هێمن عەساف
سەرۆک هۆز و کەسایەتییە کۆمەڵایەتییەکانی پارێزگای وان لە باکووری کوردستان، پشتیوانیی خۆیان بۆ پڕۆسەی ئاشتی دەربڕی و پەیامێکیان ئاڕاستەی پارتی کرێکارانی کوردستان (پەکەکە) کرد. دەڵێن، بۆ سەرخستنی پڕۆسەکە پێویستە هەموو کەس و لایەنێک ڕۆڵ بگێڕن.
ڕۆژی
09-02-202509-02-2025 کۆمەڵەی هۆزە دێرینەکان لە پارێزگای وان-ی باکووری کوردستان، بە بەشداریی 230 سەرۆک هۆز و 170 کەسایەتیی کۆمەڵایەتیی تورکیا و باکووری کوردستان، کۆبوونەوەیەکی فراوانیان بۆ سەرخستنی پڕۆسەی ئاشتی بە ناونیشانی بەهێزکردنی برایەتیی کورد و تورک کرد.
ڕاسم ئاسلان، سەرۆکی کۆمەڵەکە وتارێکی پێشکەش کرد و پشتیوانیی تەواوی سەرۆک هۆز و کەسایەتییەکانی وان-ی بۆ سەرخستنی پڕۆسەی ئاشتی ڕاگەیاند. وتی، پێویستە پڕۆسەکە لە بازنەیەکی فراوان بەڕێوەبچێت، بۆ ئەوەی هەموو کەس و لایەنێک، چین و توێژە جۆراوجۆرەکانی گەل تێیدا بەشدار بن و ڕۆڵ بگێڕن.
ئەوەشی خستە ڕوو، لەلایەک دەوڵەت، لە لایەکی دیکە لایەنە سیاسییەکان، ڕێکخراوەکانی کۆمەڵگەی مەدەنی و هۆز و کەسایەتییە کۆمەڵایەتییەکان پێکەوە دەتوانن پەرەی زیاتر بە پڕۆسەکە بدەن.
داواشیان لە پەکەکە کرد، وەڵامی داواکان بداتەوە لەبارەی چەک دانان و زەمینەخۆش بکات بۆ ئاشتییەکی هەمیشەیی. بەمەش برایەتیی کورد و تورک بەهێزتر و پتەوتر دەکرێت.
دەوڵەت باخچەلیدەوڵەت باخچەلی ڕۆژی
01-10-202401-10-2024 تەوقەی لەگەڵ هاوسەرۆکانی دەم پارتی کرد؛ ڕۆژی
22-10-202422-10-2024 هەنگاوێکی دیکەی نا و داوای لە عەبدوڵڵا ئۆجەلان، ڕێبەری زیندانیکراوی پەکەکە کرد بچێتە پەڕڵەمانی تورکیا و لە کۆبوونەوەی فراکسیۆنی دەم پارتی قسە بکات و بڵێت: تیرۆر کۆتاییهاتووە و ڕێکخراوەکە هەڵوەشێندراوەتەوە، دواتر داوای کرد، شاندێکی دەم پارتی سەردانی ئۆجەلان لە ئیمراڵی بکات.
شاندی دەم پارتی ڕۆژی
28-12-202428-12-2024 سەردانی ئیمراڵی کرد و لەگەڵ عەبدوڵڵا ئۆجەلان، ڕێبەری زیندانیکراوی پارتی کرێکارانی کوردستان (پەکەکە) کۆبووەوە. ڕۆژی دواتر شاندەکە پەیامێکی لەسەر زاری ئۆجەلان بڵاوکردەوە، تێیدا جەختی لە بەهێزکردنی برایەتیی کورد و تورک کردەوە.
دوای ئەوە شاندەکە سەردانی بەشێک لە پارتە سیاسییەکانی پەڕڵەمانی تورکیای کرد و لەگەڵیان کۆبووەوە.
شاندی دەم پارتی کە لە سری سوورەییا ئۆندەر، بریکاری سەرۆکی فراکسیۆنی دەم پارتی و پەروین بوڵدان، پەڕڵەمانتاری دەم پارتی لە بازنەی وان پێکهاتبوون، لە ڕۆژانی 28-12-2024 و 22ی کانوونی دووەمی
2025 بە نوێنەرایەتیی دەم پارتی سەردانی ئیمراڵییان کرد و لەگەڵ عەبدوڵڵا ئۆجەلان کۆبوونەوە.
دوای یەکەم کۆبوونەوە، شاندەکەی دەم پارتی پەیامی عەبدوڵڵا ئۆجەلان، ڕێبەری زیندانیکراوی پەکەکەی لەبارەی پڕۆسەی ئاشتی گەیاندە لایەنە سیاسییەکان و بۆچوونی ئەوانیشی وەرگرت. لە دیداری دووەمیشدا، بۆچوونی لایەنە سیاسییەکانیان گەیاندە ئۆجەلان.
[1] Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 145 car hatiye dîtin
Raya xwe li ser vî babetî binivîsin!