نامۍ: خانای قوبادی
ساڵۊ مەرڎەی: 1847ز.
یاگۊ پېڎابییەی: دەرنێ
ھۊنیەر خانای قوبادی، چە ناوچەو دەرنێ پېڎابییەن، چە خېزانېۋی خوڼەۋارەنە پەرۋەرڎە کریان، پەی وەنەی بە زاڕۊڵەی پەی لاو مەڵاکا (ھۆرامان)ی بریان. دماتەر چە شارو (سنە)ی بە وەنەی بەردەۋامییش دان، فرە ناوچۍ کورڎەسانی گېڵان. چە ئەرەنییای ھۊنیێ شېۋەو گۊرانینە مامۊسا بییەن، چڼ ڕازۍ و داستانېش بە شېۋەو ھۊنیێ نۋیستېنېۋە، چانېشا: شیرین و خەسرەۋ، یوسف و زڵېخا، لێلا و مەجنوون، ئەسکەڼەرنامە، حۆت بەندو خانای و دیۋانو خانای.
خانای قوبانی یۊ بییەن چە ئا ھۊنیەرا کە بە ئازاڎی گەلو کورڎی گرنگییش دان و ئا ھەستە دلۍ ھۊنیاکاشەنە بەرگنۊ، بە کورڎی و زۋانی کورڎیی شانازیش کەرڎەن، پەی گەلی و کۊمەڵۍ ڕابەرېۋی داڎپەرۋەرش ئارەزوو کەرڎەن، چە ھۊنیێۋەنە ۋاتەنش :
ئەر ڕژیمی کۊمەڵایەتی پېناۋۊ قازانجو کۊمەڵېنە بۊ،، زەمین بۊ بە بەھەشت، بە پېچەۋانەیچۆ وڵات وېران بۊ و خەڵک مەحەسیۊۋە
ھەرپاسە، چە بارەو زۋانی کورڎیی ۋاتەنش:
ھەرچەن مەواچان فارسی شەکەرەن
کوردی جە شەکەر بەڵ شیرین تەرەن
یەقینەن جە دەور دونیای پەڕ ئەندېش دڵشاڎەن هەرکەس وە زوان وېش.[1]