Dayikên gerîla û şêniyên QamişloQamişloyê li hember êrişên kîmyewî yên dewleta Tirk a dagirker li dijî gerîla, hêrsa xwe anîn ziman û got: “Bila dagirkeriya Tirkdagirkeriya Tirk nefikire ku dê Kurd xilas bibin. Şervanekî me şehîd bibe em ê bi sedan li şûna wî bidin.”
Carek din dewleta Tirk a dagirker bi hişmendiya xwe ya tunekirina gelê azadîxwaz bi polîtîkayên xwe yên qirêj gerilayên azadiyê kirin hedef.
Fermandariya Biryargeha Navenda Parastina Gel di dîroka 18’ê Cotmeha 2022’an de nasnameya 17 şervanên wan di êrîşa bi çekên kîmyewî ya dewleta Tirk a dagirker de şehîd bûne, eşkere kirin.
Li himber vê hovîtiya dewleta Tirk gelê kurd û dostên xwe li her çar parçeyên kurdistanê û derveyî welat helwesta xwe dan nîşandan. Di heman demê de dayikên gerila û şêniyên bajarê Qamişlo hêrsa xwe li hember şehîdxistina 17 gerîlayên azadiyê bi çekên kimyawî ji aliyê dewleta Tirk a dagirker û hevkariya PDK’ê ve anîn ser ziman.
Dayika şervana YJA Starê Nejbîr Qamişlo, Leyla Keleş der barê şehadeta 17 gerîlayan de axivî û got: “Em sersaxiyê ji malbatên şehîdan re dixwazi. Ger 17 gerîlayên me şehîd bûn, bila gerîla zanibe em wek dayik gerîlayên xwe bi tenê nahêlin. Dawiya Erdogan tê û rojên wî kêm mane. Balafirên Erdogan ên bêmirov hêza me nikare bişikîne, dewleta Tirk ji hêza me ditirse. Em ê li şopa rêya şehîdên xwe bin, li ser fikir û felsefeya rêberê xwe bin.”
Şêniya Qamişloyê Şadiya Omer got: “Dewleta Tirk di şexsê gerîla de dixwaze gel tune bike, lê em wek gel li pişta gerîla ne û em qebûl nakin ku axa me were dagirkirin. Banga me ji hemû gelê cîhanê re heye ku helwesta xwe li hember dagirkeriya Tirk nîşan bidin. Kesên ku helwestê nîşan nadin hevalbendên dewleta Tirk in.”
Dayîka bi navê Hedya Mûsa jî wiha axivî: “Şervanên ku Erdogan bi çekên xwe yên kîmyewî şehîd dixin, giştî zarokên me ne. Em hemû piştgiriya zarokên xwe dikin, em vê êrişa dewleta Tirk a dagirker ku bi çekên kimyewî 17 lehengên me şehîd xistin, şermezar dikin.”
Hedya Mûsa gotina xwe wiha bi dawî kir: “Dijminê xwînxwar dibêje ez ê dayikên Kurdan kezebşewitî bikim û ez ê gerîla tune bikim. Wek dayikên gerîla heta dilopa xwîna xwe ya dawî em li pişta şervanên xwe ne. Şervanek me şehîd bibe em ê bi sedan daynin şûna şervanê xwe. Ger îro bê xwestin em ê biçin serê çiyayên azad li kêleka şervanên xwe bin.”
Welatiya bi navê Fatma Tahir jî êrişên dewleta Tirk şermezar kirin û got: “17 gerilayên me bi çekên kîmyewî şehîd kirin. Ger yek ji me şehîd bibe, em bi hezaran amade ne ku axa xwe biparêzin. Hêza gerîlayên me naşike, em wek gel li kêlek gerilayên xwe ne, em soz didin em ê riya gerilayên xwe bişopînin.”
He wiha dayik gerîlayên tevgera azadiyê yên bi nave Çekjîn û Agirî Qamişlo, Qesîda Hecî Hesen wiha axivî: “2 zarokên min li çiyayên azad in, em li kêlek zarokên xwe ne. Gerîlayên me bê sûc û sebeb tên şehîdxistin, heta ku yek ji me heye, em ê rêya van qehremanan bişopînin. Bila dewleta Tirk nefikire ku dê Kurd xilas bibin. Yek şehîd dibe bi dehan şervanên din radibin. Em tu caran pişta zarokên xwe bernadin, heta dilopa xwîna me hebe em li pey rêya zarokên xwe ne.”[1]
ANHA