‘Bi bilindkirina asta berxwedanê wê êrîş têk biçin’
Lîloz Hisên/ Qamişlo
Hevseroka Tevgera Civaka Demokratîk (TEV-DEM) Rûken Ehmed bang li tevahî gelên herêmê kir ku bi yek helwest, bi sekn û hevgirtineke xurt li hemberî êrîşên
dagirkeriyadagirkeriya Tirk berxwedanê bighînin lûtkeyê.
Êrişên dewleta Tirk a dagirker yên li dijî gelên herêma Bakur û Rojhilatê Sûriyê bênavber dewam dike. Herî dawî dagirkeriya Tirk bi riya balafirên bêmirov mal û erebeyên sivîlan li Til Hemîs, Amûdê û Qamişlo hedefgirt .
Derbarê mijarê hevseroka Tevgera Civaka Demokratîk TEV-DEM Rûken Ehmed ji rojnameya me re axivî.
Rûken Ehmed diyar kir ku bi armanca têkbirina vîna gelan, dewleta Tirk a dagirker çareke din li dijî herêmê êriş pêk anîn û wiha domand: “Dagirkeriya Tirk di êrişên xwe de welatiyan û cihê xizmetguzariyê dike armanc. Piştê wê jî gefên dagirkeriyê berdewam in. Ji xwe êrişên dagirkeriyê bê navber dewam dike, vê carê jî li dijî îradeya gelan ya pêkanîna hilbijartinên şaredariyan, helwsta xwe eşkere dike û dibêje ew ê îradeya gelan qebûl neke.”
‘Divê saziyên mafên mirovan berpirsyartiyên xwe bi cih bînin’
Rûken Ehmed wiha domand: “Divê saziyên mafên mirovan û bi taybet saziyên tenduristiyê yên navneteweyî li hember êrîşên li dijî welatiyan û armancgirtina akîpên Heyva Sor A Kurd bêdeng nemînin. Herwiha pêwîste saziyên navneteweyî bi erkê xwe yê exlaqî rabin û berpirsyartiya xwe bi cih bînin. Ji ber ku êrişên dagirkeriya Tirk bi awayekî rasterast civakê dike armanc.”
‘Ji bo rawestandina êrîşan pêwîste asta berxwedanê bilinditir be’
Rûken Ehmed bal kişand ser kiryarên dagirkeriya Tirk û wiha got: “Li dijî êrîşên li ser herêmê gel daketin qadan, saziyên hiqûqî û tenduristî daxuyanî dan û çalakî li dar xistin, lê divê tevahî gelê herêmê asta berxwedanê bilindtir bikin, bi hevgirtineke xurt destkeftiyên herêmê biparêzin, herwiha pêwêste jin û ciwanên ku li Herêma Bakur û Rojhilatê Sûriyeyê jiyan dikin xwedî helwest û sekneke xurt bin, divê em bizanibin ku şerekî taybet li dijî me tê meşandin bi taybet li dijî sîstema Rêveberiya Xweser li herêma Bakur û Rojhialtê Sûriyê ku bi awayekî demokratîk tevahiya gelan di bin sîwana wê de jiyan dikin.”
Hevseroka Tevgera Civaka Demokratîk TEV-DEM Rûken Ehmed axaftina xwe wiha qedand: “Li hemberî êriş û planên dewleta Tik a dagirker divê gel şiyar bû amade be. Herweiha bi hêzeke mezin vîna xwe nîşan bide. Ji bo hilbijartinan divê kar û xebat bê kirin ji ber ku ev mafê civakê ye ku biçin ser sendûqan û namzetên xwe hilbijêrin da ku em bibin bersivek ji vê qûnaxa çaresnûsê, sîstema xwe bidin rûniştandin, divê gelê me bi hêzeke mezin bizanibe ku ev hilbijartin wateyeke wê ya giring heye û di riya berxwedan û têkoşînê êrîşan vala derxînin.”
[1]