ئەمە کە دەیبینن، بنەماڵەی #کۆچەر بیرکار#ن، یەک لە بەناوبانگترین زانایانی بواری بیرکاری (ڕیازی)ی جیهان، براوەی خەڵاتی فیڵدز (مەزنترین خەڵاتی بیرکاریی جیهان) و ئێستا 2025 پڕۆفیسۆری وانەبێژ و لێکۆڵەرە لە زانکۆ گەورەکانی جیهان. لەم ڤیدیۆیەدا بە بۆنەی فستیڤاڵێکی فەرهەنگیی زانکۆی شینهوای چینەوە (بەرزترین زانکۆی وڵاتی چین و یەک لە پازدە زانکۆی مەزنی سەر ئاستی جیهان) خەریکن لەگەڵ هاوسەرەکەی و کوڕەکەی گۆرانییەکی کوردیی مامۆستا دیلان دەڵێنەوە. کەسێک لە گوندێکی #مەریوان#ەوە، کە ئێستا لە بەرزترین ئاستی زانستی جیهاندایە و نەک هەر نوێنەرایەتیی زانستی کوردی، بەڵکوو نوێنەری چاند و فەرهەنگ و زمانی کوردیشە. کەسێک کە منداڵەکەی لە دەرەوەی کوردستان لە دایک بووە، بەڵام فێری کوردیی کردووە، ناوی کوردیی لێ ناوە (زانکۆ) و جلی کوردیی کردووەتە بەر. کەسێک کە هاوسەرەکەشی کورد نییە (تایلەندییە و لە زانکۆ یەکتریان ناسیوە) بەڵام ڕێز لە زمان و فەرهەنگ و جلی کورد دەگرێ و لەم ئەرکەدا هاوشانێتی. ئەمە هەڵوێستی مرۆڤی ژیرە. ئەمە زمانپارێزی و خۆشەویستییە. ئێستا دەکرێت ئەمە لەگەڵ هەڵسوکەوتی ئەو هەزاران کەسە هەڵسەنگێنین کە لە کوردستانن، کەچی ناوی سەیروسەمەرە لە منداڵەکانیان دەنێن. شەرم دەکەن جلوبەرگی خۆیان بپۆشن. لە کوردستانیشن و هەر ڕۆژە و دەیان وشەی سەیروسەمەرە دێننە زمانەوە و سەقەت قسە دەکەن. هیچ ئەرک و ئامانجێکیان نییە و کاتیان یەک لە سەدی هیی لێکۆڵەرێکی وەک بیرکاریش گرینگ نییە، بەڵام دەڵێن دەرفەتمان نییە فێری نووسین و خوێندنەوەی زمانی خۆیان بن. یا دەڵێن کەڵکی چییە؟
لەوانەیە هەموومان نەتوانین وەک کۆچەر زانایەکی جیهانی بین، بەڵام خۆ دەکرێت هەموومان وا ژیر و ئاگا و بەسوود بین بۆ زمان و فەرهەنگی نەتەوەکەمان! کە تێ بگەین هەر کام ئەرکێکمان لەسەر شانە بۆ پاراستنی. ناکرێ؟ [1]
Ji bo nîşandana vîdyoyê bitikînin Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 822 car hatiye dîtin
Raya xwe li ser vî babetî binivîsin!