ANHA’yê roleke girîng di gihandina civakeke demokratîk û azad de lîst
Birûc Resûl/Qamişlo_

Ajansa Nûçeya a Hawar ANHA’yê parçeyek ji têkoşîn û berxwedana 11 salan a ragihandina azad e, piştî destpêkirina bihara gelan li Rojhilata NavînRojhilata Navîn dest bi rêveçûn û rêwîtiya xwe kir û li herêmê pêngaveke têkoşînê ya ragihandinê ava kir.
Ajansa Nuçeyan a Hawarê wekî daneheva tekoşîna rizgariya Kurdistanê û gihandina azadiyê ye, di 1`ê Adara 2013`an de hatiya avakirin. Nave xwe ji rojnemeya Hawar a ku yek ji pêşengên Tevgera Azadiya Kurdistanê û Ragihandina Azad Mezlûm Dogan ku di zindana Amedê de derxistibû, girtiye dest.
Wekî şopdara vî ramanî hewil daye ku îro hawara gelê herêmê ragihîne û li aliyeke din jî ronî daye felsefeya jiyana azad a Rêbere Abdullah Ocalan. Di vê çarçoveyê de bi duruşmeya ‘Hawar Hawara We Radigihîne’ dest bi weşanê kir. Dema ku li Rojhilata Navîn buhara gelan destpêkir, ANHA jî bi destpêkirina şoreşa gelan ya 19’ê Tîrmehê hat damezrandin. Herwiha bi destpêkirina Şoreşa 19`ê Tîrmehê re jî, ji bo şopandina keşedan û buyerên siyasî, leşkerî û meydanî li Rojava erkeke girînk girte ser milê xwe û roleke mezin lîst. Di demekê ku di herêmê de rê û rêbazên ragihandinê tune bûn ku hişmendiya hegomonîk û destheledar ragihandin bi awayekî mezin reş û berovajî dikirin, di heman demê de agahiyên ne rast didan civakê, ji lewra pêwîstî bi avakirina ajansa ANHA hebû, ji ber ku ANHA hewl da ku li hemberî vê destheledariyê di qada ragihandinê de bibe dengê rastiyê. Û tevlî tekoşînê bibe û civakeke axalqî û poletîk ava bike. Armanc ji ajansa ANHA ew bû ku tekoşîna li ser qada ragihandinê, yek ji rêbazên tekoşîne ji bo xurtkirina rêgezên jiyanê û avakirina kesayeta civaka axlaqî û poletîke ku hemû dengan, rengan, baweriyan, nêrînan qebûl dike û avakirina civakeke demokiratîk pêş bixe.
Derbarê salvegera damezeandina Ajansa ANHA’yê Nûçegihanê beşê lêkolînê a Ajansa ANHA Ehmed Semîr û nûçegihane Ajansa ANHA Silava Ebdrehman ji Rojnemeya me re axivîn.
Ehmed Semîr diyar kir ku Ajansa ANHA xwe ya 11`emîn bi dawî dike û dikeve sala xwe ya 12`emîn ku dagirtî ked û xebat bû û wiha got: “Ajansa ANHA sala 11`emîn xilas dike bi ked û xebatên xwe dikeva sala xwe ya 11`emîn de, her wiha bi xwîn û xwêdanê gihîştiye vê astê, bi xwîna şehîd Dilîşan, Rizgar, Hogir, Saed û şehîd Îsam ku dixwestin rastiyê ji cîhanê re eşkere bikin, di oxira wê de hatin şehîd xistin. ANHA mîraseye kovara Mezlûm Dogan ku di zindana Amedê de di 19`ê Tebaxa 1980`î de ku cara yekem kovara Hawar derxist, her wiha hovîtiya dewleta Tirk a faşîst ku zordariya li ser gelê kurd di zindanê de dide meşandin, Mezlûm Dogan bi riya kovarê hovîtiya dewleta Tirk eşkere dikir ji cîhanê re.”
‘ANHA gelek guhertin û veguhertin çêkir’
Ehmed di berdewamiya axaftina xwe de da xuyakirin ku damezrandina Ajansa ANHA bi serê xwe şoreşek e û wiha got: “Beriya şoreşa Rojava rêjîmên desthiledar ku Kurdista kirin çar barçe û dagirkirine, rê nedan ku kurd hestên xwe bînin ser ziman, her tişt ji kurdan re hatibû qedexekirin, mînak ku ne dihiştin kenal, radiyo, rojname û ajans werin avakrin, tenê ji bo ku kurd dengê xwe ne gihîne cîhanê, bindest û di heman demê de bê maf bimînin. Ji ber vê yekî rê li pêşya kurdan dihat girtin. Lê piştî şoreşa Rojava ne tenê Ajansa Hawarê, Ajansa kurdî êdî karîbû ku dengê rastiyê û mafê gelê xwe ragihîne cîhanê. Helbet ajansa Hewarê gelek guhertin û veguhertin çêkirin, bi taybet li Rojhilata Navîn û Sûriyê gelek pêkhatiyên ku di sedsalên dawiyê de ber bi qirkirirnê ve diçûn ku ajansa Hewarê ne tenê doza kurdî girt ber çavan, gelek gelên ku ber bi qirkirinê ve diçûn, dangê wan gihand cîhanê û bû dangê jina ku hatibû bindestkirin û piştî jin cihê xwe di civakê de girt, bû pêşenga ajansa Hewar. Her wiha gihîştin tevahî cîhanê da ku ji were xuyakirin ku ev şoreş, şoreşa jinê ye.”
‘Ajansa Hawar bû wesêleya têkbirina hişmendiya desthilatdaran’
Ehmed da zanîn ku li ser asta Rojhilata Navîn, hişmendiya yek netew hatibû avakirin, her dem dixwestin ku şer di nava netewan de gur bikin. Lê Ajansa Hawar bû wesîleyek ji bo şkandina vê qalibê yek alî û ew ji bo çareserkirina pirsgirêkan çareserîye. ANHA bi 6 zimanan tê wergerkirin; bi zimanê kurdî, erebî, ingilîzî, farisî, turkî, ispanî û rûsî. Bê gumana Ajans ANHA dikarîbû ku bibe cihê rastiyê û baweryê li cem xelkê Bakur û Rojhilatê Suriyê û derveyî wê jî, herwiha bûye çavkaniya herî sereke ya herêma Bakur û Rojhlatê Suriyê gaveke pêşketî wê were avêtin ku ev sîstema yek alî sîstema ku netew û jin înkar dikir wê dengê rastiyê bighînin her kesî û her dem li pey şopa şehîd Îsam, şehîd Dilîşan, Rizgar û Hogir berdewam bikin.
‘Ajansa Hawarê bi çavê jinê ragihandinê dike’
Di heman çarçoveyê de nûçegihane Ajansa ANHA Silava Ebdrehman diyar kir bi şoreşa Rojavayê Kurdistanê, bi şoreşa jinê ya 19`ê Tîrmehê re, ajansa Hawarê hewl de ku rengê şoreşê li tevahî cîhanê bide parvekirin û ragihîne û wiha got: “Ajansa Hawarê bi çavê jinê ragihand, li ser vê bingihê gelek beşên wê çêbûn, bi taybet li Rojavayê Kurdistanê Ajansa ANHA bû dibistan ji bo hemî rojnemevanan û gelek rojnemevan li vir xwe perwerde kirin, bi saziyên din re hatin belav kirin. Her wiha her kêliyên şer, hunandina jiyanê û rizgarkirina bajaran, Ajansa ANHA bi riya nûçegihanên xwe, dîmen û wêne li cîhanê belav kir. Di vê çarçoveyê de, di şopandina şer de hevalên me yên nûçegihan gihîştin asta şehadetê. Helbet ji bo civakekî şoreş ne bi hesanî hate sazkirin, di heman demê de rojnemevantî jî ne hesan bû. Di nav civakê de rola jinê û sekina jinê ku wekî hemî civakên me yên Kurdistanê di bin dagirkeriyê de bûn, her dihate çewsandin û fetsandin. Ji ber vê yekê dema ku me kamereya xwe li milê xwe dikir, ji bo civaka me tiştekî nû bû ku jin kolan kolan digeriya û nûçe her gav û kêlî dişopand, ev jî cihê ser bilindahiyê bû ji bo wan.
Beşê jinê
Silava di berdewamiya axaftina xwe da zanîn ku pêvajoya ku Ajans ANHA hat avakirin, zehmetî hebûn û di heman demê de derfet tune bûn û wiha got: “Ajansa ANHA ji maleka ku bi kelpîç û kevin de kar û xebatên xwe destpêkirin û bi rêvedibirin. Piştira gav bi gav nûçegihanên xwe di hundirê Rojavayê Kurdistan û derve hatin avakirin, armanc jî ew bû ku piratîkma Rêber Abdullah Ocalan ya Netewa Demokiratîk û rastiyê û dengê Kurdistanê ji raya giştî were belav kirin. Li ser vê bingihê beşek taybet ji bo jinê hat avakirin, her wiha jina azad pêwîste çawa be, saziyên xwbatên jinê, keda jinê û ji bo rizgarkirina jinê ku gavên çawa tên avêtin, di vê çarçoveyê de beşa jin jî di ragihandinê de hat avakirin, da ku deng û rengê jinê derxe cîhanê. Di wir de nûçegihanên jin hatin avakirin û dosiyayên taybet jib o jin hatin çêkirin, her wiha her kar û xebatên ku jip ê dirabû hat ragihandin.
‘Hêz û îradeya me ji planên dagirkeriyê xurtirin’
Silava di dawiya axaftina xwe de wiha got: “Di pêvajoyekê wiha girînk de Ajansa ANHA bi nûçegihan û malprên xwe rastî êrişên dagirkeriyê hatiye kirin, çend caran malperam ji aliyên dewletên dagirker ve hatin girtin, di heman demê de nûçegihanê me jî hatin hedef girtin. lê heya niha jî dijmin ne gihîştin armanca xwe. Ji ber ku her dem me kar û xebatên xwe dide meşandin û ne rawestiya. Hîz û îradeya me ji pilanên dagirkeriyê xurtirin.”[1]