باکووری کوردستان
- هەشت ناوچەی پارێزگای ئاگریئاگریی باکووری کوردستان، فێستیڤاڵێکیان بۆ نیشاندانی بەرهەمە خۆماڵییەکانیان ئەنجامدا.[2]
- هێزەکانی گەریلا لە ناوچەی لێلکان لە باشووری کوردستان لە دژی سوپای تورکیای داگیرکەر چالاکییان ئەنجامدا. بەپێی سەرچاوە هەرێمییەکان، چالاکییەکە ئێوارەی ئەمڕۆ و لە کاتژمێر 17:40 خولەکەدا لە گردی کەڤۆرتێ ئەنجامدراوە. گەریلا لە ماوەیەکی کەمدا زیانی گەورەیان لەو سەربازانە دا، کە لە کونێکدا خۆیان حەشاردابوو. ئاماژی بەوەدەکرێت، لەو چالاکییەکدا بەلانیکەمەوە 8 سەربازی سوپای تورکیای داگیرکەر کوژراون.[5]
رۆژهەڵاتی کوردستان
- بەهۆی تەرزە و بارانبارین لە 15 پارێزگای ئێران و ڕۆژهەڵاتی کوردستان، لە دوێنێوە لە هەندێ ناوچە لافاو هەستاوە و ئاو شەقام و ڕێگاکانی گرتووەتەوە، ئەمەش کێشەی هاتووچۆی بۆ هاووڵاتییان دروستکردووە.[2]
- پاش داخستنی دەروازە سنوورییەکان بۆ هاتووچۆی کاسبکاران و گواستنەوەی کاڵا، هەروەها بەرزبوونەوەی باجی گومرگ لەلایەن حکومەتی ئێرانەوە، ئەمڕۆ دووکاندارانی بانەبانە و جوانڕۆجوانڕۆ مانیان گرت و دووکان و بازارییان داخست.[3]
باشووری کوردستان
- تەرمی سێ براکەی شیلادزێ کە هەفتەی ڕابردوو بەهۆی بۆردوومانی تورکەوە کۆمەڵکوژکران، بەخاک سپێردران.[4]
- پاسەوانی دادوەرەکان لەبەردەم دادگای تێهەڵچوونەوەی هەولێرهەولێر خۆپیشاندانیان ئەنجامدا و داوادەکەن سیستەمی نوێی پاشکەوتی مووچە ئەوانیش بگرێتەوە.[1]
- ئەو پزیشک کارمەنداندانەی کە ناویان بۆ دامەزراندن لە نەخۆشخانەی چارەسەری بەرکەوتوانی کیمیایی هەڵەبجەهەڵەبجە گەڕاوەتەوە، گردبوونەوە و داوای ڕوونکردنەوەیان کرد سەبارەت بە نەکردنەوەی نەخۆشخانەکە.[3]
- بە پاساوی نەبوونی مۆڵەت درەنگانی شەوی ڕابردوو لە شارۆچکەی سۆرانسۆرانی سەر بە پارێزگای هەولێر ئاسایشی پارتی بارەگای جوڵانەوەی نەوەی نوێنەوەی نوێی لە شارۆچکەکە داخست.[3]
- کاتژمێر 5:30 ئێوارەی ئەمڕۆ تەقینەوەک لەنزیک پێشانگەی ئۆتۆمبێلەکان لە گەڕەکی خەزرای شاری کەرکووککەرکووک ڕویدا. کردەوە تیرۆریستییەکە لەرێگەی تەقاندنەوەی ئۆتۆمبێلێکی بۆمبڕێژکراوەوە ئەنجامدراوە و بەپێی زانیاریی لە سەرچاوە تەندروستیەکانەوە، کەسێک کوژراوە و 5 ی دیکەیش برینداربوون، 2 ئۆتۆمبێلێش سوتاون.[1]
رۆژئاوای کوردستان
- گروپێکی پێکهاتوو لە 4 چەتە هەوڵیاندابوو هێرش بکەنە سەر خاڵێکی پشکنینی ئەنجوومەنی سەربازیی منبج، بەڵام شەڕڤانان ئەو هەوڵەیان بۆ ئەنجامدانی هێرش تێکشکاند. بەو هۆیەوە چەتەیەک کوژراو و ئەندامانی ئەنجوومەنی سەربازی منبجیش بۆ دەستگیرکردنی 3 چەتە هەڵهاتووەکەی تر، دەستیان بە کێوماڵێکی فراوانی ناوچەکە کردووە.[5]
دەرەوەی کوردستان
- شەوی ڕابردوو، لە پارێزگای حەلەبی سووریا تەقینەوەیەکی گەورە لە بنکەیەکی سەربازیی ئێراندا ڕوویدا، بەهۆیەوە 20 ئەفسەر کوژران و ژمارەیەکی زۆر ئەفسەر و سەربازیش برینداربوون.[2]
- یەکێتی ئەوروپا ڕایدەگەیەنێت، کە کێشەی کورد یەکێکە لە گرنگرتین پرسەکانی تورکیا، هۆشداریشی داوەتە ئەنقەرە، کە بەشێوەیەکی سنووردار بۆ ڕووبەڕووی پەکەکەپەکەکە بجوڵێتەوە.[3]
- یەکەمین کۆنفرانسی دامەزراندنی ئاوارتەی گەنجانی کورد لە ئەوروپا کە ماوەیەکی زۆرە ئامادەکاریی بۆ دەکرێت، لە شاری پاریسی پایتەختی فەرەنسا بەڕێوەدەچێت.[5]

جەماوەری ئازادیخوازی کوردستان
لە هەلومەرجێکدا، ناوچەکە لەدۆخی پێکدادانێکی تری دوای سەرکەوتنی شەڕی بەرەییە بەسەر داعشدا، هاوکات لە یەکەمین ڕۆژی هەڵمەتی هەڵبژاردن، ئەنجوومەنی سەرکردایەتی یەکێتی نیشتمانی کوردستان، بەسەرپەرشتی جێگری سکرتێری گشتی هەڤاڵ کۆسرەت ڕەسول عەلی بەئامادەبوونی جێگری سەرۆکی حکومەتی هەرێم و بەرپرسی زانیاری و جێگری سکرتێری ئەنجوومەنی ناوەند، کۆبوونەوەی بۆ هەڵسەنگاندن و پەسندی بڕیار و بەرنامەکانی هەڵبژاردن سازکرد.
لە کۆبوونەوەکەدا، ڕاپۆرتی دەزگای هەڵبژاردن و هەڵمەتی ڕاگەیاندنی هەڵبژاردن لەلایەن بەرپرسی مەکتەب ڕاگەیەندرا. گفتوگۆیەکی هەڤاڵانەیان لەسەرکرا، دوای بۆچوونەکان و ڕەخنەکان، لیژنەی باڵای هەڵبژاردن، دەزگای هەڵبژاردن و مەکتەبی ڕاگەیاندن و لیستی بازنەکانی هەڵبژاردن ڕاسپێردران، گەرم و گوڕ، بڕیارو بەرنامەکان جێبەجێ‌ بکەن.
کۆبوونەوە پێی وایە سیاسەت و بەرنامەی هەڵبژاردن... بۆ ناو عێراق و لەناو عێراقیشدا، بۆمافە زەوتکراوەکانی گەلە ستەم دیدەکەمانە کە (11) ساڵە، لە لایەن حکومەتەکانی دوای ڕوخاندنی سەدامەوە، دەستی بەدەستی پێ دەکرێ‌، لەجێبەجێنەکردنی مادەی (140) و دوای (15) ساڵ لە ڕوخاندنی ڕژێمی بەعس، تازە بەتازە بودجەی کوردستان کەم دەکرێتەوە و هێشتا چەکدارکردنی هێزی پێشمەرگە یەک لەسەر سەدی حەشدی شەعبی تازە دامەزرێنراو نییە. تەنانەت مووچەی فەرمانبەرانیش بڕ بڕ دەدرێت. ئەمە جگە لەوەی دۆخی کەرکووک، شنگال، سەعدیە، مەندەلی، دووزخورماتوو، جەلەولاو خانەقین، دۆخێکی نەخوازراوە و هاوڵاتیانی ئه و شارانە نیگەرانن و هەوڵێکی تایفەگەریش دەدرێ، ناکۆکییەکانی کوردو تورکمان و عەرەب، ناکۆکییەکانی نێوان ئێزیدی و شیعە و سوننە قووڵتر و پەراوێز خستنی ئاینزاکانی تر، زیاتر بکرێ.
سەرەڕای ئه و دۆخە نالەباره و قەیرانە ئابووری و گوزەرانە سەختەی خەڵک، یەکێتی پێی وایە کێشەی کورد، هێندە ڕەوایە و مافەکانیشی بەشێوەیەک پێشێڵ کراوە، هیچ کوردێکی بەویژدان نییە، ئێستاش لە باشووری کوردستاندا داکۆکی لە مافە دیموکراسی و پیشەیی و یاساییەکان نەکات. هەروەکو هەموو کوردێکی ئازادیخواز، لەبەشەکانی تری کوردستانیشدا سەرەڕای تێکچوونی دۆخی ناوچەکە، سوورە لەسەر مافە ڕەواو دیموکراسییەکان.
جەماوەری کۆڵنەدەر
یەکێتی باش دەزانێ‌ قەیران و پاشەکەوتی مووچە، فشارێکی زۆری خستۆتەسەر مووچەخۆر. گەرچی دوا دەستکاری پاشەکەوتی مووچە لەلایەن حکومەتی هەرێمەوە مایەی دەستخۆشیە، بەڵام چارەسەرکردنی تەواوی کێشەی پاشەکەوتی مووچە ئەرکمانە و لەپێناویدا درێخی ناکەین. دڵنیاشین، بەرە بەرە قەیرانی ئابووری کوردستان، کە هاوکاتی قەیرانی ئابووری جیهان و ناوچەکە و داشکانی بەهای نەوت سەری هەڵدا، دڵنیاین ئاسۆی چارەسەریان دەرکەوتووە.
یەکێتی، هێزێکی تاقی کراوی مەیدانەکانی خەباتە لە شاخ و شارو لە حکومەت و خەباتی مەدەنیشدا. ئێمە هێزێک نین لەشاخ و شاردا، هەڵپەرست بووبین، بەڵکو بەرپرسیاریەتی سەرشانمان، زۆرتر لە دۆخە سەختەکاندا ڕادەپەرێنین، بۆیە لەکارەساتەکانی شۆڕشدا، چۆکمان دانەدا، لە پیلانەکانی ناوخۆو ئەرکەکانی حوکمڕانی و قەیرانەکانیشدا، خۆمان لەتێکۆشان و ڕەخنە و هەڵوێَست نەدزیەوە.
نە پلە و پایەی بەغداد لە خشتەی بردین و نە کێشەکانی کوردستانیش، هەڵیدێراوین. له و ئەزموونانە و بەم ڕۆحیەتەوە مامی گەورەمان لە سیاسەتدا گەورەی کردین و ئێستاش مەزارگاکەی قەڵای ورە و پەیمانی هەتاسەرمانە.
گەلی کوردستانمان
سەرکردایەتی یەکێتی جارێکی تر لەم هەڵبژاردنەدا، لەکاتێکدا ڕەخنە لەناو هەڵەکانمان لە حکومەت و لە کێشمە کێشەکانی ناو یەکێتی دەگرین، بەڵام دڵنیاین یەکێتیە پەرۆشەکان بەشانازیەوە دەست بەئاڵای سەوزی یەکێتیەوە دەگرن، چونکە دەزانن:
یەکەم: یەکێتی دەست بەرداری ستراتیژی دیموکراسی و کوردایەتی نەبووە و ناشبێ.
دووەم: کێشەکان هەڵیان نەدێراین بۆ شەڕی ناوخۆ و دروستکردنی دوو ئیدارە لە کوردستاندا.
سێیەم : ڕاپەڕاندنی ئەرکە هاوبەشەکانی هێزی پێشمەرگە و ئاسایشمان، پاراست.
چوارەم: سەربەخۆیی سیاسی یەکێتیمان نەدۆڕاند و سەنگی دیبلۆماسیەتی یەکێتیشمان لە ناوچەکەدا لەدەست نەدا.
پێنجەم: سەرەڕای قەیرانی ئابووری و دژایەتی تاڕادەی دوژمنکارانەمان، بواری خەباتی مەدەنیمان بەرتەسک نەکرد.
شەشەم: کە قەیران سەری هەڵدا، سوور بووین لەسەر مووچەی پێشمەرگە، پۆلیس، ئاسایش، کەسوکاری شەهیدان و کەم ئەندامانمان و مووچەخۆران تێکڕا.
حەوتەم: بەرگەی قەیرانەکانمان گرت و ئامادەبووین فشار بخەینە سەر ئۆرگان و ئەندامەکانی یەکێتی، بەڵام ڕێگەمان نەدا کاری نابەجێ‌ بەرامبەر بازاڕِو سەرمایەدار بکرێت.
هەشتەم: دوای ڕووداوە چاوەڕواننەکراوەکانی 16 ی ئۆکتۆبەر، سەرباری پڕوپاگەندە نابەجێکان، بەرگەی لێکەوتەکانی ڕووداوەکانمان گرت، بەڵام دەستبەرداری کەرکووک و ناوچەکانی مادەی (140) نەبووین و نابین.
لە کۆتاییشدا..یەکێتی ئامانجێتی، ئەنجامی هەڵبژاردنی ئەمجارە بەشێکی برینەکان ساڕێژ بکات، نەک گەرمی تای هەڵبژاردن، دەسکەوتە مەدەنییەکانیشمان لەدەست بدات. لەم ڕوانگەوە، ڕێز لەهەموو لیستەکان دەگرین، بەڵام مستیش لە دەروشە دەگەڕێتەوە.
جەماوەری خۆڕاگر !
یەکێتییەکەی شۆڕشی نوێ‌، یەکێتییەکەی مەدرەسەی فرەیی حزبایەتی، یەکێتیەکەی دیموکراسی و نان و ئازدی، یەکێتیەکەی داستانەکانی شەڕەکان و کەژاوەی شەهیدان و خۆڕاگری، یەکێتییەکەی قاڵبوی ئەنفال و کیمیاباران، یەکێتیە ڕێچشکێنەکەی ڕاپەرین و داهێنەرەکەی فیدرالی و یەکێتیەکەی تێکدانی پیلانەکانی ناوخۆیی و ئیقلیمی، یەکێتیەکەی خاوەن پڕۆژەی گەشەکردنی زانکۆ و پەیمانگاکان بۆ تەواوی شارەکان و ئاوەدانکردنەوەی ناوچەکانی ئەنفالەکان، یەکێتیەکەی ژیانەوەی هەڵەبجە و قەڵادزێ‌ و پێنجوێن و سەید سادق و چوارتاو (28) ناحیە و (5000) هەزار گوندی خاپوورکراو، یەکێتیەکەی دابینکردنی مووچە و ئەرز بۆ کەسوکاری شەهیدان و کەم ئەندامانی سەنگەر. هەر یەکێتی نیشتمانی کوردستانەکەتان دەمێنێتەوە.
ئەی جەماوەری پەرۆشی کوردستان...
خۆتان دەزانن ئەوە یەکێتی بوو یاسای ئەحواڵی شەخسی گۆڕی و دەستەبەری مافی کرێکاران و خاوەن پرۆژەی سۆسیالە لە پەرلەماندا، ئه و یەکێتییەی هەموارکردنی یاسای سزادانی عێراقی بۆ قەدەغەکردنی کوشتنی ژنان بەناوی شەڕەف و ڕاگرتنی ماددەی (409)، کردە بڕیاری دیموکراسی کوردستانی
یەکێتییەکەی دابەشکردنی دەسەڵاتەکانی سەرۆکایەتی هەرێم و لێبووردنی گشتی. هەروەها بڕیاری هاوتاکردنی ژمارە (19) بۆ یەکخستنی هێزەکانی (70) و(80) زیادکردنی مووچەکانیان و مووچەی پێشمەرگه و ناوخۆ، هاوکات هەموارکردنی یاسای خوێندنی باڵا. ئەمە جگە له و یەکێتییەی یاسای سندوقی داهاتەکانی نەوت و گاز لە هەرێم.
بەڵێ گەلۆ!
یەکێتیەکەی پشتوانی مافەکانی بەشەکانی کوردستان و پاڵپشتی کۆبانێ و داواکاری ئاشتی لەباکوور، یەکێتییەکەی چارەسەرکردنی ئاشتییانەی کێشەی کورد لە ڕۆژهەڵاتی کوردستان، ئەم یەکێتیەی مام جەلال و ئه و مێژووە پڕ لە سەروەرییەیە، بە دڵنیاییەوە ڕێگا نادات هیچ کەس و لایەک موزایەدەمان بەسەرەوە بکات، خۆمان هەڵه و کەموکوڕییەکان دەزانین و ڕەخنەیان لێ دەگرین و نیگەرانی ڕای گشتی دەڕەوێنینەوە، خۆشمان لە بەرپرسیاریەتی هەڵەی هەموو کابینەکان نادزینەوە، بۆیە دڵنیاین، بەشی زۆری دەنگدەری بەویژدان و ئازادیخواز بەدروشمە بریقەدارەکان فریو ناخۆن، دڵنیاین ڕەنجدەرانی بیر و بازوو کە مام جەلال هەمیشە خەمخۆریان بوو، مامۆستایان، فەرمانبەران، پارێزەران، پزیشکان، کارمەندانی تەندروستی، پیشەکانی کشتوکاڵی، کەمئەندامان، نابینایان، هونەرمەند و نووسەران، وەرزشکاران، کوردستانیانی تاراوگە، ژنان و لاوان، کەسوکاری ئەنفال و کیمیاباران، جەرگ سووتاوەکانی شەهیدان و پێشمەرگەی سەنگەر و کەمئەندام، کاسبکاران و سەرمایەداران و تێکڕا چین و توێژەکان، دڵنیاین یەکێتی وەکو ئەمانەتی مام جەلال و شەهیدە سەرکردەکان و دەربەستی دیموکراسی و دادپەروەری و گۆڕانکارییەکان دەزانن.
لەم هەڵبژاردنەی عێراقیشدا، بەویژدانی زیندوویانەوە، لە هەڵه و کەم و کوڕییەکانمان دەبوورن، ڕۆژی دەنگدان دەکەنە فێستیڤاڵی پەیمان نوێکردنەوە بۆ مام جەلال و بۆ شەهیدان و بۆپێشمەرگە و دەنگ بە لیستی (162)دەدەن، کە تاقە لیستی سەوزی یەکێتییە و هیچ لیستێکی تر لەسایەی لیستی (162)مان بوونی نییە.
ئیتر بۆپێشەوە بەره و دەنگدان بەلیستی (162)ی یەکێتی نیشتمانی کوردستان
ئەنجوومەنی سەرکردایەتی
یەکێتی نیشتمانی کوردستان
هەولێر 15-04-201815-04-2018