Roja 4`an a 6`emîn #Pêşangeha Pirtûkan a Şehîd Herekol# bi îmzekirina pirtûkekê li ser dîroka kurdan, lidarxistina pêşbirkên çandî û çalakiyên hunerî bi dawî bû. Îro gelek kesayetên siyasî, hunerî û rewşenbîrî serdana pêşangeha pirtûkan a şehîd Herekol kirin.
Di roja 4`an de, di beşa weşanxaneya Şilêr de, şahiya îmzekirina pirtûka bi zimanê kurdî bi navnîşan Dîroka kurdan di Sûriye de, beşa duyem a nivîskar Faris Osmam hat lidarxistin û pirtûk bêpere li ser mêvnan hat belavkirin.
Di pêşangehê de pêşbirkeke çandî ji aliyê nivîskar Ebûd Mexso ve hat lidarxistin û tê de pirsên dîrokî û çandî hatin pirskirin.
Roja 4`an bi lidarxistina şahiyekê bi dawî bû ku hunermend Kawa Kalo beşdar bû.
Pêşangeh ji seat 10:00`an heta 20:00`an tê vekirin. Her wiha biryar e ku pêşangehê heta 29`ê Cotmehê bidome[1]
ANHA