رۆژهەڵاتی کوردستان
- ئارام فەتحی، چالاکی مەدەنیی خەڵکی مەریوانمەریوان، لەلایەن ڕێکخراوی ئیتلاعاتی سپای پاسدارانەوە، دەسبەسەر و بۆ شوێنێکی نادیار ڕاگوێزرا.[6]
باشووری کوردستان
- بەڕێوەبەری خۆپاراستنی تەندروستی هەڵەبجەهەڵەبجە ئاماژە بەوە دەکات: هەموو ئامادەکارییەکمان بۆ ڕووبەڕووبوونەوەی ئەنفلۆنزای وەرزیی ناسراو بە H1N1 کردووە و لە نەخۆشخانەی فریاکەوتن چارەسەری (تامیفلۆ) ئامادەکراوە، هاوکات هەموو ئەو دەنگۆیانەش ڕەتدەکەینەوە کە باس لە توشبوونی هاوڵاتییەک دەکەن بە نەخۆشی ئەنفلۆنزای بەراز.[3]
- لە دوێنێ شەوەوە شەپۆلێکی بەفربارین ناوچە سنورییەکانی پارێزگای دهۆکدهۆکی گرتووە و ڕێگای چەند ناوچەیەکیش بەو هۆیەوە داخران. بەهۆی بەفربارینی زۆرەوە هەر یەک لە ڕێگاکانی زاخۆزاخۆ -کانی ماسێ، سەرزێر - کانی ماسێ، سەرسنک -سیارەتیکا، دهۆک -دەڤەری بەرواری باڵا داخراون.[4]
- لە شەوی ڕابردوەوە شەپۆلێکی بەفر بارین شارەدێی وەرتێوەرتێ و قەسرێقەسرێ و دۆڵی ڕۆست و چەند گوندێکی باڵەکایەتیباڵەکایەتی لە سنوری پارێزگای هەولێرهەولێر گرتووەتەوە.[5]
- فەرماندەی جێبەجێکاری هێزە چەکدارەکانی ئەڵمانیا ڕایگەیاند، وڵاتەکەی بڕیاریداوە 60 ڕاوێژکاری سەربازی ڕەوانەی هەرێمی کوردستان و عێراق بکات.[4]
- داوانیوەڕۆی ئەمڕۆ لەمەراسیمێکدا لە کتێبخانەی هەژار موکریانیهەژار موکریانی لە هەڵەبجە، دوو کورتە فیلمی دەرهێنەر و سینەماکار، سەڵاح ئەحمەد ناسراو بە سەڵاحەڕەش نمایشکران و هۆڵێکی بچوکی سینەماییش لەناو کتێبخانەکەدا کرایەوە، کە بڕیارە هەفتانە فیلمی تێدا نمایشبکرێت.[5]
رۆژئاوای کوردستان
- سوپای داگیرکەری تورک و چەتەکانی گوندەکانی هۆشان و خالدییەی سەر بە ناوچەی عەین عیسا بە ئۆبۆس و هاوەن تۆپباران دەکات.[1]
دەرەوەی کوردستان
- بە مەبەستی شەرمەزارکردنی هێرشە داگیرکەرییەکانی سەر ڕۆژئاوای کوردستان و پشتیوانی بۆ یەپەگەیەپەگە، لە ناوەندی گشتی پارتی چەپی ئەڵمانیا ئاڵایەکی گەورەی یەپەگە هەڵواسرا.[1]
- دوای کوژرانی قاسم سلێمانیقاسم سلێمانی و ئەبو مەهدی موهەندیس و ئاڵۆزبوونی دۆخی عێراق، پەیمانی باکوری ئەتڵەسی باکور-ناتۆناتۆ، بڕیاریدا بە شێوەیەکی کاتی سەرجەم کارو چالاکیەکانی لە عێراق ڕابگرێت.[2]
- لە ناوچەی تاجی باکوری بەغدای پایتەخت کاروانێکی ئۆتۆمبێل بۆردومانکرا و بەپێی هەندێک سەرچاوە هێزێکی حەشدی شەعبیحەشدی شەعبی له و هێرشەدا کراوەتە ئامانج.[2]
- حکوومەتی ئێران ئەنجوومەنی ئاسایشی نێودەوڵەتی و سکرتێری گشتی نەتەوەیەکگرتووەکان ئاگادار دەکاتەوە کە دوای کوشتنی قاسم سولەیمانی مافی بەرگریکردن لەخۆیان هەیە.[4]
- ئێران ئاڵای سووری هەڵدا کە لەلایەن شيعەکانەوە بە هێمای تۆڵەکردنەوە دادەنرێت. ئاڵاکە لەسەر مزگەوتی جەمران لە شاری قوم هەڵکراوە کە لەلایەن مەزهەبی شیعەوە بەرامبەر خوێنی ڕژاوی ناحەق هەڵدەکرێت و بانگەوازێکە بۆ تۆڵەکردنەوە کەسێکە کە گیانی خۆی بەخشیوە. لەسەر ئاڵاکە بە عەرەبی نووسراوە: ئەو کەسانەی کە دەیانەوێت تۆڵەی خوێنی حوسێن بکەنەوە[4]

لە ماوەی 10 ڕۆژدا (25-12-2019 بۆ 04-01-2020) بە تەنها لە نەخۆشخانەی شار لە سلێمانیسلێمانی 63 حاڵەتی مردن تۆمارکراوە، زیاتر لە 13 هەزار نەخۆشیش سەردانی نەخۆشخانەکەیان کردووە و چارەسەریان پێدراوە.
بەپێی ڕاگەیەندراوێکی بەڕێوەبەرایەتی تەندروستی سلێمانی، کە ئەمرۆ بڵاویکردوەتەوە لە ماوەی پشووی سەری ساڵی نوێدا، لە ڕۆژی 25-12-2019 بۆ 04-01-2020 لە نەخۆشخانەی شار چالاکییەکان بەم شێوەیەی خوارەوە بووە:
- 13457 کەس لە لایەن پزیشکەوە بینراون
- 2338 نەخۆش خەوێنراون
- 1958 نەشتەرگەری گشتی
- 167 نەشتەرگەری بچووکی ئەنجامدراوە
- 6536 کەس سەردانی بەشی هەناوییان کردووە
- 715 نەخۆش لە بەشی چاو چارەسەریان بۆ کراوە
- 2136 کەسش لە بەشی قوڕگ و لووت و گوێ بینراون و چارەسەریان پێدراوە
- 43 حاڵەتی برینداری ڕووداوی هاتووچۆ،
- 63 حاڵەتی گیان لەدەستدان
- 26 حاڵەتی برینداری شەڕ
- 1 حاڵەتی برینداربوون بە چەقۆ
- 1 حاڵەتی برینداربوون بە فیشەک [1]

ئەمڕۆ شەممە 04-01-202004-01-2020 بە ئامادەبوونی سەرۆک و جێگر و سەرجەم ئەندامەکانی، یەکێتی تۆپی پێی کوردستان کۆبوونەوەی ئاسایی خۆی ئەنجام دا و ئەم بڕیار و ڕاسپاردانەی خوارەوەی دەرکرد.
1- نووسراوی یەکێتی تۆپی پێی کوردستان لقی سلێمانیسلێمانی بە ژمارە 149 لە ڕێکەوتی 16/12/2019 پەسند کرد، کە خولێکی ڕاهێنەرایەتی (C) ئاسیاییان ئەنجامداوە، بەڵام تاکو ڕێکەوتی 16/12/2020 ناتوانن خولی ڕاهێنەرایەتی (C) ئاسیایی بکەنەوە.
2- ئاگاداری سەرجەم ڕاهێنەران دەکەینەوە، دوا دەستپێکردنی یارییەکانی قۆناغی دووەمی خولی نایابی کوردستان پێویستە بڕوانامەی باوەرپێکراویان ئامادە بکەن، بە پێچەوانەوە مافی ڕاهێنەرایەتیان لە یانەکانیان نابێت.
3- ئاگاداری یانەی هەڵۆ دەکەینەوە، پێویستە لە یارییەکانی داهاتوویان لە خولی پلەیەکی کوردستان، ژووری جلگۆڕینی یاریزانان و توالێتەکانیان بە پاک و خاوێنی ئامادە بکەن، بە پێچەوانەوە تووشی سزا دەبن.
4- ڕاگرتنی سەرپەرشتیاری یاری (تاریق سەعید) بۆ ماوەی یەک مانگ، ئەمەیش بە هۆی پابەند نەبوون بە ڕێنماییەکانی یەکێتی تۆپی پێی کوردستان لە یاری نێوان چەمچەماڵچەمچەماڵ و هەڵەبجەهەڵەبجەی شەهید، لە خولی یانە پلەیەکەکانی کوردستان، کە کەسانێکی زۆر بێ بوونی باجی تایبەت لە نێو یاریگە ئامادە بووینە.
5- ئاگاداری سەرجەم سەرپەرشتیارانی یارییەکان دەکەینەوە، پێش تەواو بوونی یارییەکان بە پێنج خولەک، جگە لە ڕاگەیاندنکارانی وەرزشی هیچ کەسێکی دیکە بۆی نییە بێتە نێو یاریگە، ئەمەیش بۆ سەلامەتی سەرپەرشتیار و ناوبژیوانان و یاریزانان، بۆ ئەوەی ڕاگەیاندنکارانیش کارەکانی خۆیان بە باشی ئەنجام بدەن.
6- ئاگاداری سەرۆکی یانەی سەیدسادق دەکەینەوە، بە زوترین کات پەیوەندی بە یەکێتی تۆپی پێی کوردستان بکات بۆ کاری پێویست.
7- دوا لێکۆڵینەوەیەکی ورد لە ڕووداوەکانی یاری نێوان سیروانی نوێ و زاخۆزاخۆ لە گەڕی نۆیەمی خولی نایابی لاوانی کوردستان، بڕیاردرا بە:
أ - دابەزاندنی تیپی لاوانی نایابی یانەی زاخۆ بۆ ڕیزی یانە پلەیەکەکانی لاوانی کوردستان بۆ وەرزی 2020/2021.
ب - هەژمارکردنی دووی یاری داهاتووی یانەی زاخۆ بە ئەنجامی (3-0) گۆڵ لە بەرژەوەندی یانەی بەرامبەری، ئەمەیش بە پێی ڕێنماییەکانی یەکێتی تۆپی پێی کوردستان لە پەڕاوی 2019/2020.
ت - ڕاگرتنی ئەم یاریزانانەی خوارەوە لە تیپی لاوانی یانەی زاخۆ بۆ ماوەی یەک ساڵ لە ڕێکەوتی 04-01-202004-01-2020 تاکو 4/1/2021
1- ئەحمەد چیایی ژمارە 7
2- یوسف ئەیوب ژمارە 6
3- شڤان مەحموود ژمارە 12
4- عەلی عەبدولرەقیب ژمارە 10
5- زانا شڤان ژمارە 3
6- بێوار فەریق ژمارە 77
7- عومران سامی ژمارە 17
8- وەلید وشیار ژمارە 4
9- کۆڤان سالم ژمارە 9
10- هۆگر عەلی ژمارە 22
پ - کارپێنەکردنی بڕوانامەی یاریدەدەری ڕاهێنەرای لاوانی زاخۆ (تاهیر حەمدی) هەروەها ڕاگرتنی بۆ ماوەی دوو ساڵ.
ج - ڕاگرتنی یاریدەدەری پزیشکی یانەی لاوانی زاخۆ (عیسا حوسێن) بۆ ماوەی دوو ساڵ.
ح - ڕاگرتنی ئەم یاریزانانەی تیپی لاوانی یانەی سیروانی نوێ بۆ ماوەی یەک ساڵ لە ڕێکەوتی 04-01-202004-01-2020 تاکو 4/1/2021
1- ژیار نامیق ژمارە 3
2- دیدار سیروان ژمارە 16
3- بیلال مەجید ژمارە 14
خ - گواستنەوەی یاری داهاتووی لاوانی یانەی سیروانی نوێ بۆ یاریگەی یانەی کۆیە.
8- ئەم بڕیارانەی سەرەوە تایبەت بە ڕووداوەکانی یاری نێوان لاوانی سیروانی نوێ و زاخۆ، دوای لێکۆڵێنەوەیەکی ورد لە لایەن لێژنەی پێکهاتوو لە لایەن یەکێتییەکەمان بە پشتبەستن بە ڕێنماییەکانی یەکێتی تۆپی پێی کوردستان لە پەڕاوی 2019/2020، لە خاڵی (16) بڕگەی (ب) لە لاپەڕە (10) و خاڵی (17) لە لاپەڕە (14) دراوە، بە هیوای ئەوەی لە داهاتوو ئەم جۆرە کێشە و گرفتانە دووبارە نەبنەوە و، بە هەموو لایەکمان هەوڵی بنبڕکردنی ئەم جۆرە ڕەفتارانە بە تایبەت لە تیپەکانی تازەپێگەیشتووان و لاوان بدەین.
04-01-2020