د.ڕەفیق #شوان#ی
ناوی تەواوی(ڕەفیق محەمەد محێدین)ە، ناسراو بە دکتۆر ڕەفیق شوانی لەساڵی(1953) لە گوندی(#ناڕوجە#)ی شوانی پارێزگای #کەرکووک# لەدایکبووە، بڕوانامەی بەکالۆریۆسی لە زانکۆی سلێمانی، کۆلیژی ئاداب، بەشی زمان وئەدەبی کوردی لەساڵی(1976-1977) بەدەستهێناوە، ماوەیەک وەک مامۆستای زمان و ئەدەبی کوردی لە قوتابخانەکانی سنوری بەڕێوەبەرایەتی گشتی پەروەردەی سلێمانی و دواتر هەولێر مامۆستایەتی کردووە.
لە(11/7/1988) بڕوانامەی ماستەری لەزمانی کوردیدا وەرگرتووە، نامەکەشی بەناونیشانی(وشەسازی زمانی کوردی) کە لەڕووی لێکۆڵینەوەی زمان و مێژووی خوێندنی باڵادا بە یەکەم نامەی ماستەر دادەنرێت کە بەزمانی کوردی نوسرا بێت، بڕوانامەی دکتۆرای لە زانکۆی بەغدا، کۆلێژی پەروەردەی(ابن الرشد) وەرگرتووە،
بەناونیشانی(ڕستەسازی زمانی کوردی) لەڕێکەوتی(9/10/1990) وەکو مامۆستای زانکۆ، لە زانکۆی سەلاحەدین، کۆلیژی ئاداب، بەشی کوردی دادەمەزرێت و خزمەتی زانکۆیی دەکات تاوەکو ئێستا بەردەوامە و پلەی زانستیشی(پڕۆفیسۆر)ه و بەرهەمە چاپکراوەکانی(14) کتێبی جۆراوجۆری لەبوارەکانی(زمانناسی و مێژوی زمان و ئەدەب و کێشەی کەرکووک و کێشەی کورد و مێژوی نەورۆز و دوو دیوانی شیعر)دا نوسیوە لەگەڵ چەندین وتار و لێکۆڵینەوە لە بوارەکانی(زمانناسی و سیاسی و مێژویی و پەروەردەیی و ئاینی زەردەشتی و ڕۆژنامەگەری و زمان و بیرکار)یدا.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 15,539 car hatiye dîtin
Raya xwe li ser vî babetî binivîsin!