Êriş dibin sedema perîşaniya penaberan
Ayşa Silêman/ Qamişlo
Rêveberê Ofîsa Kar û Barên #Koçber# û Penaberan Şêxmûs Ehmed diyar kir ku ji ber êrişên dewleta Tirk a dagirker li ser binesaziya herêmê, tevahiya gelên herêmê û bi taybet koçber û penaberên li herêmê rastî zehmetiyên mezin tên.
Di derbarê rewşa penaberên ku ji Libnanê hatine Rêveberê Ofîsa Kar û Barên Koçber û Penaberan Şêxmûs Ehmed bersiva pirsên Rojnameya me da û hevpeyvîn wiha bû:
-Heta niha hijmara penaberên ku ji Lubnanê derbasî herêma Bakur û Rojhilatê Sûriyê bûne gihştiye çiqasî û amadehî û hazirî di çi astê de ne?
Hijmara giştî ya penaberên ku derbasî herêma Bakur û Rojhilatî Sûriyê bûyîn tevlî penaberên Libnanî 20322 kesin, hijmara mêran 7547, hijmara jinan 6226, hijmar zarokan6461, hijmara kesên ku cinsiya Libnanî bi wan re 88 kesin, hijmara cinaza 28. Ji destpêka aloziya Libnanê ji 24’ê cotmehê ve. Şaneya Kirîzê û hemû saziyên elaqedar ên Rêveberiya Xweser ketin amadekariyê ji bo pêşwaziya penaberan, bi taybet dergehên me yên ku girêdayî Hikumeta Şamê 4 dergeh bûn, ew jî hatin vekirin, ji bo rehetiya derbasbûna penaberan. Kesên ku malên wan hebû ew serbest bûn gelek ji wan ketin malên xwe de, kesên ku dagirkeriyê cih û warên wan dagirkiriye ji bo wan kamp hatin amadekirin, wek kampa Newroz li herêma Dêrikê. Ji bo gelê Sûrî yên ku bê cihin bûn di kampa Erîşa de bicih bûn. Heta niha jî hatina penaberan hîn berderwame, hemû pêdiviyên wan ji destpêkê ve Rêverberiya Xweser destek da wan çi ji milê Tenduristî, xizmitguzarî û bicihkirina wan. Her wiha hin alîkarî ji bo wan ji milê Saziyên Navdewletî û Saziyên Xwecihî jî hatin komkirin.
-Ji bo alîkariya van penaberan Saziyên Navdewletî destek dane yan na, bi taybet ji bo vekirina deriyê Tilkoçer gelek daxwaziyên we hebûn, heta niha gav hatiye avêtin yan na?
Di destpêkê de him Saziyên Navdewletî him jî yên xwecihî ji bo destekdayîna penaberan xwe amadekirin, lê mixabin penaberên ku me berê wan dabûn kampa Ednaniyê ya Li Reqa destek ji bo wan nehat kirin, loma me ew penaber veguheztin kempa Mehmûdliyê. Her wiha ji bo vekirina dergehê Tilkoçer bangewaziya Rêveberiya Xweser û insiyatîfa ku çawa van penaberan pêşwazî bikin wek xwestek hat ji Netewên Yekbûyê re ku dergehê Tilkoçer were vekirin û alîkariya mirovî rasteras derbasî Bakur û Rojhilatê Sûriyê bibe, lê heya niha tu bersiv nehat kirin ji milê Netewên Yekbûyî ve.
-Em dikevin demsala zivistanê de, koçber û penaberên li Bakur û Rojhilatê Sûriyê pirin, wê rewşa wan çawa be, zehmetiyên wan çi ne, herwiha bangewaziya we ji bo Saziyên Navdewletî çi ye?
Her sal destpêka demsala Zivistanê dewleta Tirk a dagirker êrişî binesaziya herêmê û saziyên xizmet guzarî dike. Her wiha penaberên ku para xwe ji van saziyan digirtin bê par mane, bi taybet di milê Elekitrîk û mijarên sotemeniyê de. Loma di encama van êrişan de rewşa penaberan pir zehmete. Li gor sîstem û pirogiramên Rêveberiya xweser û saziyên ku destekê didin penaberan, ji bo amadekariyên demsala Zivistanê pêwîste ji meha Berfanber ve mazot, Sope were belavkirin û esfincan bidin. Her wiha guhertina çadirên kevin, cil û bergên zivistanê bidin zarokan. Daxwaza me ew e ku Saziyên Navdewletî derbasî van kampên ku heya roja îro sardana wan nekirine û rewşa wan nizanin bibin, bi taybet xelkê Efrîn, GirêSpî û Serêkaniyê heta niha alîkariya mirovî derbasî li cem wan nebûye. Ji ber vê yekê pêwîste helwestek were nîşankirin li hember êrîşên dewleta Tirk, ji ber ku encama van êrîşan penaber êşê dikşînin.[1]