ڕووداوەکانی ئەم دواییەی #کەرکووک# و قائیم و بەردەم باڵیۆزخانەی ئەمەریکا لە بەغدا، ئاماژەن بۆ ئاڵۆزبوونی زياتری بارودۆخی عێراق و کردار و پەرچەکرداری چەندبارەی بەدوای خۆیدا هێنا، هەر لەو سۆنگەیەوە ئەو هەنگاوانە ڕەتدەکەينەوە کە لەسەر خاکی عێراق تەسفیەی حیساباتی وڵاتان بکرێت و سەروەریی عێراق پێشێل بکرێ کە لە ئاکامدا سەردار قاسم سولەیمانی فەرماندەی فەیلەقی قودس و ئەبو مەهدی موهەندیس جێگری سەرۆکی دەستەی #حەشدی شەعبی# و هاوڕێکانیان بوونە قوربانی کە هەردووکیان ڕۆڵی بەرچاویان لە شەڕی دژ بە تیرۆریستانی #داعش# لە چەند ساڵی ڕابردوودا هەبوو.
نابێ عێراق بکرێتە گۆڕەپانی یەکلاکردنەوەی ململانێی وڵاتان. داوا دەکەین کێشەکانیان بە گفتوگۆ چارەسەر بکەن و ڕێز لە عێراق و سەروەرييەکەی بگيرێت. بەردەوامیی ئەم ئاڵۆزی و کردار و پەرچەکردارانە، عێراق و ناوچەکە بەرەو هەڵدێر و ئاییندەیەکی نادیار دەبات و دەبێتە هۆی زیندووکردنەوە و بەهێزکردنی هێزە توندڕەو و تیرۆریستەکانی وەک داعش.
لەم دۆخە ئاڵۆز و هەستیار و مەترسیدارەدا، داوا لە هەموو لایەک دەکەین ئەوپەڕی دانبەخۆیاندا بگرن و ڕێگە لە پەرەسەندنە مەترسیدارەکان بگيرێت.
سەرۆکايەتيی هەرێمی کوردستان
03-01-2020
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 5,000 car hatiye dîtin
Raya xwe li ser vî babetî binivîsin!