باکووری کوردستان
- بە گوێرەی ڕاگەیەنراوی والی شڕناخشڕناخ هەرێمی فەراشین-ی ئیلکێ، هەرێمی مەزرا وگونەیاکا وهەرێمی سێگرکێ-ی قیلبانێ بەگشتی 66 هەرێم، وەک هەرێمی پاراستنی تایبەت دیاری کراوە و بۆ ماوەی 15 ڕۆژ قەدەغەی هاتووچۆی تێدا ڕاگەیەنراوە.[2]
- بەرەبەیانی ئەمڕۆ کاتژمێر 05:30 خولەک هەتاکۆ کاتژمێر 7 هێلیکۆپتەرەکانی سوپای تورکیا چیای سینجیک-یان لە دەرسیمدەرسیم بۆردومان کردووە. دوای بۆردومانەکە لە ڕێگەی هێلیکۆپتەروە یەکینەیەکی سەربازی سوپای تورکیا لە ناوچەکە جێگیر بووە ودەستیان بە ئۆپەراسیۆن کردووە.[2]
- سەربازەکانی سوپای تورک لە گوندی پاکونیی سەربە چەولگ هێرشیان کردە سەر گڵکۆی گەریلای هەپەگەهەپەگە و کێلەکەیان شکاندن.[5]
رۆژهەڵاتی کوردستان
- محەمەدئەمین قازی خەڵکی گوندی گوندەوێڵە سەر بە شاری شنۆشنۆ لە لایەن هێزه ئیتلاعاتییەکانی سەر بە ئیتلاعاتی سپا دەسبەسەر کرا.[6]
باشووری کوردستان
- تەرمی زەکی شەنگالی بەخاکدەسپێردرێت.[1]
- بە بەشداریی هەزاران کەس لە هاووڵاتییان، مەراسیمێکی بە شکۆ بۆ بەخاکسپاردنی ئەندامی دەستەی بەڕێوەبەریی ئێزدییەکانی شەنگال و ئەندامی دەستەی بەڕێوەبەریی کەجەکە زەکی شەنگالی، کە بەهۆی هێرشی دەوڵەتی تورکیاوە لە 15ی تەباخدا شەهید بوو بوو، لە مەزارگەی شەهید دڵگەش و بەرخۆدان، مەراسیمێکی بەشکۆ بەڕێوەدەچێت. تەرمی مام زەکی شەنگالی لەسەر شان برایە مەزارگەکە و لە مەزراگەکە مەراسیمێکی سەربازیی بۆ ئەنجامدرا.[2]
- خانەوادەی مام زەکی شەنگالی، بە مەبەستی بەشداریکردن لە مەراسیمی بەخاکسپاردنی مام زەکیدا گەیشتنە شەنگال.[5]
- سەرلەباینی ئەمڕۆ لقی سلێمانیسلێمانیی پارتی ئازادی و دیموکراسیی ئێزدییەکان (پادێ - PADÊ) لە گردی عەلی ناجی نزیک بەڕێوەبەرایەتیی کشتوکاڵی سلێمانی پرسەی بۆ شەهید مام زەکی شەنگالی ئەندامی کوردیناسیۆنی ئەنجوومەنی گەلی ئیزدی دانا. ئەمڕۆ یەکەم ڕۆژی پرسەکەی بوو. پرسەکە بۆ ماوەی 3 ڕۆژ بەردەوام دەبێت.[2]
- لە پێنجوێنپێنجوێن کۆنفڕانسێک بۆ موفتی پێنجوێنیموفتی پێنجوێنیی شاعیر بەڕێوەدەچێت، کۆنفڕانسەکە دوو ڕۆژ دەخایەنێت.[1]
- گوتەبێژی یەکێتیی نیشتمانیی کوردستانیەکێتیی نیشتمانیی کوردستان ڕایگەیاند بۆ گفتوگۆ لەگەڵ حکومەتی عێراق و پێکهێنانی کابینەی نوێ‌ لەگەڵ پارتی، ڕەشنووسێکی 27 خاڵییان ئامادە کردووە. دەشڵێت چوار لایەنەکەی دیکە دەتوانن خاڵی دیکە بۆ ڕەشنووسەکە زیاد بکەن.[3]
- فڕۆکە جەنگییەکانی سوپای تورکیا چیای قەندیلقەندیل-یان بۆردومان کرد. بەهۆی ئەو بۆردومانانەوە دارستانەکانی ناوچەکە ئاگری تێبەربوو.[2]
- دژی هێرشە ئاسمانییەکەی دەوڵەتی تورک بۆ سەر شەنگال و شەهیدکردنی زەکی شەنگالی، ئەنجومەنی هەرێمی کەرکووکی تەڤگەری ئازادیی گردبوونەوەیەکیان ئەنجامدا و وێڕای ئیدانەکردنی هێرشەکە، ئەو هێرشەیان بە زەنگێکی مەترسیدار بۆ سەر تەواوی خاکی باشوری کوردستان و بەتایبەتیش کەرکووک ناوبرد.[5]
- بە بۆنەی تێپەڕ بوونی سێ ساڵ بەسەر ناساندنی وەک(هاوناز ئەحمەد) یەکێک لە منداڵە دۆزراوەکانی هەڵەبجەهەڵەبجە و دواجار دروست نەبوونی ناوەکەی، سەر لە ئێواەی ئەمڕۆ بە ئامادە بوونی کەسوکاری منداڵە ونبووەکانی هەڵەبجە و بەرپرسانی حکومی و لایەنە پەیوەندیدارەکان، لە مەراسیمێکی تایبەتدا هاوسۆزی و پشتیوانی بۆ مریەم هەڵەبجەیی سازکرا کە ئێستا ناوی خۆی ناوە (ژیان کامەران).[4]
- زەردەشتییانی کوردستان، جەژنی پەیمانیان لە ئەشکەوتی مێژووی قزقاپان پیرۆزکرد.[2]
دەرەوەی کوردستان
- ئەمڕۆ لە ئەنقەرەی پایتەختی تورکیا شەشەمین کۆنگرەی ئاسایی ئاکپارتی بەڕێوەدەچێت و جگە لە هەدەپەهەدەپە سەرجەم پارتە سیاسییەکانی ئەو وڵاتە بە فەرمی بانگهێشتکراون. پارتی تەنیا حیزبی باشووری کوردستان بوو کە بۆ کۆنگرەی ئاکپارتی بانگهێشتکرابوو.[3]
- لە شەشەمین کۆنگرەی ئاکپارتیدا لە کۆی 50 ئەندامی ئەنجوومەنی ناوەندی بڕیار و بەڕێوەبردن تەنیا 21 ئەندام لە پۆستەکانیاندا مانەوە و ژمارەیەک لە وەزیر و بەرپرسانی ئاکپارتی لە ئەنجوومەنەک دوورخرانەوە.[3]

18-08-201818-08-2018

لە ڕاگەیاندراوەکەی هەپەگەهەپەگەدا هاتووە:
لەچوارچێوەی هەڵمەتی شۆڕشگێڕیی شەهید پیرۆز و شەهید ئاگری دا هێزەکانمان لە 17ی ئابی 2018دا لە دژی سوپای تورکی داگیرکەر زنجیرە چالاکییەکیان ئەنجامدا و وردەکاریی چالاکییەکان بەمشیوەیەی خوارەوەن.
چالاکی لە لێلیکان
کاتژمێر 08:40 دا هێزەکانمان لە دژی داگیرکەران لە لێلیکانی سیدەکانسیدەکان لە باشووری کوردستان چالاکییان ئەنجامدا. لە چالاکییەکەدا سەنگەر و پەناگەکانی دوژمن تێکشکێنران. ژمارەی سەربازانی کوژراو و برینداری دوژمن ڕوون نەبووەتەوە.
لە بارزان ئۆتۆمبلێکی ڕیۆی سەربازی تەقێنرایەوە و 4 سەرباز کوژران
هێزەکانی یەژەئاستا لە کاتژمێر 09:30 دا لە دژیی سوپای تورکی داگیرکەر لە ناوچەی تەپەی خودێ لە ناوچەی بارزان لە باشووری کوردستان چالاکییەکیان ئەنجامدا. لە چالاکییەکەدا ئۆتۆمبێلێکی سەربازیی جۆری ڕیۆ تەقێنرایەوە و ئەوەندەی ڕوون بووەتەوە لەو چالاکییەدا 4 سەربازی کوژراون. دوای چالاکییەکە سوپای تورکی داگیرکەر بە تۆپی جۆری ئۆبیس و هاوەن شوێنی چالاکییەکەیان بۆردومان کرد.
لە چەلێ 4 سەرباز کوژران
کاتژمێر 19:00 هێزەکانمان لە شاخی کۆردینە لە ناوچەی چەلێی جۆلەمێرگ لە دژی سەربازانی سوپای تورکی داگیرکەر چالاکییەکییان ئەنجامدا. لەو چالاکییەدا هێزەکانمان لە 7 شوێنەوە لە سەنگەر و پەناگەکانی دوژمنیان دا و چەندین سەنگەر و پەناگەیان تێکشکێنرا و ئەوەندەی ڕوون بووەتەوە 4 سەرباز کوژراون. لە دوای چالاکییەکە سوپای تورکی داگیرکەر بە تۆپی جۆری ئۆبیس و هاوەن ناوچەکەی بۆردومان کرد.
چالاکییەکانی ئەیالەتی سەرحەد
هێزەکانمان لە چوارچێوەی هەڵمەتی سەرفرازیی شۆڕشگێڕیدا لە ئەیالەتی سەرحەد لە دژی سوپای تورکیی داگیرکەر چالاکییان ئەنجامدا. وردەکاریی چالاکییەکانی ئەیالەتی سەرحەد:
5 ئەندامی هەواڵگریی تورکیا کوژران
هێزەکانمان لە 28ی تەمووزی 2018دا لەسەر ڕێگای بازید – ئیدر کاروانێکی سەربازییان خستەژێر چاودێری، کە ئەندامانی هەواڵگریی تورکیای تیادا بوو. هێزەکانمان لە کاتژمێر 10:30دا لە دژی ئۆتۆمبێلکی جۆری ئامارۆک چالاکییەکیان ئەنجامدا، کە ئەندامانی هەواڵگریی تیدا بوو. لەو چالاکییەدا ئۆتۆمبێلەکە تەقێنرایەوە و 5 ئەندامی هەواڵگریی تیادا کوژرا. هاوکات هێزەکانمان ئۆتۆمبێلێکی تری کاروانە سەربازی و هەواڵگرییەکەیان کردە ئامانج و لەو ئۆتۆمبێلەی تریشدا 2 سەربازی تر کوژران و سەربازێکی تریش برینداربوو. لە دوای چالاکییەکە سوپای تورکی داگیرکەر بە کۆپتەری جۆری کۆبرا کوژراو و بریندارەکانی گواستەوە.
لە تەندورەک سەربازێک کوژرا و 3 سەربازی تریش برینداربوون
هێزەکانمان لە ئەیالەتی سەرحەد لە بەردەوامیی چالاکییەکانیدا ڕۆژی 15ی تەباخ لە کاتژمێر 19:00 دا لە دژی گردێک کە پاسەوانیی بنکەی سەربازیی کەڤرێ شامێ لە تەندورەک دەکرد، چالاکیەکییان ئەنجامدا. لەو چالاکییەدا سەربازێک کوژرا و 3 سەربازی تریش برینداربوون.
لە کۆمورای سەمسور زرێپۆشێکی جۆری کۆبرا تەقێنرایەوە
هێزەکانمان لە 14ی ئابی 2018دا لە شارۆچکەی کۆمورا لە پارێزگای سەمسوور (ئادیامان) لە دژی کانێکی مەڕمەڕ کە بۆ دوژمن کاری دەکرد، چالاکییەکیان ئەنجامدا. هێزەکانمان هەموو کرێکارانی کانە مەڕمەڕەکەیان ئاگادار کردەوە و دواتر 13 ئۆتۆمبێلی کانەکەیان سوتاند.
لە دوای چالاکییەکە هێزە ئەمنییەکانی تورکیا بە زرێپۆشێکی جۆری کۆبرا لە کانەکە نزیک بوونەوە و هەوڵیاندابوو دەستوەردان ئەنجام بدەن، بەڵام هێزەکانمان چالاکییان لە دژی ئۆتۆمبێلەکە ئەنجامدا و بەو هۆیەوە ئۆتۆمبێلە زرێپۆشەکە تەقێنرایەوە. ژمارەی کوژراوان و بریندارانی ناو زرێپۆشەکە ڕوون نەبووەتەوە. سوپای تورکی داگیرکەر لە دوای ئەو چالاکییانە لە ناوچەکە دەستیان بە ئەنجامدانی ئۆپراسیۆنێکی بەرفراوان کرد.
هێزەکانمان ڕۆژی 16ی ئابی 2018 لە دژی یەکەیەکی ئۆپراسیۆنەکەی دوژمن چالاکیی دووەمیان ئەنجامدا. لەو چالاکییەدا چەندین سەربازی دوژمن کوژران و برینداربوون. ئۆپرسیۆنەکە تاوەکو ئێستا بەردەوامە.[1]
18-08-201818-08-2018