مەڕەش یاکوو ب تورکی ناڤێ وێ هاتییە گوهرین ژبو کەهرەمانماراش، ئیک ژ پارێزگەهێن کورد نشیننێن باکوورێ کوردستانێ یە کو باژێری گورگومە دبیتە سەنتەرا ڤی پارێزگەهەی.
دیمۆگرافیایا پاڕێزگەها مەڕەشی بڤی شێوازەیە:
لدیف سەرژمێرییا ساڵا 2009ێ کو ل تورکیایێ هاتە ئەنجام دان ڕێژەیا ڕونشتڤانێن ڤی پارێزگەهەی 1.037.491 کەسن، پانتاهیا وێ 14.327 کم2، کو د هەر کیلومەترەکە دووجار دە 4272 کەس ئاکنجینە.
ژئالیێ کارگێری ڤە ژمارا دەڤەرێن وێ 10، ژمارا باژێرۆکێن وێ 64 و ژمارا گوندێن وێ 476 ن کو سەر ب مەڕەشێنە.
ب مخابنیڤە د ڕوژا 06-02-2023 د دەمژمێرێن بەرەبەیان و زڤستانەکە سار دە ئەردهەژەک ب هێزا 7.4 ب پلەیا ڕێختەرێ ل ڤێ دەڤەرێ دا و خانی و باڵەخانە و تەڤایا دەڤەرێن چاردۆرا وێ وێران کرن کو هەتا ڤێ دەمەی پێتری 8574 کەسان ژ پیر و کال و زارۆکان لە ڤێ دەڤەرێ و تەڤایا دەڤەرێن تورکیێ کو کەتنە ناڤا بازنەیا ڤێ ئەردهەژێ گیانێ خوە ژدەست دایە و پتری 11 هزار کەسان بریندار بووینە و ڕوژ ب ڕوژ بەرەڤ زێدەبوونێ دچە و ل بلی زیانا گیانی زیانەکە زوورا مادی ژیک بەر ڤێ دەڤەرێ و ڕونشتڤانێن وێ و تەڤایا وەڵاتیێن تورکیا کەتییە.
ئامارێن نەفەرمی دبێژن کو 80٪ باژێڕێ مەڕەشی ب سەدەما ڤێ ئەردهەژێ خاپوور بوویە، هندەک چاڤکانی ئێماژا ئەڤێ یەکێ دکەن کوو سەدەما ڤێ ئەردهەژێ دڤەگەڕت بوو وێ سەدەیا کو دەسەڵاتدارێن ترک ل سەر هەردوو ڕووبارێن باکوورێ کوردستانێ دیجلە و فوڕات چێکرینە کوو بوویە ئەگەرا بارگرانییەک زێدە، هەروەسا ڕەخنەیەکە زوو ژ دەسەڵاتدارێن تورکیێ تێ گرتن کوو وەکە پێدڤی ژبوو ڕزگار کرنا ئەوێن کوو دبن ئاڤاهییان دە ماینە نەهاتینە دەنگ و ب هەوارا وان ڕە نەچووینە.[1]
Ev babet bi zimana (کرمانجی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانێ (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
Ev babet 1,006 car hatiye dîtin
Raya xwe li ser vî babetî binivîsin!