عوسمان بایدەمیر سەروکێ شارەدارییا باژێڕێ #ئامەد# یا #باکوورێ کورستان#ێ بوویە و پشترە بووەیە پەرلەمانتارێ ڕوها د پارلەمەنتۆیا تورکیایێ دە، تورک دبێژن کوو عوسمان بایدەمیر ئۆجەلانێ ددوویێ یە.
خەڵکی ئامەدێ یە و ل #01-01-1971# ژدایک بوویە، پارێزەر و چالاکڤانەکە ئەکتیڤە د بوارێ مافێن مرۆڤان ل وڵاتێ تورکیایێ، بایدەمیر دەربارێ زارۆکینیا خۆە دبێژیت ئەز کوو چوومە قوتابخانێ من گەلەک زەحمەتی و دەردەسەری دیتییە، من زمانێ تورکی نەدزانی و ب زەربا لێدانا و ئەزیەت دانێ ئەز فێری ڤی زمانەی دبووم.
عوسمان کۆلیژا یاسا ل زانینگەها دیجلە یا ل باژێڕێ ئامەدێ تمام کرییە، ل ساڵا 1999 ئان دە پشتی کوو #عەبدەڵلا ئۆجەلان# هاتییە دەستەسەر کرن بایدەمیر ئێک ژوان پارێزەران بوو کوو ئامادەییا خۆە ژبو بەرگری کرنێ ل ئوجەلان و کەیسا وی نیشان دا. لە ساڵا 2003 ئان دە ژبو ماوێ شەش مەهان ب مەرەما فێربوونا زمانێ ئینگلئزی سەوفەرا ویلایەتێن ئێکگرتیێ ئەمەریکایێ کر و ل هەلبژاردنێن شارەداریێ تورکی یێ دە کوو ل ساڵا 2004ێ بڕێڤەچوو، ڕێژەیا 67% یا دەنگان ل باژێڕێ ئامەدێ بدەست خوەڤە ئیناندن.
بایدەمیر و ئەو تیما گەنجێن کوو تەڤرا دکوشن ب بێ دوو دلی تەکەزێ لسەر گرنگییا خەباتا مەدەنی ژبو بدەست ئانینا مافێن دەنگدەرێن خوە و بەرنگار بوونا دەولەتا تورکیایێ دکەن، ژبەر کوو سیاسییەکی زیرەک و ژێهاتییە ب ناڤەندەکە هێزەکە نوو یا سیاسی و خەباتا مەدنی ل کوردستانا باکوورتێ هەژمار کرن. ب تایبەت کو ڕوژ بو ڕوژێ ئامەد گرنگییەکە مەزنتر ب خوەڤە دەبینیت و گەلەک ل کاربدەستێن بیانی کوو سەردانا تورکیایێ دکەن و دچنە ئەنقەرە و ئیستانبولێ و پشتڕە سەردانا ئامەدێش دکەن.
ئێڤارییا ڕوژا #12-11-2017# ل فروکەخانەیا ئیستانبولێ ژ ئالێ دەسەلاتدارێن تورکیایێ هاتە دەستەسەر کرن و پشتڕە ل ڕۆژا #19-04-2018 # مافێ ئەندامەتییا پەرلەمانێ د پارلەمێنتۆیا تورکیایێ ژێ هاتە زەوت کرن.[1]