باکووری کوردستان
- هەپەگەهەپەگە ڕایگەیاند: گەریلاکانمان کاتژمێر 01:30 خولەکی نیوەشەوی ئەمڕۆ، لە نزیک ئیدری سەربە سەرحەد لە دژی ئۆتۆمبێلێکی سەربازیی سوپای تورک چالاکییەکیان ئەنجامدا، لەو چالاکییەدا ئۆتۆمبێلەکە بە تەواوی تێکشکێندرا و هەشت سەربازیش کوژران.[1]
رۆژهەڵاتی کوردستان
- نەجیبە ساڵحزادەنەجیبە ساڵحزادە، ژنە چالاکی مەدەنیی کورد، لە شاری سەقزسەقز و هاوسەری مەحمود ساڵحی، چالاکی کرێکاریی بە تۆمەتی پڕوپاگەندە دژی نیزام لە ڕێگای وتووێژ لەگەڵ ڕاگەیاندنە بیانییەکان و دەرەوەی وڵات بەتایبەتی ڕادیو پەیام و تیڤی ڕو در ڕو لە لقی یەکی دادگای ئینقلابی شاری سەقز دادگایی کرا.[5]
باشووری کوردستان
- مامۆستایانی گرێبەست لە بەرامبەر دانەمەزراندنیان بە هەمیشەیی، لەبەردەم پەروەردەی ڕۆژئاوای شاری سلێمانیسلێمانی گردبوونەوەیەکیان ئەنجامدا و داواکی دامەزراندنی هەمیشەییان کرد.[1]
- لە پەرلەمانی کوردستان لە شاری هەولێرهەولێر، کۆبوونەوەی نێوان لیژنەی کاروباری ژنان لە پەرلەمانی هەرێمی کوردستان و کونسوڵخانەی وڵاتان لە هەرێمی کوردستان بەمەبەستی بەدواداچوون بۆ چارەنووسی ژنانی ونبوی شەڕی داعشداعش بەڕێوەچوو.[1]
- فراکسیۆنی پارتی دیموکراتی کوردستانپارتی دیموکراتی کوردستان لە پەرلەمانی هەرێمی کوردستان داوا دەکات کۆبوونەوەیەکی باڵا ئەنجام بدرێت بۆ ئەوەی هەڵوێستی هەرێمی کوردستان لەبەرامبەر حکومەتی عێراق دەربکەوێت.[1]
- لە شارۆچکەی کفریکفری، بەشێک لە خوێندکاران گردبونەوەیەکی ناڕەزایەتیان ئەنجامدا و تێیدا پشتگیری خۆیان بۆ داواکاری مامۆستایان دەربڕی و داواشیان کرد بگەڕێنەوە نێو هۆڵەکانی خوێندن.[1]
- لە گوندی بێموشێ لە شارەدێی بنگردبنگرد، دوو برا بەناوەکانی (محەمەد و کاکەڕەش ئەرسەلان) لەکاتی ڕاوەماسیدا بەلەمەکەیان ژێر ئاو کەوتووە و بەوهۆیەوە هەردووکیان خنکان.[2]
- عەبادی ڕایگەیاند، پێش جەژنی نەورۆز بەشێک لە مووچەی فەرمانبەرانی هەرێمی کوردستان دەنێرن و فڕۆکەخانەکانیش دەکەنەوە.[4]
رۆژئاوای کوردستان
- هێرشی سوپای تورک و چەتەکان بۆ سەر عەفرین ئەمڕۆ لە 46-ەمین ڕۆژیدایە، فڕۆکە جەنگییەکان ئەمڕۆ بە سەختی ناوەندی شەرا و جندرێسجندرێس بۆردوومان دەکەن.[1]
- هاوسەرۆکی کانتونی عەفرینعەفرین لە ڕۆژاوای کوردستان بانگەوازێک ئاڕاستەی حکومەت و هاوڵاتیانی هەرێمی کوردستان دەکات کە پشتگیری نەخوشخانە و بریندارەکانی عەفرین بکەن.[2]
- هاوکارییەکانی خەڵکی کەرکووککەرکووک، کە بریتیبوو لە نزیکەی 13 هەزار دۆلار و کۆمەڵێک دەرمان و کەرەستەی پزیشکی، گەیەندرایە دەست مانگی سووری کوردی لە سلێمانی، بۆ ئەوەی ڕەوانەی عەفرین بکرێت لە ڕۆژئاوای کوردستان.[1]
- بەهۆی تۆپبارانەکانی سوپای تورکەوە لە گوندەکانی سەر بە شارۆچکەی ماباتا لە عەفرین، دوو هاوڵاتی مەدەنیی شەهیدبوون و هاوڵاتییەکیش برینداربوو.[1]
- بەهۆی تۆپبارانەکانی سوپای تورک و چەتەکانییەوە لە شارۆچکەی جندرێس لە عەفرین، پزیشکێک لەکاتی چارەسەرکردنی برینداراندا شەهید بوو.[1]
- سوپای تورک ناوەندی عەفرین تۆپباران دەکات.[3]
- عامر ئیدلبی، وتەبێژی فەرمیی هێزە شۆڕشگێڕەکان لە ناوەندی ڕەقە لە کۆنگرەیەکی ڕۆژنامەنووسیدا ڕایگەیاند، کە هێزە شۆڕشگێڕەکان کە ژمارەیان 3 هەزار چەکدارە لە ڕەقە دەکشێنەوە و دەچنە عەفرین.[1]

ناوەندی ڕاگەیاندنی هێزەکانی سووریای دیموکراتی - قەسەدە ئاماری 24 کاتژمێری ڕابردووی شەڕ و بەرخۆدانی عەفرینعەفرین لە بەرانبەر داگیرکاریی تورکیای بڵاوکردەوە.
دەقی ڕاگەیەندراوی قەسەدە:
هەرچەندە ئەنجومەنی ئاسایشی نەتەوەیەکگرتووەکان بڕیاری ژمارە 2401ی بۆ ئاگربەست لە سووریای پەسەند کردووە، بەڵام سوپای تورکیا بەردەوامە لە دڕندایەتیی خۆی دژی هەرێمی عەفرین و بڕیارە نێونەتەوەییەکان پشتگوێ دەخات. سوپای تورکیای داگیرکەر هەموو تەکنەلۆژیایەکی سەربازی بە ئامانجی قڕکردنی گەلی عەفرین بەکاردێنێت. لەبەرئەوە هێزەکانی ئێمە ناچار بوون مافی خۆپاراستنی ڕەوا بەکاربێنن و وەڵامی هێرشەکانی داگیرکەران بدەنەوە.
عەفرین
تۆپبارانی سوپای تورکیای داگیرکەر و چەتەکانی لەسەر ناوەندی شاری عەفرین بەمەبەستی کۆچبەرکردنی هاوڵاتیانی سیڤیل بەردەوامە. لەم چوارچێوەیەدا، ئەمڕۆ بەیانی دوو تۆپ بە ناوەندی شاری عەفرین کەوتن، لە ئەنجامدا چەند هاولاتییەکی سیڤیل بریندار بوون کە لەنێویاندا منداڵ هەبوون.
شەرا
لە گوندەکانی شەرا لەنێوان شەڕڤانانی ئێمە و سوپای تورکیای داگیرکەر و چەتەکانی شەڕ ڕوودەدات. بەتایبەت بەیانیی ئەمڕۆ لە گوندی مەتینا شەڕی قورس ڕوویدا. هاوکات فڕۆکەجەنگییەکانی سوپای داگیرکەر بەیانیی ئەمڕۆ گوندی ئەلچیا-یان بۆردومان کرد. هەروەها لە شەوی ڕابردووەوە فڕۆکەجەنگییەکانی سوپای تورکیا گوندەکانی سینکا، مەیدانکێ و ناوەندی ناوچەکەیان بۆردومان کرد.
ڕاجۆ
دوێنێ تا درەنگانی شه و فڕۆکەجەنگییەکانی سوپای تورکیای داگیرکەر دەوروبەری ناوچەی ڕاجۆ و گوندەکانی دەوروبەرییان بۆردومان کرد.
بلبلێ
هەموو گوندەکانی بلبلێ لە شەوی ڕابردووەوە تۆپباران دەکرێن.
جندرێس
سوپای تورکیای داگیرکەر و چەتەکانی ناوەندی ناوچەی جندرێس، گوندەکانی دەوروبەری و بەتایبەت گوندی دەرویش-یان تۆپباران کرد.
هەروەها فڕۆکەجەنگییەکانی سوپای داگیرکەر ناوەندی ناوچەی جندرێس-یان بۆمباران کرد. لە ئەنجامدا هاوڵاتیانی سیڤیل بوونە قوربانی و تەرمی قوربانیان کە لەنێویاندا ژن و منداڵ هەن، هێشتا لەژێر داروپەردووی ڕووخاودان.
هەروەها گوندی مسکی لە دوێنێوە هەتا ئێستا تۆپباران دەکرێت. لە هەمان کاتدا فڕۆکەجەنگییەکانی سوپای داگیرکەر گوندی فراری -یان بۆردومان کرد. لە ئەنجامدا هاوڵاتیانی. سیڤیل کە لەنێویاندا ژن و منداڵ هەن، بوونە قوربانی.
شیێ
لە شەوی ڕابردوو هەتا بەیانی ئەمڕۆ ناوەندی ناوچەی شیێ و گوندەکانی دەوروبەری هێرشی ئاسمانییان دەکرێتەسەر. لە هەمان کاتدا ناوەند و گوندەکان تۆپباران دەکرێن. بەتایبەت گوندی ئەرەندێ بەچڕی بۆردومان کرا.
ماباتا
فڕۆکەجەنگییەکانی سوپای تورکیای داگیرکەر گوندەکانی بەریمجە، میرکان و شیکتا-یان بۆردومان و تۆپباران کرد.[1]
06-03-201806-03-2018