‘Pêwîste Netewên Yekbûyî alîkariya Rêveberiya XweserRêveberiya Xweser bike’
Birûc Resûl/Qamişlo

Şêxmûs Ehmed destnîşan kir ku li beramberî tevahî şert û mercên dijwar Rêveberiya Xweser bi erka xwe ya mirovî radibe û wiha got, “Pêwîste hemû rêxistinên navnetewî bi erkê xwe rabin û piştgirî bidin Rêveberiya Xweser, ji ber ku ev erkekî mirovî ye.”
Di çarçoveya siyaseta dorpêça hikumeta Şamê û dewleta Tirk a dagirker li ser herema Bakur û Rojhilatê Sûriyê, rêbaz û pilan li ser gelê heremê tên meşandin. Yek ji wan siyasetan jî qutkirina alîkariya mirovî ye, bi taybet li ser gelê ku li kampan de dijîn. Wek tê zanîn ku di herêma Bakur û Rojhilatê Sûriyê de 17 kampin, ji wan 17 kampan tenê 5 kamp ji aliyê Netewên Yekbuyî ve bi fermî tê naskirin. Her wiha 12 kampên din jî tenê Rêveberiya Xweser û hin saziyên xwecihê alîkarî û destekê pêşkêş dikin.
Derbarê hazirtî û amedekariyên demsala zivistenê ji kampên li Bakur û Rojhilatê Sûriyê Hevserokê Ofîsa Karên Penaberan a Rêveberiya Xweseriya Demokratîk a Bakur û Rojhilatê Sûriyeyê Şêxmûs Ehmed ji Rojnameya me re axivî.
Hijmara kampeyên li Bakur û Rojhilatê Suriyê
Şêxmûs Ehmed di destpêka axaftina xwe de wiha got: “Rêveberiya Xweser 17 Kampên penaberan bi fermî ji hêla xwe ve bi rêve dibin. Ev kamp jî li tevahî kantonan hene, li kantona Cizîrê 6 kamep, li Dêrezorê kampeke, li Reqa Kampek, li Tepqayê 2 kamp, li Minbicê 2 kamp û li Şehba û Efrînê 5 kamp hene. Bi rastî rewşa kampan di hemû aliyan de Rêveberiya Xweser û saziyên ku di nava kampan de kar dikin pir astengî û zehmetî dikşînin, ji ber ku di nav kampan de hijmarek pir mezin ji penaberan heye û ji nav 17 kampan tenê 5 kamp ji hêla Netewê Yekbuyî ve têne naskirin û destek dayin, her wiha 12 kampên din jî bê alîkarî û destekdayina dewletên navnetewî mane. Ji ber vê yekê Rêveberiya Xweser û hin saziyîn xwecihî destek didin van kampan, lewma pir astengî û zehmetî tê kişandin.”
Astengî û zehmetî
Şêxmûs balkişand ser rewşa kampan bi hatina zivistanê re û wiha got:”Bi hatina demsala zivistanê re, em gelek guhetinan di hundirê kampan de didin kirin, wekî ku çadirên hatine qetandin û ne saxilem be, em destpêkê wan diguherin, ji ber ku dema baran were malbatên di kampan de jiyan dikin di nava avê de nemînin û çadirên wan saxlem be. Her wiha ji bo mijara tendirostiyê wekî rêxistna tendirostî ya cîhanê, di destpêka sala 2024`an xwe di nava kampan de bi cih kirin, di heman demê de mijarên perwerdê û xizmetguzarî pir zehmetî û astengî tê dîtin, wek tê zanîn ku herêma me di nava dorpêçekê de ye û ev dorpêç zehmetiyên pir mezin bi xwere tine û dibe asteng li pêşiya alîkariya penaberan. Heta Hikumeta Şamê jî rê nade ku alîkariya mirovî derbasî herêma Bakur û Rojhilatê Suriyê bibe, di heman wextî de girtina dergihê Til Koçer zehmetiya herî mizine ku nahêlin alîkarî derbasbibe. Ji ber vê yekê hewildanên Rêveberiya Xweser û saziyên xwecihî hene ku vê valatî û kêmaniyên heyê dagire, ji ber ku penaberên di kampan de dijîn gelek êş û azar dikşînin.”
Di demsala zivistanê de, rewşa kampan
Ehmed wiha berdewamî da axaftina xwe û got: “Em niha dikevin demsala zivistanê de û li gelek bajaran jî bara bariya, di her demsala zivistanê de, em konên qetiyayî yên ku zerar li wan hatiye kirin diguherin, di heman demê de malbatên ku sope ne gihîştiya wan em her sal li wan belav dikin û niha jî em hazirtiyê belvkirina sopan, cilên zarokan, sungeran, betaniyan û mazotê dikin, di destpêka miha 12`an de wê alîkarî destpêbike. Rêveberiya Xweser her ku bernameya xwe ya alîkariyê û destekdayina penaberên ku di kampan de dijîn hazir dike, lê mixabin êrişên dewleta Tirk a dagirker li ser herêmê nayê rawstandin û bi taybetî cihên xizmetguzarî dike armanc, ev jî bandorekî neyinî li ser penaberan dike. Wek tê zanîn ku elektirîk, mazot û av li ser penaberan tê qutkirin, ji ber ku cihên ku tên armanc girtin hemû cihên xizmetguzarî ne wekî nexweşxana, stasiyonê petrol, stasiyonên avê û stasiyonên elektirîkê. Ev hemî gel du wan jiyana xwe dimeşand, lê birovajî vê, gelê herêmê daketin qadan, hêrs û nerazîbûna xwe li dijî êrişên dagirkeriyê derxistin, kîn û nifreta wan zêdetir bû; ev ji bo dijmin bersifa herî xurtbû û da isbat kirin ku îrade ji her tiştî girîngtire. Ji ber vê yekê dewleta Tirk a faşîst dixwaze plan û sîstema Rêveberiya Xweser helweşîne û destkeftiyên heyî ji holê rake.”
‘Pêwîste Netewên Yekbuyî alîkarî ji bo tevahî penaberan pêşkêş bike’
Hevserokê Ofîsa Karên Penaberan a Rêveberiya Xweseriya Demokratîk a Bakur û Rojhilatê Sûriyeyê Şêxmûs Ehmed di dawiya axaftina xwe de da zanîn ku alîkariya saziyên Navnetewî ji bo penaberan pir kên û lawaze û wiha doman: “Di kongireyên ku li Biroksilê çêdibin ji bo alîkarî û destekdayina penaberan, her wiha li gorî herêmên din, herêma Bakur û Rojhilatê Suriyê pir kên alîkarî pêşkêş dikin, pir kêm û lawaz destek dayin tê kirin, li vir tê dîtin ku edalet tune ye. Ji bo çareseriyê û destekdayinekî bi wate pêwîste hemû kampên ku li herêma Bakur û Rojhilatê Suriyê xwe bi cih dikin ji aliyê Netewên Yekbuyî ve werin nasîn û bi fermî alîkariyê pêşkêş bikin. Di heman demê de pêwîste dergihê Til Koçer were vekirin, da ku alîkariya mirovî ji bo penaberan derbasî herêma Bakur û Rojhilatê Sûriyê bibe û zehmetî newe kişandin.”[1]