- سوپای تورکیا تانک و چەکی قورس بۆ سەرسنووری سووریا دەگوازێتەوە و بەئاراستەی #عەفرین# جێگیری دەکات.
- کۆگایەکی چەک و تەقەمەنی لە بارەگایەکی فەرماندەیی پێشمەرگەی #زێرەڤانی# لە شاری #هەولێر# گڕیگرت و دواتر تەقییەوە، بەهۆیەوە سێ پێشمەرگە بریندار بوون.
- فەرماندەیی پێشمەرگەی زێرەڤانی ڕاگەیەندراوێک لەبارەی تەقینەوەکەی ئەمڕۆی کۆگایەکی چەک و تەقەمەنی بڵاودەکاتەوە و ڕایدەگەیەنێت ڕووداوەکە ڕووداوێکی سرووشتی بووە.
- بەپێی ڕاگەیێندراوەکانی #یەپەگە#، ڕۆژانە ناوچەکانی سەر بەعەفرین لەلایەن سوپای تورکیا بەچەکی قورس‌ تۆپباران دەکرێن.[1]
- فراکسیۆنی #پارتی# لە #پەرلەمانی کوردستان#، ڕاگەیەندراوێکی لەسەرکاراکردنەوەی پەرلەمان بڵاوکردەوە،و دەڵێن، پێشوازی لە هەوڵەکانی دەست بەکارکردنەوەی پەرلەمان و چارەسەرکردنی کێشە یاسایی و سیاسیەکان دەکەن.[2]
- وتەبێژی سەرۆکایەتی هەرێم ڕایدەگەیەنێت، ئه و هەواڵەی بەناوی وەزیری دەرەوەی ئەمەریکا بڵاوکرایەوە گوایە دژایەتی وڵاتەکەی بۆ ئەنجامدانی ڕیفراندۆم بە بارزانی ڕاگەیاندووە دوورە لە ڕاستیەوە.
- لە شاری #کۆیە# لیستی بەرەی دواڕۆژی کۆماری کوردستان ڕاگەیەندرا و ئەندامانی ئەو بەرەیە دەڵێن: بەشداری لەهەڵبژاردنەکان دەکەین.[3]
- فەوجی کۆماندۆکانی گۆروملو، چیای #جودی#ان لە #شرناخ# تۆپباران کرد و بەهۆی ئەو تۆبارانەوە ئاگر لە چیاکە کەوتەوە.[4]
- لە ناوچەی #پیرانشار# دەستەیەک لە پێشمەرگەکانی نێوشاری #حیزبی دێموکراتی کوردستانی ئێران# کەوتوونەتە بۆسەی هێزەکانی ئێران و لە پێکدادانێکدا زیانی بەرچاویان بە هێزەکانی ئێران گەیاندووە. هاوکات سوپای پاسداران ڕایگەیاند، لە سنوورەکانی پارێزگای #ورمێ# لەگەڵ هێزێکی چەکدار تووشی پێکدادان بوونە و لە پێکدادانەکەدا دوو کەس لەو هێزە کوژراون و چوار کەسی دیکەش بە برینداری کەوتوونەتە دەستیان.[5]
- بە گوتەی جێگری پارێزگاری #لوڕستان# لە ئەنجامی شەڕ و تێکهەڵچوونی دوو بنەماڵە لە گوندێکی شاری (ئەلیگوودەرز)ی سەر بە پارێزگای لوڕستان، پێنج کەس کوژراون و 12 کەسی دیکەش بریندار بوون.[6]

گوتەبێژی فەرمیی سەرۆکایەتیی هەرێمی کوردستان ڕایگەیاند کە، سەرۆک بارزانی و وەزیری دەرەوەی ئەمەریکا لەم ڕۆژانەدا پەیوەندی تەلەفۆنیان نەبووە.

=KTML_Bold=دەقی ڕاگەیاندراوی گوتەبێژی فەرمیی #سەرۆکایەتی هەرێمی کوردستان#:=KTML_End=
لە ژمارەیەک میدیا و دەزگەی ڕاگەیاند وا بڵاو کراوەتەوە کە لە دوو ڕۆژی ڕابردوودا وەزیری دەرەوەی ئەمەریکا لە ڕێگەی تەلەفۆنەوە پەیوەندی بە سەرۆکی هەرێمی کوردستانەوە کردووە.
لێرەدا بە گشت لایەک ڕادەگەیێنین کە ئەم هەواڵە ڕاست نییە و جەنابی سەرۆک بارزانی و وەزیری دەرەوەی ئەمەریکا لەم ڕۆژانەدا پەیوەندی تەلەفۆنیان نەبووە. [1]

د. ئومێد سەباح
گوتەبێژی فەرمیی سەرۆکایەتیی هەرێمی کوردستان
#05-08-2017#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=