ڕاگەیاندنی ئەنجوومەنی وەزیرانی هەرێمی کوردستان ڕاگەیێندراوی کۆبوونەوەکەی بڵاوکردەوەو چەند خاڵێکی خستووەتەڕوو کە بەشدارانی کۆبوونەوەکە کۆک بوون لەسەری، کە ئەمانەن:
1-لەگەڵ پابەندبوونی حکومەتی هەرێمی کوردستان بە هەناردەکردنی بڕی پێویستی نەوت بەگوێرەی ڕێککەوتننامەکە و یاسای بودجەی ساڵی 2015، بە داخەوە لە بەرانبەردا حکومەتی فیدراڵ پابەند نەبووە بە ناردنی شایستە داراییەکانی هەرێمی کوردستان. ئەمەش لە کاتێکدا کە بارقورسییەکی زۆر کەوتووەتە ئەستۆی دارایی هەرێمی کوردستان بەهۆی بڕینی بەشە بودجەی ساڵی 2014 و شەڕی دژی تیرۆر و بوونی زیاتر لە ملیۆنێک و پێنجسەد هەزار ئاوارە و پەنابەر و دەرهاویشتەکانی کە لەلایەن حکومەتی فیدراڵەوه، بەهەند وەرنەگیراوه.
2-کۆبوونەوە جەختی کردەوە لەسەر بەردەوامبوون بۆ چارەسەرکردنی کێشە و پرسەکان لە ڕێگەی گفتوگۆکردن و دانووستان لەگەڵ حکومەتی فیدراڵ.
3-حکوومەتی هەرێمی کوردستان بە ڕێککەوتنەکە و بە یاسای بودجەی ساڵی 2015ی ئێراقی فیدراڵەوە پابەند دەبێت، بەڵام ئەگەر دیالۆگ و دانووستاندن لەگەڵ حکومەتی فیدراڵ نەگەیشتە ئەنجام و حکومەتی فیدراڵ هەر سوور بوو لەسەر پێشێلکردنی یاسای بودجە و شایستە داراییەکانی هەرێمی کوردستانی نەنارد، ئەوا حکومەتی هەرێمی کوردستان پشتبەست بە بڕگەی 3 لە ماددەی 11ی یاسای بودجەی ساڵی 2015 و بەپێی یاسای ژمارە 5ی ساڵی 2013ی پەڕڵەمانی کوردستان، ڕێگەچارەی دیکە دەگرێتە بەر بۆ دابینکردنی بودجەی پێویست بۆ هەرێمی کوردستان.
4-کۆبوونەوە داوا لە حکومەتی فیدراڵی دەکات کە بەپێی بەرنامە سیاسییەکەی، چارەسەری گرفت و کێشەکانی نێوان حکومەتی فیدراڵ و هەرێم بکات و پابەند بێت بە دەستوور و یاسا کارپێکراوەکانەوە.[1]
13-05-2015
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 9,728 car hatiye dîtin
Raya xwe li ser vî babetî binivîsin!