Îmralî ji bo gelên Rojhilata NavînRojhilata Navîn ronahî, jiyan û hêvî ye
GÎVARA ŞÊX NÛR
Helbestvanê ji Filistînê Mehmûd Derwîş dibêje: Dipirse: wateya peyva welat çi ye? Wê bibêjin: mal, dara tûyê, pînika mirîşkan, qendîla mêşên hingiv, bêhna nan û asîmanê yekemîn e.. û dipirse: Ma gelo peyvek ji 3 tîpan têra van hemû gotinan dike û me pê asteng dike?
Belê, em hatin astengkirin. Dema ku em li dîrokê vedigerin dilê me ji êşê tê guvaştin. Bi taybet dîroka 9'ê Cotmeha 1988'an ku dunya li ser têkoşerê ku jiyana xwe ji bo xizmeta gelê xwe û neteweya demokratîk de veqetandiye, teng bû.
Tiştê di wê demê de bûye, ji bo tevahî mirovahiyê rûreşiyek bû. Armanc jê astengkirina çareserkirina doza Kurd û kûrkirina nakokiyên li tevahî herêma Rojhilata Navîn e. Yek ji nîşaneyên kûrkirina nakokiyan; teqînên 11’ê Îlona 2001’ê li DYA’yê, her wiha dagirkirina Efganistanê di 2001’ê de û Iraqê di 2003’yan de ji aliyê Amerîkayê ve, li rex wê jî qanûna muhasebekirina Sûriyê di 2003’an de, siûqastkirina Refîq Herîrî di 2005’an de û belavkirina aloziyê ne.
Dewletên ku di 9’ê Cotmeha 1998’an de komploya navneteweyî li dijî rêber Abdullah Ocalan pêk anîne xwestin ne tenê gelê Kurd qir bikin, lê belê rihê berxwedan û rûmetê li gel tevahî gelên herêmê têk bibin. Lê rêber Ocalan bi fikir û projeya xwe ya ku banga azadiyê dike gelên herêmê ji zulm, çewisandin û bêmafî ku rejîmên despotê li dijî gelan pêk tîne, rizgar kirin.
Hêzên hegemon û rejîmên wê yên despot her tim hewl didin ku bi rêya afirandina şer û nakokiyên neteweyî, olî û mezhebî gelan li hemberî hev bidin şerkirin, da ku wan lawaz bikinû di encamê de li gorî berjewendî û ajnîdeyên xwe nexşeya Rojhilata Navîn ji nû ve saz bikin.
Hêzên hegemon dîtin ku ramanê Ocalan ê ku ji hemû pirsgirêkan re çareserî ye, xeteriyê li ser wan çêdike û hîs kirin ku dê hêza Tevgera Rizgariya Kurdistanê ya bi serkêşiya Erdogan ê ji pêvajoya vejînê re pêşengitiyê bide û roleke sereke di têkoşîna rizgriya demokratîk li Rojhilata Navîn bilîze, ji ber vê yekê komplo pêk anîn, hewl da rêber Ocalan di aliyê fîzîkî de tune bikin. Ji ber ku nikarîn di aliyê manewî de rêber Ocalan têk bibin.
HEM KOMPLO HEM JÎ BERXWEDAN BERDEWAM E
Piştî hilweşîn û tevliheviyên ku tevgerên rizgariya yên cîhanê pê re rû bi rû mabûn, gelan hêz, hêvî û îlham di PKK'ê de dîtin ku bala tevahî cîhanê kişand ser xwe. Ji ber vê yekê hêzên hegemon xwestin destpêkê rêber Ocalan tune bikin, piştî yekîneya rêxistinê ya gelê Kurd a bi nûnertiya PKK'ê ji hev bixin û li şûnê wê hêzên Kurd ên xayîn ên girêdayî xwe xurt bikin.
Dewleta Tirk bi dîlgirtina rêber Ocalan bes nedît, lê tecrîdeke girankirî li îmraliyê li ser wî dimeşîne. Bi vê yekê armanc dike ku dengê heqîqetê qut bike. Lê Îmralî ji girtîgehê veguherî semboleke berxwedanê û ji bo gelên Rojhilata Navîn bû ronahî, jiyan û hêvî.
Rêber Ocalan bi rêya parastina Kurdên di nava pencê qirkirina çandî de parastina azadiya gelên Rojhilata Navîn kir û banga avakirina neteweya demokratîk kir. Di dîroka mirovahiyê de ji bo heqîqetê lêkolîn kir û pirtûkên dîrokê ku dewlet, desthilat û şarezayê pîroz dibînin derewandin. Em fêrî sosyolojiya azadî ya li ser civaka polîtîk-exlaq kir. Bi wê yekê hêzên hegemon har bûn û ferman da dewleta Tirk ku siyasetên qirkirinên çandî û fîzîkî li tevahî parçeyên Kurdistan, Rojhilata Navîn û cîhanê dijwar bike, da ku destkeftiyên şoreşê yên ku bi fikirê rêber Abdullah Ocalan pêk hatine, têk bibin.
‛KES NIKARE ROJA ME TARÎ BIKE’
Li ser vê yekê rêber Ocalan wiha dibêje: Komployên dîrokî nikarin dolaba pêşxistinê rawestînin, lê belê bi lez dikin. Armanca komploya navneteweyî di radeya yekemîn de têkbirina têgeha jina azad li Rojhilata Navîn e ku rêber Ocalan misogeriya wê kiriye. Ji wê zêdetir armanca komployan ew e ku nakokiyên neteweyî werin derxistin, zihniyeta biratiyan gelan a kurd, ereb, faris û tirk derbe bike. Ji ber ku jina dayik, mêrê kole, civaka kole û nakokiyên neteweyî bêhnvedana yekane ya hêzên hegemon in. Lê yên ku ev komplo pêk anîne, ji bîr kirine ku tiştê rêber Ocalan afirandiye ne pêkan e were têkbirin, ji ber ku jin, mêr û civak ên ku çêja azadiyê kiriye, berdêl çi dibe bila bibe koletiyê qebûl nakin. Hemû ked û têkoşîna ji bo têkbirina komployê û pêkanîna azadiya fîzîkî ya rêber Ocalan berdewam bikin.
Bê guman Enqereyê wê demê texmîn kir ku bi dîlgirtina rêber Ocalan û tecrîdkirina wî, dê agirê rizgariya zihnî vemirîne, lê belê tiştê bûye berovajî wê bû. Ji ber ku fikirê rêber Ocalan li tevahî herêm û di navbera netewe û etnîkan de belav bû û vê yekê jî Enqere dîn û har kir.
Rêber Ocalan girtîgeh veguherand akademiyekê û bû navenda afrînerî, fikir, angaşt û îlhamê û hemû cîhan şoq hişt. Fikir û felsefeya ku rêber Ocalan di girtîgeha xwe de daniye bû metod û îdeolojiyek ku hemû gelên herêmê li ser wan dimeşin û bûn biyada rêxistin û siyasetê. Projeya neteweya demokratîk a li Bakur û Rojhilatê Sûriyê nimûneya herî baş a wê yekê ye. Tevahî hêzên komploger ên ku xwestin fikir û felsefeya rêber Abdullah Ocalan ji holê rakin, hêvî û texmînên wan têk çûn û nikarîn roja me tarî bikirana.
[1]