#باگردێن# لە ئیدیۆمی کوردیدا
باگردێن یان باگردان، شتێکی قورسە چ لە دار یان بەرد دروستکراوە، لەکاتی زستاندا زیاتر لە کوێستان و ناوچە شاخاوییەکاندا، لادێنشینان لە شەوانی بەفر و بارانی زستاندا، سەربانەکانیان پێ پەستاوەتەوە و ماڵیووە چ بەفرەکەی سەری لاببرێت، چ کون و کەلەبەری سەربانووەکە نەمێنێت، ئه و باگردێنە شێوەی لولەییە لە هەردوو سەرییەوە بە ئاسنێکەوە بەستراوەتەوە و باگردێنەی پێ ڕادەکێشرێت و هەموو سەربانەکەی بست بە بست پێ دەگێڕدرێت، ئەوە بووە بە ئیدیۆم و ئەگەر کەسێکی خراپ و بەدگۆ و ناڕەسەن لەسەر هەموو کەسێک پاشەملەی هەبێت و زەم و زەمکاری هەموو کەسێک بکات و جیاوازی لە نێوان خزم و خوێش و دۆست و هاوسێ و دراوسێیان نەکات، شەلم کۆرم ناپارێزم و هەڵیت و پەڵیتان بڵێ و زمانی وەکو باگردێن بەهەموو لایەکدا بسوڕێنێت وخەڵکی پێ بپەستێ و بکوتێت و سەرکۆنەیان بکات، بە تەوسەوە پێی دەوترێت: باگردێنە بە هەموو خەڵکی دەگرێت، یان زمانی باگردێنە و بە هەموو لایەکی دەسوڕێنێت، هەروەها وتراویشە: #لینگی بە باگردێندا شۆڕبۆتەوە#، هەر لە کوێستانان ئه و ئیدیۆمە بەکارهاتووە، ئه و کیژەی کە تەمەنی پارچەرە-پاچەڵە بووە، کاتێک له سەر باگردان دانیشتووە هەردوو قاچی گەیوەتە سەر زەوی وتراوە تەواو کاتی شوو و مێردیەتی، لە گەرمیان و پێدەشتەکان ئیدیۆمیتر وتراوە: بۆ نمونە لە شوان و شێخ بزێنی وتراوە: ئەگەر کیژ چووە بەر ئاوێنە، وەختی شوویەتی، یان لەهەندێ ناوچەی وراتی کۆیە دەوترێت: هێلکە و ڕوون بزانی کاتی مێردیەتی، یان لە هەولێرێ وتراوە: تەنکەی ئاوێ لە سەر ئاوێ بهینتەوە، لەسەر باگردێن ئیدیۆمی تریش هەیە بۆ ڕق و سووک سەیرکردن و بێزاری دەربڕین بەرامبەر بە کەسێکی گەڵحۆی بێ فەڕی تەمبەڵ و تەوەزەڵی کەفەڵ زڵ و گەورە و قوون پان دەوترێت: قوون باگردێن. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,535 car hatiye dîtin
Raya xwe li ser vî babetî binivîsin!