$AVA$
Weke yekemîn weşanxane li #Kobanî#yê rêdan wergirt û di 01.08 .2019an de dest bi karê xwe kir.
Ev yek wek pirojeyeke çandî û vejiyanî ye, ku ji hundirê şer û wêranê derdikeve û dixwaze çanda pirtûkê û xwendinê belav bike çi ku rewşek û pêdivîyeke civakane payebilind e.
-Navend: Sûriya – Kobanî
- Weşanxane ISBN ji Danîmark wergirtî ye.
-Weşanên xwe bi zimanê kurdî û erebî li dewletên cîhanê belav dike, û rê li ber zimanên gelên sûrîyayî yên dîtir, her wisa yên ingilîzî jî vekirî ye.
$* Pênaseya AVAyê$
Weşanxane ye, wateya wê bi zimanê erebî Avakirin e, piştî ku hêzên tarîtiyê hemû deverên Sûriyayê bigiştî, û Kobaniyê bitaybet wêran kirin, me xwest navê (AVA)yê li weşanxaneyê bikin, an ku avakirin, çiku em di wê baweriyê de ne ku tîp dikare li himberî şer be, û her wisa wêje dikare li himberî wêraniya ku gihaştiye mirov û kevir be.
$* Pirojeya AVAyê$
- Weşanxaneya AVAyê hewil dide ku bibe pirek di navbera çandên herêmê de da ku gotûbêj û hevnêzîkatiya hizrî bibe pirên aştiyê di rêya gotinê re.
- Weşanxane erka prosêsa propoganda bo nûjentiya hizrî û geşepêdana civakane ya çandî digre ser milê xwe, her wisa dixwaze ku cihekî xwe di dozên çandî û hizrî yên gelên herêmê de çêbike û balê bikşîne ser dozên demoqratî, lihevpexşîn, jîngeh, geşepêdana ramanî, jin û mafê zarokan jî.
- Hewil dide boçûnên bi armanc û ciwanên behremend bigre nav xwe, û dixwaze berhemên bijardegeriya ramanî ya herêmê bikşîne bi aliyê xwe ve.
$* Pirojeyên AVAyê$
- Mijarên weşanê yên ku guh dide wan ev in:
• Kultûrê gelên sûrîyayê
• Wêjeya zarokan
• Lêkolîn
• Werger
• Nivîsên hizrî
• Nivîsên wêjeyî
• Vekolîn
- Pirtûkxaneya AVAyê ya xwendinê.
- Pirojeya malbenda AVAyê.
- Lidarxistina semîner û rûniştinên çandî bi şêweyekî domane.
- Lidarxistina workşopên hînkirina gêncan hunerên nivîsandinê.
$* Ji bo belavkirinê:$
-Daxwaz
Ji bo çapkirin û belavkirina pirtûkekê divê ev agahî di daxwazê de hebin:
1- Agahiyên pênasînê yên taybet bi nivîsakr û pirtûkê: Nav û nasnav, numerya telefonê, email, navnîşan, celebê nivîsê, sernavê pirtûkê, û bi forma Wordê li ser vê emaila weşanxaneyê bê şandin Avaweshan@gmail.com
(Cv)ya nivîskar, çi kesek be yan jî komek be.
2- Şandina kurtenivîsek li bara pirtûkê ku ne bêhtirî 500 gotinî be.
-Berhema romanê divê kurtenivîsa wê ne bêhtirî 1000 gotinî be.
3- Divê yê nivîskar an ê wergêr sozê bide ku pirtûka xwe neşîne ji weşanxaneyek din re heta ku komîteya xwendinê ya weşanxaneya AVAyê bersiva erê ya na bide wî.
$Berhemên wergerandî:$
•Daneya nivîsa resen a ku ji ber hatiye wergerandin û erêkirina wergerê ya danerê pirtûkê yan weşanxaneya ku ew belavkiriye bê pêşkêşkirin.
• Pêşkêşkirina belgeya (merc) an jî mafnexwestin ku li gorî qanûnê ji danerê pirtûkê yan jî weşanxaneya ku pirtûk belavkiriye bê îmzekirin.
- Kar:
1- Bersiva wergirtina pirtûkê di rêya emaila fermî re tê dayîn, û dema bersiva erêkirin an nakirinê du meh in ji dîroka berisva wergirtinê.
2- Pirtûk diçe ber destê komîteya xwendinê ya weşanxaneyê, ew birayra erêkirnê yan jî lêbexşînê dide.
Çaxa ku erêkirin bo çapkirin û belavkirinê nebe weşanxane ne pabend e ku sedema retkirinê diyar bike.
3- Bersiva erêkirin an nakirina çapkirina pirtûkê di du mehan de ji dîroka şandinê ve tê dayîn. Ji mafê daner e ku pirtûka xwe bişîne weşanxaneyeke din heger du meh bi ser şandina wê derbas bibe bêyî ku ti berisvê werbigre.
4- Sebartî pirtûkên ku bên erêkirin pêwendî di navbera daner û weşanxaneyê de çêdibe ji bo şirovekirina hûrgiliyên hunerî û diravî.
5- Weşanxane xwe dide ber lidarxistina rûniştinên îmzekirinê yên weşanên xwe, li hundir û derveyî Sûriyayê, li gorî peymana di navbera daner û weşanxaneyê de.
$Têbînî:$
• Yê daner berpirs e di ber naveroka pirtûka xwe de, ji aliyê mafê weşan parastinê
• Dema gerek a deranîna çi pirtûka ku erê li ser bûye 6 meh in, tenê heger mercine taybet hebin ku paş re di peymanê de tê destnîşakirin.
• Çaxa ku pirtûk hate erêkirin, yê daner pabend e ku peymanê li gorî mercên liserhevkirî ji her du aliyan ve, îmze bike.
• Heger belgeyek an jî dosyeyek kêm be dê berhem neçe ber destê komîteya xwendinê.[1]