بەناوی خوای گەورە
کۆچی ناوەختی هونەرمەندی ناسراوی شاری #سلێمانی# و کەسایەتیی نیشتمانپەروەری کورد (#ئاسۆ عومەر سوارە#) لەدڵەوە خەمبارو نیگەرانی کردم.
لەم بۆنە خەمناکەدا، پرسە و سەرەخۆشی ئاراستەی خانەوادەو سەرجەم خزمان و ئاشنایان و دۆستانتان دەکەم و خۆم بە هاوسۆز و هاوبەشی خەمتان دەزانم.
کاکە ئاسۆ، ڕۆژانێک لەرێگەی هونەرەکەیەوە، ئێمەی دەبردەوە بۆ زەمانی شاخ و ڕوحی گیانفیدایی و خۆبەختکردنمان لەپێناو خاک و ووڵاتدا بە بەر دەکردینەوە، بەر لەکۆچکردنیشی لەرێگەی میدیاو، وەک ڕاگەیاندکارێک ئاشنای چەندین بیرەوەری و گێڕانەوەی ژیانی هونەرمەندان و کەسایەتیە ناسراوەکانی شاری سلێمانی و کوردستانی کردین.
کۆچی ناوەخت و ناوادەی ئەو هونەرمەندە، خەمێکی قووڵەو کەلێن و خەسارەتێکی گەورەیە.
خودای گەورە گیانی بخاتە بەر دلۆڤانیی خۆی و دڵنەوایی کەس و کارو هاوڕێ و هونەرمەندان بداتەوە.
شۆڕش ئیسماعیل
#30-12-2019#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,140 car hatiye dîtin
Raya xwe li ser vî babetî binivîsin!