سەرچاوەی زەڵم یەکێکە لە دڵڕفێنترین سەرچاوە ئاوییەکان و شوێنە گەشتییارییەکانی پارێزگای #هەڵەبجە#. دەکەوێتە شارەدێی ناوەندی شارۆچکەی #خورماڵ# لە پارێزگای هەڵەبجە، #باشووری کوردستان#.
کەمێک لە گوندی #زەڵم#ەوە دوورە و بە چیای هەورامانەوەیە. نهێنیی دڵگیریی گوندی زەڵم، زیاتر لە سەچاوەی زەڵم و دارگوێزە چڕ و بڵندەکانییەتی.
ئەو دوکانانەی لە نزیک سەرچاوەی زەڵمن، هەندێک خۆراک تایبەتیی وەک: شێلم، پاقلە و دەنکە هەنار دەفرۆشن و بەدەم سەیرکردنی دیمەنی ناوچەکە دەیانخۆن.
سەرچاوەی زەڵم تاڤگەیەکی بەرزە و بە قەد چیای هەورامانەوەیە وەکوو بەفرێکی سپی دێتە خوارەوە. ئاوەکەی سازگارە و لەگەڵ ئاوی #سیروان# و #تانجەڕۆ# یەکدەگرن و پێکەوە دەڕژێنە دەریاچەی #دەربەندیخان#.
سەرچاوەی زەڵم جگە لەوەی بووەتە مایەی خێر و بەرەکەت بۆ گوندنشینانی زەڵم، لە چوار وەرزی ساڵیشدا گەشتیاران پێیان لەو هاوینەهەوارە دڵڕفێنە نابڕن. لە سێبەری دارگوێزەکان و لە قەراخ هاژەی بە خوڕی ئاوەکەدا، ڕۆژانی پڕ لە ماندوویی لە بیر خۆیان دەبەنەوە و لە نزیکییەوە پشوو دەدەن.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 20,372 car hatiye dîtin
Raya xwe li ser vî babetî binivîsin!