05-02-2019
باکووری کوردستان
- لە 17 گەڕەک و دێ و لادێی ناوچەکانی لیجە و پاسووری ئامەدئامەد لە کاتژمیر 6:00ی ئەم بەیانییەوە 'قەدەغەی هاتووچۆ' ڕاگەیاندرا. لە گەڕەک و دێ و لادێکانی چرالی، کایکۆی، دالجا، کوتلو، ئۆیوکلو و تورلی لە لیجە و لە گەڕەک و دێ و لادێکانی کاراگاج، کامشلی، چوکلورجا، دەمیرلی، بایرکۆی، باگجلار، ئاکبولاک، دوزجە، تەرمەن، ئویوگیور و تاش کۆپروی پاسووری ئامەد 'قەدەغەی هاتووچۆ' ڕاگەیاندرا. هاوکات لەگەڵ ڕاگەیاندنی قەدەغەی هاتووچۆ، سوپای تورک بە بەشداریی یەکەی تایبەت دەستیکرد بە ئەنجامدانی ئۆپەراسیۆنی سەربازی لەو ناوچانەدا.[2]
- پۆلیسی ڕژێمی ئاکەپە بۆ بۆمبی گازی هێرشی کردە سەر مەڕاسیمی کردنەوەی بنکەیەکی بانگەشەی هەڵبژاردنی هەدەپەهەدەپە لە ناوچەی سەرێکانی. هەروەها کاندیدێکی هەدەپە بۆ هاوشارەداری ناوچەکە دەستگیر کرا.[2]
- ڕێزان ساریجا، فایق ئۆزگیور ئەرۆل، نەرۆز ئویسال و ئیبراهیم بیلمەز پارێزەرانی عەبدوڵڵا ئۆجەلانعەبدوڵڵا ئۆجەلان بۆ جاری 787هەم سەردانی داواکاری گشتیی کۆمارییان لە بورسا کرد بۆ ئەوەی چاوپێکەوتن لەگەڵ ئۆجالان ئەنجام بدەن.[2]
رۆژهەڵاتی کوردستان
- فەرماندەی پۆلیسی پارێزگای سنەسنە هۆشداری دەداتە کۆڵبەرکۆڵبەران و دەڵێت، هێزی سنوورپارێزی پارێزگای سنە بۆیان هەیە تەقە لە هەر کەسێک بکەن کە لە سنوورەکانەوە بە نایاسایی هاتووچۆ دەکەن.[3]
- هێزە ئەمنییەکانی ڕژیمی ئێران هەڵیانکوتایە سەرماڵی موحسن ئەدوایی و ئەویان گواستەوە بە بەندیخانەی ئیدارەی ئیتلاعات-ی مەریوانمەریوان.[2]
باشووری کوردستان
- شەوی ڕابردوو ئاگر لەکەمپی ئاوارەکانی نزاراوە لە کەرکووککەرکووک کەوتوەتەوە و بەهۆیەوە یەکێک لەخێمەکان سوتا، سەرچاوەکان باس لە گیان لەدەستدانی 3 منداڵ دەکەن.[1]
- تەرمی میر تەحسین بەگمیر تەحسین بەگ، لە شێخان و لەنێو ماڵەکەی خۆیدا بەخاکسپێردرا.[1]
- سەرۆکوەزیرانی هەرێمی کوردستان لەگەڵ باڵیۆزی ئەڵمانیا لە عێراق کۆبووەوە و بەردەوامی هاوکارییە سەربازییەکانییان بۆ هەرێمی کوردستان دووپاتکردەوە.[2]
- بەڕێوەبەری هاتووچۆی پارێزگای سلێمانیسلێمانی ئاشکرایکرد کە پلانی گۆڕینی ئاراستەی شەقامەکانی سلێمانی سەرکەوتوو بووە.[5]
- لە زانکۆی سلێمانیزانکۆی سلێمانی پانێڵیک لەسەر دۆخی سیاسی ئێستاو ئایندەی کوردستان بۆ چەند کەسایەتیەکی سیاسی و ئەکادیمی سازکرا و تیشک خرایە لایەنە هەمەجۆرەکانی کوردستان لە ڕابردوو و داهاتوودا.[5]
- بەرپرسێکی وەزارەتی پێشمەرگەوەزارەتی پێشمەرگە ڕایدەگەیەنێت: تاوەکو قوتی پێشمەرگە باشتر نەکرێت، بڕیارەکەی وەزارەتی ناوخۆوەزارەتی ناوخۆ بۆ ڕێگری لەکاری تەکسی پێشمەرگەکان، جێبەجێناکەن، پسپۆڕێکی یاسایی_ش دەڵێت: بڕیارەکە یاسایی نییە.[6]
- ئێوارەی ئەمڕۆ له گوندی کێلەکەوەی سەربە شارۆچکەی سەیدسادق ژنێک گیانی لەدەستدا، بەڵام هۆکار و چۆنێتی گیانلەدەستدانەکەی گوماناوییە.[4]
رۆژئاوای کوردستان
- ئەمڕۆ سوپای تورک و چەتەکانی گۆڕستانی شەهید سەیدۆ-یان لە گوندی کەفەر سەفر لە ناوچەی جندرێس-ی سەر بە عەفرینعەفرین وێرانکرد. گۆڕستانی شەهید سەیدۆ (ڕودی حاجی) کە تەرمی 183 شەهیدی یەپەگەیەپەگە و یەپەژەیەپەژەی تێدا نێژراوە، لە ساڵی 2011 دروستکراوە، بۆ بە بیرهێنانەوەی تێکۆشەری دێرسیمی ڕوودی حاجی ناسراو بە سەیدۆ ئەو ناوەی لێنراوە.[4]
دەرەوەی کوردستان
- ئەنجومەنی پیرانی ئەمریکا بەزۆرینەی دەنگ پڕۆژەکەی سەرۆکی ئەمریکای ڕەتکردەوە سەبارەت بەکشانەوەی هێزەکان لە سوریا و ئەفغانستان.[6][1]