بۆ #عەبدوڵڵا پەشێو#
ئەگەر هاتی تەنیا مەیێ!
بە خۆم پەستم لە تەنیایی
کە هاتی لەگەڵ خانی و جزیری وەرە
چاوەڕێتن گەنجانی شار
بۆ چامە، هەڵبەست، هۆنراوە
ئیتر بەسە، باسی پارە
مووچە، هاتن و چوونی
هەولێر و بەغدا
کە هاتی بە شیعرێکی ناسک وەرە،
بەڵام هی ئێستا نا،
بەڵکوو پڕ لە خۆشەویستیی
ساڵانی حەفتا وەرە
دڵ و دەرونی پڕ دووکەڵمان
پاککەرەوە
بە هەڵچوونەوە وەرە
داڵغەکانمان بپچڕێنە
ئەگەر هاتی تەنیا مەیێ!
لەگەڵ حاجی و دڵدار وەرە
بە دەنگی بەرز و
هات و هاوار وەرە،
بۆ سیاسەت نا،
بۆ نیشتمان وەرە
بۆ مەجلیس نا
بۆ کۆڕێکی پڕ لە جوانیی و
متمانە وەرە
بێزار بووین،
لە هەواڵی دووبارە
لە قسەی دووبارە،
لە شەڕی دووبارە
لە گەمەیی دووبارە
لە شیعری دووبارەش،
بەڵام هەمووی نا
چونکە دوو جۆرن
هەندێکیان عاشق و
هەندێکیشیان هەرزان فرۆش
ئەگەر هاتی تەنیا مەیێ!
ئێمە دەمێکە تەنیاین
لەگەڵ وشە و شیعر وەرە
لەگەڵ سرودێکی ئاگرین وەرە
ناوی نووسەر: #باهۆز مستەفا# [1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 749 car hatiye dîtin
Raya xwe li ser vî babetî binivîsin!