستیارەدا بەئەرکێکی نەتەوەیی و نیشتمانی دەزانێت، بێگومان بەستنی کۆنگرەی نەتەوەیی دەبێتە هەنگاوێک بۆ یەکڕیزی و یەکدەنگی گەلی کوردستان لەسەر ئاستی کوردستانی مەزن.
ڕەوشی هاوڵاتیانی کوردستان: هاوڵاتیانی کوردستان لە ڕووی بژێوی ژیان لە ڕەوشێکی خراپدان، سزاکانی حکومەتی عێراق و گەمارۆدانی کوردستان لە لایەن (عێراق و ئێران و تورکیا)وەو، داخستنی فڕۆکەخانەکان و دەروازە سنوورییە نێودەوڵەتییەکان بەسەر کوردستاندا؛ وایکردووە کەوا ژیانی هاوڵاتیانی کوردستان قورستر بێت، ئەو حاڵەتەش دەچێتە خانەی سزادانی بە کۆمەڵ و دژ بە تەواوی بەها مرۆڤایەتییەکانە و، بێدەنگبوونی کۆمەڵگای نێودەوڵەتی لەبەرامبەر سزادانی بە کۆمەڵی خەڵکی کوردستان شەرمەزارییەکی گەورەیە بۆ تەواوی مرۆڤایەتی، لێرەوە جارێکی دیکە داوا لە کۆمەڵگای نێودەوڵەتی و ڕێکخراوەکانی UN دەکەین کەوا چیتر بەرامبەر بە سزادانی بە کۆمەڵی خەڵکی کوردستان بێدەنگ نەمێنن.
عێراق: YNDK پێیوایە ئەم ڕەوشەی کەوا ئێستا عێراق پێیدا گوزەر دەکات بەرەنجامی عەقلیەتی تاکڕەوی و دکتاتۆرییەتە کە حکومەتی نوری مالیکی لە ساڵانی ڕابردوودا و حکومەتی حەیدەر عەبادی لە ئێستادا هۆکاری هێنانە ئارای ئەم عەقلیەت و ڕەوشە نەخوازراوە بوون، بێگومان دەسەڵاتدارانی ئێستای عێراق دەیانەوێ هەمان سیاسەتی هەلەی حکومەتەکانی پێشووی عێراق دووبارە بکەنەوە، ڕوانینی دەسەڵاتی ئێستای عێراق هەمان ڕوانینی دەسەڵاتەکانی پێشووە، ئەمەش ئەو ڕاستییە دەسەلمێنێت کەوا عەقلیەتی دەسەلاتداری عێراقی چەقبەستووەو ناگۆڕێت و، ڕوانینی حەیدەر عەبادی و سەددام حوسین بۆ چارەسەری پرسی کورد هەمان ڕوانینە! هەردوو لۆژیکی سەربازی دەخەنە پێش لۆژیکی دیالۆگ و لەیەکتر گەیشتن، بە بەپێی ئەم واقیعەی ئێستاو بەپێی ئەزموونی کورد لەگەڵ ڕژێمەکانی پێشووی عێراق دەگەینە ئەو ڕاستییەی کەوا نە ئێستا و نە لە داهاتوودا متمانە بە دەسەڵاتەکانی عێراق نەکەین، ئەم ڕوانين و هێرش و پەلامارانە پەیامێکن بۆ هەموو لایەک کەوا تائێستاش گەلی کوردستان هەڕەشەی لەسەرە و پێویستی بە پاراستن هەیە بۆیە لەسەر هەموو لایەکمان پێویستە ناکۆکی و دووبەرەکی بخەینە لاوەو بە یەکڕیزی و یەکدەنگی ڕووبەڕووی ئەم هەڕەشانە ببینەوە.
بڕیارەکانی عێراق سەبارەت بە کوردستان: تەواوی بڕیار و سزاکانی حکومەتی عێراق بەرامبەر کوردستان سیاسین نەک یاسایی و دەستووری و لەژێر هەژموونی سیاسی وەرگیراون، لەوانەش بڕیار‌ی دادگای فیدراڵی عێراق سەبارەت به ‌ریفراندۆم ئەم بڕیارە سیاسییە و هیچ بەهایەکی یاسایی نییە، خواستی گەڵی کوردستان بەهیچ دادگا و لایەنێک هەڵناوەشێتەوە، بۆیە ئەم بڕیارەو تەواوی بڕیار و سزاکانی عێراق لەسەر کوردستان جێگەی شەرمەزارین و لای ئێمە ڕەتکراوەن.
ڕەوشی ناوچەکە: YNDK پێیوایە ڕۆژهەڵاتی ناڤین لە ڕەوشێکی پڕ ناسک و هەستیارو ئاڵۆزدایەو ڕۆژ بە ڕۆژ ئەگەرو پێشهاتی نوێ‌ دێنە پێشەوەو، ئەو ئەگەرو پێشهاتانە کاریگەری خۆیان دەبێت بۆ سەر ڕەوشی ئێستای کوردستان و بزاڤە ڕزگاریخوازەکانی ناوچەکە، بۆیە پێویستە ئێمەش وەکو گەلی کوردستان سوود لەو دەرفەتە وەربگرین، هەروەها پێویستە برایانمان لە بەشەکانی دیکەی کوردستان کارو خەباتی خۆیان خورت بکەن و بەرەو ڕزگاری و ئازادی هەنگاو بنێن، لە هەمان کاتدا وای دەبینین کەوا دەکرێ لە ئەنجامی ئەو گۆڕانکارییانەی کەوا دێنە پێشەوە سوود وەربگرین بۆ کارکردن بۆ بە ئەنجامگەیاندنی ئەنجامی ڕیفراندۆم و کارکردن بۆ سەربەخۆیی کوردستان.
لە دوا تەوەری کۆبوونەوەکەدا باس لە کاروخەباتی YNDK لەماوەی ڕابردوودا کراو، کارنامەیەکیش بۆ کارو خەباتی داهاتووی YNDK دانرا، ئەمەو کۆبوونەوەکە سەرکەوتووانە کۆتایی بە کارنامەی خۆی هێنا.
کۆميتەی سەرکردايەتيی
یەکێتی نەتەوەیی دیموکراتی کوردستان YNDK
هەولێر _ باشووری کوردستان
25-11-2017

ئەمڕۆ شەممە 05-10-2013 کۆمیتەی سەرکردایەتی (یەکێتی نەتەوەیی دیموکراتی کوردستان YNDK) بەسەرپەرشتی هەڤالأ غەفوور مەخمووری سکرتێری گشتیی YNDK، لە بارەگای مەکتەبی سیاسی YNDK لە شاری هەولێر، کۆبوونەوەی ئاسایی خۆی ئەنجامدا، لە کۆبوونەوەکەدا گفتوگۆ لەسەر بارودۆخی سیاسی کوردستان و ناوچەکە و کارو خەباتی YNDK کرا.
سەبارەت بە باکووری کوردستان: YNDK خۆشحاڵە بەپێشڤەچوونەکانی خەباتی نەتەوەکەمان لەو بەشەی وڵات و پشتگیری بەردەوامبوونی پرۆسەی چارەسەری ئاشتییانەی دۆزی کورد لە باکوور دەکات و هیوای سەرکەوتنی بۆ دەخوازێت، لەهەمان کاتدا سیاسەتی فاشییانەی ڕژێمی تورکیا کە دژی نەتەوەکەمان ئەنجامی دەدات ڕیسوا دەکات.
لەبارەی ڕۆژهەڵاتی کوردستان: YNDK بە گرنگی دەبینێت کە تەواوی هێزو لایەنە سیاسییەکانی ڕۆژهەڵاتی وڵات کار بکەن بۆ کۆکردنەوەی هێزو تواناکانیان، بۆ پێکهێنانی بەرەیەکی سیاسی لە نێوان خۆیاندا بۆئەوەی ئامادە بن بۆ ئەو ئەگەرو پێشهاتانەی کە لەسەر ئاستی ناوچەکەدا ڕوودەدەن و دێنە پێشەوە.
سەبارەت بە ڕۆژئاوای کوردستان: YNDK بە گرنگی دەزانێت تەواوی هێزو لایەنە سیاسییەکانی ئەو بەشەی وڵات یەکڕیزو یەکدەنگ بن و بەیەکەوە کاربکەن و خۆیان لە ململانێی حزبایەتی بەدوور بگرن، لەجیاتی حزبایەتی کوردایەتی بکەن و بەرژەوەندی نەتەوەیی لەبەرچاو بگرن و خۆیان دوور بگرن لەهەر گرژی و ناکۆکییەک.
لەبارەی باشووری کوردستان: گفتوگۆو هەڵسەنگاندن بۆ پرۆسەی هەڵبژاردنی پەرلەمانی کوردستان کرا کەوا ڕۆژی 21-09-2013 ئەنجامدرا، YNDK کۆمەڵێ سەرنج و پێشنیاری لەسەر تەواوی پرۆسەکە هەیە، YNDK بۆ ئەم هەڵبژاردنە لیستی 109ی پێکهێنابوو کە 27 کاندیدی لەهەموو چین و توێژێکی کۆمەڵگەی کوردستان لەخۆگرتبوو، کاندیدەکانیش لێهاتوو بوون و پێگەی جەماوەری خۆیان هەبوو، ئەوەی چاوەڕێمان نەدەکرد ئەو دەنگانە بوو کە کۆمسیۆنی هەڵبژاردنەکان ڕاگەیاند، ئەو دەنگانەی لیستی 109 کەراگەیانراوە بەهیچ شێوەیەک بەدەنگی خۆمان نازانین و ئەو دەنگانە دوورن لەڕاستی و لەگەڵ پێگەی سیاسی و جەماوەری YNDK و کاندیدەکانمان یەکناگرنەوەو دەنگەکانی لیستی 109ی YNDK لەو ژمارەیە زۆر زیاترە کە ڕاگەیەنراوە، ئەوەی ئێمە لەچاودێرەکانمان بەدەستمان گەیشتووە لەگەڵ ژمارەی ڕاگەیاندراوی کۆمسیۆنی هەڵبژاردن یەک ناگرێتەوە، لە زۆر شوێن و بە بەرچاوی چاودێرەکانمان بەئەنقەست دەنگی لیستی 109ی YNDK پووچەڵکراوەتەوەو چاودێرەکانمان لەسەر ئەم پێشێلکارییانە سکاڵایان تۆمارکردووە، هەموو لایەکیش دەزانین کەوا دەستکاری زۆری دەنگی لایەنەکان کراوە لەزیادکردن و فەوتاندن و دەنگی هەندێ لایەن خراوەتە سەر لایەنی دیکە، واتە هەڵبژاردنەکە بێ ساختەکاری نەبووە.
ئێمە لە YNDK بەهیچ شێوەیەک بەم ئەنجامەی لیستی YNDK ڕازی نین و ڕەتیدەکەینەوە، بە باوەڕی ئێمە دەستکاریکردنی دەنگی لایەنەکان گاڵتەکردنە بە پرۆسەی هەڵبژاردن و دیموکراسی و خواستی هاوڵاتیان و هۆکارە بۆ ناشرینکردنی ئەزموونی باشووری کوردستان، لەهەمان کاتدا کۆمسیۆنی هەڵبژاردنەکان بەبێلایەن نابینین، بۆیە وەکو پێشتریش ڕامانگەیاندبوو داواکارین کەوا سندوقەکانی دەنگدان لەلایەن لێژنەیەکی سەربەخۆ و بێلایەن جارێکی دیکە هەژمار بکرێنەوە، بۆئەوەی هەموو لیستەکان ژمارەی دەنگی ڕاستەقینەی خۆیان بزانن.
سەبارەت بە ڕەوشی ناوچەکە: YNDK پێیوایە ڕۆژهەڵاتی ناڤین لە ڕەوشێکی پڕ ناسک و هەستیارو ئاڵۆزدایە و ڕۆژ بە ڕۆژ ئەگەرو پێشهاتی نوێ دێنە پێشەوەو، پێویستە ئێمەی کوردیش سوود لەو دەرفەتە وەربگرین و هاوکاری برایانمان بین لە بەشەکانی دیکەی کوردستان بۆئەوەی ئەوانیش کارو خەباتی خۆیان خورت بکەن و بەرەو ڕزگاری و ئازادی هەنگاو بنێن.
لە تەوەرێکی دیکەی کۆبوونەوەکەدا باس لە کاروخەباتی YNDK لەماوەی ڕابردوودا کرا و کارنامەیەکی تۆکمە لەسەر هەموو ئاستەکان بۆ کارو خەباتی داهاتووی YNDK دانرا، ئەمەو کۆبوونەوەکە سەرکەوتووانە کۆتایی بە کارنامەی خۆی هێنا.

کۆمیتەی سەرکردایەتیی
یەکێتی نەتەوەیی دیموکراتی کوردستان YNDK
05-10-2013 هەولێر _ باشووری کوردستان

یەکێتیی نەتەوەیی دیموکراتی کوردستان بەکورتیی یندک حیزبێکی باشووری کوردستانە کە لە ساڵی 1996 لەلایەن غەفوور #مەخموور#ییەوە دامەزراوە. =KTML_Bold=ئامانج=KTML_End=ی حیزبەکە دامەزراندنی دەوڵەتی سەربەخۆی کوردییە کە لەهەرچوارپارچەی کوردستان پێک هاتبێت. ڕێکخراوێکی نەتەوەیی سیاسی جەماوەری و یەکێتییەکی ئارەزوومەندانەیە بۆ تێکۆشەران و نیشتمانپەروەرانی کوردستان، کە هاوبیری و هاوخەباتی لەپێناو سەربەخۆیی کوردستان و یەکێتی خاکەکەی و ئازادی گەلەکەی بەپێی ڕێڕەوێکی زانستییانەی هاوشانی خەباتی دیموکراتییانەی سەرچاوە گرتوو لەمافی چارەنووسی گەلان و مافەکانی مرۆڤدا کۆیان دەکاتەوە. حیزبەکە بەشێک بووە لە لیستی کوردستانی لە هەڵبژاردنەکانی 2005ی کوردستاندا و 1 کورسیی بەدەست هێناوە لە پەرلەمانی کوردستاندا.
=KTML_Bold=کۆنگرەکان=KTML_End=
تا ئێستا پێنج کۆنگرەیبەستاوە، بەم شێوەیە:
کۆنگرەی یەکەمی لە ڕۆژانی 17-19ی ئازاری 1995 لە عەنکاوە، #هەولێر# بەستووە.
کۆنگرەی دووەمی لە ڕۆژانی 5-7ی مایسی 1996 لەشەقڵاوە بەستووە.
کۆنگرەی سێیەمی لە ڕۆژانی 10-12ی کانوونی دووەمی 1999 لەشاری هەولێر بەستووە.
کۆنگرەی چوارەمی لەرۆژانی 10-11ی شوباتی 2002 لەشاری هەولێر بەستووە.
کۆنگرەی پێنجەمی لە ڕۆژانی 12-13ی کانوونی یەکەمی 2012 لە شاری هەولێر بەستووە.
=KTML_Bold=ئامانج؛=KTML_End=
سەربەخۆیی و یەکگرتنەوەی کوردستان و ڕزگار کردنی لە هەموو دەسەڵاتێکی داگیرکەر.
دامەزراندنی دەوڵەتێکی کوردی یەکگرتوو کە لەبریاری سیاسی و سیستمی ئابووریدا خاوەنی سەربەخۆیی خۆی بێت.
چەسپاندنی بنەماکانی ئازادی و دیموکراتیەت و دادپەروەری و سەروەری یاسا.
ڕەخساندنی هەل و مەرج بەشێوەیەکی یەکسان لەبەردەم هاووڵاتیانی کوردستاندا بێ گوێدانە ئینتمایی نەتەوەیی و مەزهەبی.
دابینکردنی هەموو مافێکی شەرعی، سیاسی و ئیداری و ڕۆشنبیری بۆ نەتەوەکانی تری سەر خاکی کوردستان.
خەبات دەکەین بۆ گەڕانەوەی خاکی کوردستانی سۆری بندەستی ئەرمێنیا و ئازربایجان بۆ سەر خاکی کوردستان.
جیاکردنەوەی دەسەڵاتەکانی یاسادانان و ڕاپەراندن و دادوەری لەیەکتری.
بەکردەیی کردنی دۆزی ڕەوای کورد بە دۆزێکی جیهانی.
دیاریکردنی ستراتیژێکی یەکگرتوو لەنێو باڵە سیاسییەکانی کوردستاندا.
نەهێشنی ئەو زاراوانەی کە مانای لکاندنی کوردستان بەوڵاتانی داگیرکەر دەبەخشن و قەدەغە کردنیان لە بەرکاهێنانیان لەنێوان هەڤاڵان و ڕاهێنانی تاکەکانی کورد لەسەر بەکار نەهێنانیان.
داڕشتنی دەستوورێکی تایبەت بە کوردستان و خستنەڕووی بۆ ئەوەی گفتوگۆی جەماوەری و ڕاپرسی لەسەر بکرێت.
دابینکردن و بەرز کردنەوەی ئاستی بژێوی گەلی کوردستان و بەکارهێنانی داهاتەکانی حکومەتی باشووری کوردستان بۆ ئەم مەبەستە.
دابین کردنی ئاسایش و ئارامی بۆ گەلی کوردستان
کار کردن بۆ بەستنی کۆنگرەیەکی نەتەوەیی سەرتاسەری کە تەواوی باڵە سیاسییەکانی کوردستان تیادا بەشداری بن.
هەوڵدان بۆ جێ بەجێ کردنی ئەو بڕیارە نێودەوڵەتییانەی کە هەل و مەرجی تایبەتی باشووری کوردستان لەبەرچاو دەگرن.
هەوڵدان بۆ پێکهێنانی بەرەیەکی سیاسی کوردستانی یەکگرتوو.
بەرەنگار بووەنەوەی هەموو هەوڵ و پیلانەکانی ڕژێمە داگیرکەرەکانی کوردستان بۆ بەعەرەبکردن و بەفارسکردنی و بەتورککردن و سڕێنەوەی مۆرکی نەتەوەییمان.
=KTML_Bold=سەرکردایەتی و پێکهاتەی کارگێڕیی؛=KTML_End=
سەرکردایەتی یندک لەدەسەڵاتە هەڵسووڕێنەرە باڵاکانی یندک ە، بۆ ماوەی نێوان دوو کۆنگرە لە سکرتێری گشتی و 8 ئەندامی هەمیشەیی و 2 ئەندامی یەدەگ پێکدێت.
ڕێژەی کۆتای ئافرەت لەسەرکردایەتی
ڕێژەی کۆتا بۆ ئافرەتان نییە و لەهەموو ستافەکانی کاردەکەن و دەتوانن بۆ لێپرسراویەتی هەر پۆستێک خۆیان کاندید بکەن.
سکرتێری گشتی
دەسەڵاتەکانی سکرتێری گشتی
بەرپرسیار یەکەمی یندک ەو بەرپرسیارە لە چۆنیەتی بەرەو پێشەوەبردنی خەبات و چارەسەرکردنی هەر گرفتێک کە دیتە پێش یندک.
دوا واژۆ (تصدیق) ی هەر پرۆتۆکۆل و ڕێککەوتنامەیەک لەسەر ئاستی ناوخۆیی و ناوچەیی و نێودەوڵەتیشدا بۆ ئەو دەمێنێتەوە و لێی بەرپرسیارە.
هەر لێدوانێکی ڕەسمی کەناوی یندک ەوە بدرێ لەهەر مەسەلەیەکدا ڕاستەخۆ بۆ ئەو دەمێنێتەوە و لێی بەرپرسیارە.
سەرپەرشتی تەواوی کۆبوونەوەکانی مەکتبەی سیاسی و کۆمێتەی سەرکردایەتی دەکات.
لە کاتی بەرامبەی دەنگەکاندا سکرتێری گشتی لەهەر لایەک بێت ئەو لایە دەیباتەوە.
=KTML_Bold=ئەرکەکانی سەرکردایەتی؛=KTML_End=
ئەو ڕاسپاردە و و بڕیارانەی کە کۆنگرە دەری دەکات جێ بەجێی دەکات و بەشێوەیەکی ڕاستەوخۆیش لێپرسراوە لە ئەنجامدانی.
دیاریکردنی هەڵویستی یندک بەپێی بنەمای سیاسیی کۆنگرە.
بڕیاردان لەسەر هەیکەلی ڕێکخستنی یندک و پیگەیاندنی کادیران و پێشخستنیان.
دیاری کردنی پەیماننامەی بەرەیی لەگەڵ حیزبەکاندا بەپێی بڕیارەکانی کۆنگرە.
هەڵبژاردنی ئەندامانی مەکتەبی سیاسییندک.
=KTML_Bold=مەکتەبی سیاسی:=KTML_End=
مەکتەبی سیاسیی لە چوار ئەندام و سکرتێری گشتیی پێکدێت. ئەرکەکانی:
جێبەجێکردنی بڕیارەکانی کۆنگرەو کۆمێتەی سەرکردایەتی.
سەرپەرشتیکردن و بەدواداچوونی ڕێکخستن.
ئامادەکردن و پێشکەشکردنی ڕاپۆرتی دەوری بۆ کۆبوونەوەکانی کۆمێتەی سەرکردایەتی
=KTML_Bold=مەکتەبە ناوەندییەکان:=KTML_End=
مەکتەبی ناوەندی ڕاگەیاندن
مەکتەبی ناوەندی ڕێکخستن
مەکتەبی ناوەندی پەیوەندییەکان
مەکتەبی ناوەندی دارایی
پێکهاتە و ئەرکی ڕێکخستنەکان
هەڕەمی ڕێکخستن یندک لە خوارەوە بۆ سەرەوە بەم شێوەیە پێکدێت:
=KTML_Bold=شانە:=KTML_End=
خانەسەرەکییەکانی ڕێکخستنی یندکە لەسەر بنچینەی شوێنی کار و دانیشتن دادەمەزرێ، سنووری کارەکانی خۆی لەمانە دەگرێتەوە:
سیاسەتی یندک بڵاو دەکاتەوەو جەماوەر جۆش دەدات.
ڕێکخستنی جەماوەر وراوێژکردنیان بەپێی بڕیارەکانی یندک و ئامانجەکانی یندک شیان پێبناسێنێ.
گرنگیدان بەڕای جەماوەرو هەوڵدان بۆ چارەسەرکردنی گیرو گرفتەکانیان.
بڵاوکردنەوەی ئەدەبیات وبڵاوکراوەکانییندک.
کۆبوونەوەی هەفتانە خۆی ئەنجام بدات و دانیشتنەکان بەرز بکاتەوەو دارایی خۆی بەلێژنە لێپرسراوەکان بگەیەنێت.
گفتوگۆ لەگەڵ ئەوانەدا بکات کە داوای بوونە ئەندام دەکەن و متمانەیان پێبدات و بیان پاڵێوێت.
هەر ئەندامێک لە شانە لێپرسراوە لە چالاکییەکانی شانەی خۆی بەهاوکاریکردن لەگەڵ ئەندامانی تردا.
هەر شانەیەک لە 3-5 ئەندام پێکدێت و لێپرسراوێکی دەبێت.
پۆڵ:
لە 3-5 شانە پێکدێت و لێپرسراوێتیی دەدرێتە دەست ئەندامێکی ڕێکخراو، بەرپرسیشە کە هەفتانە ڕاپۆرت بۆ ڕێکخراو بەرزبکاتەوە.
ڕێکخراو
لە هەر گوند یا گەڕەکێک لە 3 ئەندام 2 یەدەگ پێکدێت و سەرپەرشتیی 3-5 پۆڵ دەکات و لێپرسراوێتی دەدرێتە دەست ئەندامێکی ناوچە و بەرپرسیشە کە 10 ڕۆژ جارێک ڕاپۆرت بۆ ناوچە بەرز بکاتەوە.
ناوچە
لەهەر ناوچەیەک یا شارۆچکەیەک یا قەزایەکدا لیژنەیەکی ڕێکخستن لە 3 کارگێڕ و 2 ئەندام پێکدێت و چالاکییەکانیشی لە سنووری دەسەڵاتی خۆیدا ئەنجام دەدات. لێپرسراویشە بەرامبەر هەرێم و ڕاپۆرتەکانی 15 ڕۆژ جارێک بۆ هەرێم بەرز دەکاتەوە.
هەرێم
لەسەر ئاستی پارێزگایەک لە 4 کارگێڕ و 2 ئەندام پێکدێت (بەڕەچاوکردنی چڕیی دانیشتوان و فراوانی ناوچەیەکی جوگرافی پێکدێت). بەپێی سنووری بەڕێوەبردنی دەسەڵاتی باڵای هەیە و لێپرسراوە بەرامبەر بە مەکتەبی ناوەندی ڕێکخستن و لێپرسراوێتی هەرێمیش دەدرێتە دەست ئەندامێکی کۆمێتەی سەرکردایەتی. ئەمانەش جێبەجێدەکات:
سەرکردایەتیکردنی چالاکییەکانی یندک لە بواری سیاسیی و ڕێکخستن و جەماوەری (لە سنووری بەڕێوەبردن و دەسەڵاتی خۆیدا).
چالاکییەکان بەپێی ڕەچاوکردنی تایبەتمەندی توانای کەسایەتی بەسەر ئەندامانی دابەش دەکرێت.
ڕاپۆرتە دەورییەکانی هەر 30 ڕۆژ جارێک بۆ مەکتەبی ناوەندی ڕێکخستن بەرز دەکاتەوە.
مەکتەبی ناوەندی ڕێکخستن
دەزگایەکی ناوەندییە بۆ سەرپەشتیکردنی سەرجەم ڕێکخستنەکان و لە ئەندامێکی مەکتەبی سیاسی و سێ ئەندامی کارگێڕ پێکدێت و بەرپرسیاریشە بەرامبەر هەموو دەزگاکانی سەرووی خۆی.
ئەرک و دەسەڵاتەکانی
سەرپەرشتی هەموو ڕێکخستنەکان دەکات و لێپرسراویشە بەرامبەر تۆکمەیی و گەشە کردنی ڕێزەکانی ڕێکخستن و مافی هەر پێشنیارو داواکارییەکی گونجاوی هەیە بۆ ئەم مەبەستە بۆ سەرووی خۆی بەرزبکاتەوە.
بەڕاگۆڕێنەوە لەگەڵ ئەو بەرپرسی هەرێمەی کە کۆمێتەی سەرکردایەتی ڕایدەسپێرێ بۆی هەیە دەستەی کارگێڕی و ئەندامانی دابنێ.
مافی پێشنیارکردنی هەیە، لە گۆڕینی بەرپرسی هەرێمەکان بە گفتوگۆکردن لەگەڵ کۆمێتەی سەرکردایەتی دا.
بارەگاکان و سنووری کار
سنووری جوگرافی کار
لەهەموو کوردستان کارو چاڵاکی خۆی دەکات.
بارەگاکان
بارەگای مەکتەبی سیاسیی لە شاری هەولێرە.
بارەگای هەرێمی هەولێر لە پارێزگای هەولێر
بارەگای هەرێمی #کەرکووک# لە پارێزگای کەرکووک
بارەگای هەرێمی #سۆران# لە شارۆچکەی سۆران
بارەگای هەرێمی قەرەچووخ لە قەزای مەخموور
لەزۆربەی شارو شارۆچکە و گوندەکانی کوردستان ئەندام و ڕێکخستنی خۆی هەیە، بەڵام لەبەر کەم توانای دارایی لەهەموو ئەو شوێنانە نەکردۆتەوە.
=KTML_Bold=رێکخراوە جەماوەرییەکان؛=KTML_End=
بزووتنەوەی ئافرەتانی نەتەوەیی کوردستان BANK
یەکێتی خوێندەڤانانی نەتەوەیی کوردستان YXNK