Diyar e Ku Kêşeya #Sûriyê# Ber Bi Dawî Ve Diçe
Luqman Silêman
“Dibêjin ku lihevkirina herêmî û bi pîrozkirina Emerîka li ser destêwerdanên di Sûrî de çêbûne, ew jî ji du rexan ve ye: Yek jê Tirkiyê ye, ji Başûr ve wê derbasî Sûriyê bibe, û ya dî hin Welatê Kendavê û Urdinê ji hêla Der’a yê ve wê derbasî Sûriyê bibin”
Li gor agahiyên ku ji nava leşkerên azad û Hemahingiya Sûrî ji rexekî ve, û ji rexê dî pirojeyên ku li deverê serî hildidin, wê di vê havînê de çareyek ji kêşeya Sûrî re were dîtin, yan wê dawî li kêşeyê bînin, ew jî li gorî berjewendiyê xwediyê biriyarê, çi li ser asta cîhanî û çi li ser asta deverê derkeve holê.
Tê gotin ku piştî helbijartinên Tirkiyê û nexasim heger ku partiya Ardogan bi ser bikeve û bikaribe hikumetek nû ava bike, ji rexê din ve roniştina Qiralê nû yê Erebistana Si`ûdî Selman li ser desthilatdarê, û ji rexê din ve pêkanîna hêzek Erebî hevbeş û “Bablîsoka idayî ” li Yemenê û ji rexê din ve jî lihevkirna Eyranê û welatên Ewropî û Emerîka li ser pirojeya wê ya kîmiyawî, heger ku mirov van xalan tevan bi hev girêbide dawî li kêşeya Sûriyê Tê.
Dibêjin ku lihevkirina herêmî û bi pîrozkirina Emerîka li ser destêwerdanên di Sûrî de çêbûye, ew jî ji du rexan ve ye: Yek jê Tirkiyê ye, ji Başûr ve wê derbasî Sûriyê bibe, û ya dî hin Welatê Kendavê û Urdinê ji hêla Der’a yê ve wê derbasî Sûriyê bibin. Li vir xalek giring heye gelo wê Kurd li ku derê bin? Pirsa hate kirin ji xelkê nêzîkî ciyê biriyarê, gelo heger bi rastî Tirk derbasî Sûrî bibin ji hêla Başûr ve wê çawe têlikî bi hêza Kurdȋ ya li ser erdê bibe? Ji ber ku bê Kurda derbasbûna Tirkiyê wê zor be, helbet wê Kurd li ber xwe bidin û hêza kurdan ne hindik e? Careke dî li gor wan çavkaniyên nêzîk ji biriyarê ku di pirojeyê de heye yek jê wê Tirkiyê li Hêzê Yekîneyên Parastina Gel(YPG) bixin û pê re jî wê li Rêxistina Da’iş bixin.! Hema heger li gor wan çavkaniyan ku Tirkiyê ji Emerîka re gotiye heger ku hûn destûra min nedin ez li hêza (YPG) bixim, ez li Da’iş jî naxim!? Wisa tê xwendin û gotin ku Emrîka erȇya xwe daye Tirkiyê! Û li ser vê bingehê ew hevpeymana deverî çêbûye lê çavkeniyeke din dibêje: Na, Emerîka ji Tirkiyê xwestiye ku ew çareyekȇ bibîne, anku nabe ku ew şerê (YPG) bike, pêwîst e ku livhatinek çêbibe.! jiber ku (PKK) partiya dê ya hêza ( YPG) ye, û ew êdî nerînên nû ji bo çareserkirina pirsa Kurdî dide pêş. Û Emrîka dibîne ku êdî hew tirs ji vê mijarê re heye. Lê gelo ma ku bi rastî ew peymana herêmî li gor wan çavkaniyan biriyara destêwerdana Sûrî erê kiribin, wê bê erêkirina herêma Kurdistanê be? Yan wê bi erêkirina wê be.! û heger ku ne bi-erkirina wê be wê helwesta herêmê çi be? Ev jî di rojên werin de wê bên diyarkirin!. Hate diyarkirin û eşkerekirin li ser hemû ragihandina cîhanî ku çawa piştî demakî ji mana Zehran Eloş li Tirkiyê û di pey vegera wî ji bo li Sûriyê, û merşa leşkerî ku li Xotayê çêkir. ev diyar dike ku careke dî guhdan û alîkariya çekdarî bi Eloş û hevalbendê wî re tên kirin, loma jî serkeftinan li dijî rêjîmê lidar dixin, û ber bi Şamê de jî diçin. Duh çavkaniyekî ji Laziqiyê got ku Beşar Elesed hatiye li Tertȗs bi cî bûye û beriya niha jî ev gotin derket ku Eyraniya ji Beşar xwestiye paytexta xwe bibe Tertȗsê. Lê dema ku ji wan çavkaniyan li nêzîkî ciyê biriyarê tê pirsîn ma wê rêjîm were rûxandin yan wê Sûriya ber bi parçebûnê ve here? Ew bersivê bi du rengan didin, ji ber her ew gava vegerê ji xwe re dihêlin, loma dibêjin îro Sûrî parçe ye lê li benda biriyareke navnetewî ne. lê dema ku mirov kiriyarên li ser erdê pêk tên pişopîne diyar dibe ku ew parçekirin li ber çavê mirov e. Ji rexekî din ve tê gotin ku rêjîmê ji hemû Elewiyȇn xwe xwestiye di demeke nêz de xwe li Laziqiyê û devera beravê bigrin, ji lewma jî gotinê wan çavkaniyan vê carê ser bi rastiyê de diçin ku ew e dawî li kêşeya Sûriyê tê, lê ya ji vê tevî giringtir ew e ku Kurd bibin yek, heger ku rêjîm hat rûxandin, yan welatê Sûriyê hat perçekirin, û yan jî destêwerdanek nevdeweletî çêbû, divê Kurd heyedar bin, lîstokên mezin çêdibin..!?
[1]