‘Deng bide dengê azadiyê’
Amara Baran/ Qamişlo
Malbatên girtiyan ji bo dengê girtiyên bi daxwaza azadiya fîzîkî ya Rêber Abdullah #Ocalan# di çalakiyê de bidin bihîstin, li 6 bajaran çalakiya “Deng bide azadiyê” dan destpêkirin.
Çalakiya girtiyên azadiyê ya bi daxwaza azadiya fîzîkî ya Rêber Abdullah Ocalan û çaresekirina pirsgirêka kurd a bi rêyên demokratîk didome. Girtiyan di 27’ê Mijdara 2023’yan de dest bi greva birçîbûnê ya dorveger kiribûn û di 4’ê Nîsanê de jî çalakiya xwe derbasî qonaxeke nû kiribûn. Çalakî bi boykotkirina hevdîtinên rû bi rû yên bi malbatan re, hevdîtina telefonan û derketina dadgehan didome.
Malbatên girtiyan jî bi heman daxwazan dest bi çalakiya Nobeta Edaletê kiribûn û di 14’ê Nîsanê de bi daxuyaniyekê ragihandibûn ku dê çalakiya xwe derbasî qonaxeke nû bikin.
Malbatên girtiyan dê di 6’ê Gulanê de bi pêşengtiya Federasyona Komeleyên Hiqûqî û Piştevaniya bi Malbatên Girtî û Hikûmxwaran re ya MED’ê (MED TUHAD FED) li pêşiya girtîgehan daxuyanî dan. Çalakî li 6 bajran hat lidarxistin, Amed, Êlih, Stenbol, Îzmîr, Mêrsîn û Edeneyê ya bakurê Kurdistan û Tirkiyê li pêşiya girtîgehan bi awayekî hemwext çalakiya “Deng bide azadiyê” hat li darxistin.
Daxuyanî ji milê Meryem Erbay û parlementere DEM ê Alî Bozan ve hate dayîn.
Dayikên Aşitiyê bi pêşeyên “Tecrîd sûcê mirovahiyê ye” li xwe kirin. Bi dehan kes li dora pankarta “Em bi rihê têkoşînê tecrîda li girtîgehan bişkînin û faşîzmê têk bibin” dest bi daxuyaniyê kirin. Dayika Aştiyê Meryem Erbey di daxuyaniyê de axivî û diyar kir ku yekane daxwazên wan demokrasî û aştî ye. Pirsgirêka herî bingehîn a Tirkiyeyê pirsgirêka Kurd e. Em welatekî bê şer dixwazin, bila êdî hêsirên çavê dayikan nerije û Zext û îşkence êdî bila bi dawî binbe.
Meryem di dawiya axaftina xwe de diyarkir ku: Heta ku tecrîd bi dawî nebe emê hertim li qad bin û bê navber têkoşîna xwe bimeşînin.
Parlamenterê DEM’ê yê Mêrsînê Alî Bozan jî diyar kir ku ev pirsgirêk hemû pirsgirêkên li welat kûrtir dike û got, “Ev pirsgirêk bi rakirina tecrîda li ser Rêberê PKK’ê Abdullah Ocalan a li Îmraliyê û hevdîtina bi lezgîn re dikare were çareserkirin. “Heta ku tecrîd bi dawî bibe em ê çalakiyên xwe bidomînin
Di dawiyê de bi siloxana bê serok jiyan nabe û bi strana zindana diyarbekir emê bişkînin çalakî bi dawî bû.[1]