06-06-2019
رۆژهەڵاتی کوردستان
- دادگای ئینقلابی شاری سەقزسەقز، حوکمی سێ مانگ زیندانیی بەسەر وەرزشوانێکی کورد بە ناوی میلاد فازڵپوور، کوڕی محەمەد، خەڵکی گوندی مەڵقەرەنی شاری سەقزدا سەپاند. ئەو لاوە کوردە، بە بۆنەی لەبەرکردنی تێشرتێک لە جێژنی نەورۆزی ئەمساڵدا، کە بە ئاڵای کوردستان نەخشێندرابوو، لە لایەن هێزە ئیتلاعاتییەکانی شاری سەقزەوە دەسبەسەر و دواتر بە شێوەی کاتی ئازاد کرابوو.[3]
- کاسبکارێکی کورد بە ناوی سیروان عەزیززادە، خەڵکی خەلیفانی نەغەدەنەغەدە، لە ناوچەی چۆمانچۆمانی سەردەشتسەردەشتدا، بە تەقەی ڕاستەوخۆی نیزامییانی حکوومەت، بەتوندی بریندار بوو.[3]
باشووری کوردستان
- هێرشی سوپای تورک بۆ دەڤەری برادۆستبرادۆست بەردەوامیی هەیە، بەهۆیەوە چەندین گوند چۆڵکراون.[1]
- لە شارۆچکەی چەمچەماڵچەمچەماڵی باشووری کوردستان ژنێک بەناوی (ل.ف.ع) لەدایکبووی ساڵی 1997 خۆی کوشت. ڕاگەیەنرا ئه و ژنە هاوسەرگیری کردووە و دایکی دوو منداڵە.[2]
- ماڵی ئێزدییان-ی کانتۆنی جەزیر-ی ڕۆژئاوای کوردستان 13ئێزدیی تر کە لەدەستی چەتەکانی داعشداعش ڕزگارکراون، ڕادەستی مەجلیسی خۆسەری دیموکراتیکی شەنگال-یان کرد، چاوەڕوان دەکرێت کە ئەو ئێزدییە ڕزگارکراونە ئەمڕۆ دەربازی شەنگال ببن. ناوی ڕزگارکراوەکان: فەهەد قسم 15 ساڵان، شاها ڕەڤۆ 30 ساڵان لەگەل دوو منداڵی خۆی بەناوەکانی هادی 6 ساڵان و خەڵات 5سالان. زێنێ ئیبراهیم 19 ساڵان- تەلبەنات، ناڤین دەرویش 24 ساڵان- شەنگال، جیلان جوقی 11 ساڵان- تەل عوزێر، وەتفا نایەف 10 ساڵان- تەل عوزەیر، هەڤال ڕەشۆ 12 سالان -سولاخ، لەیلا سادۆ 20 سالان- شەنگال، هەیفا سادۆ 16 ساڵان- ڕەمبووسێ، حازیم حسێن 17ساڵان- ڕەمبووشێ، ئەسرا موستەفا 22 ساڵان- کۆچۆ.[2]
- سکرتاریای کۆمەڵەی زەحمەتکێشانی کوردستان، بە بڵاوکردنەوەی ڕاگەیەندراوێک، گیانلەدەستدانی دوو پێشمەرگەی ئەو حیزبەی کە بە ڕووداوی هاتوچۆ لە شاری ڕانیەڕانیەی هەرێمی کوردستاندا گیانیان لەدەست دابوو، پشتڕاست کردەوە. شوناسی ئەو دوو پێشمەرگەیە بە ناوەکانی فەرهاد وەکیلی و لیمۆ کەریمی، ڕاگەیاندراوە. لەم ڕووداوەدا، پێشمەرگەیەکی دیکەی کۆمەڵەی زەحمەتکێشانی کوردستان، بە سەختی بریندار بووە و هەنووکە لەژێرچاوەدێریی پزیشکیدایە.[3]
رۆژئاوای کوردستان
- لەگوندی جب مەخزووم هەڵکەوتوو لە ڕۆژئاوای منبجمنبج، لەڕێگەی ئۆتۆمبیلێکی بۆم ڕێژکراوەوە تەقینەوەیەک ئەنجامدرا.[2]