ساڵیادی (85) ساڵەی دەرکردنی ژمارە یەکی (ڕۆژنامەی خورماڵ)ە، لەلایەن #شاکر فەتاح#، دەبوایە ئەمڕۆ دیدارێک بکرایە یان وەک ڕۆژی #خورماڵ# دیاریبکرایە، لە هەر شارێکیتر بوایە دەکرایە ڕۆژی ئەو شارە، لە ڕۆژێکی وەک ئەمڕۆدا لە ڕێکەوتی #03-06-1940# ژمارە 1ی ڕۆژنامەی خورماڵ بۆ یەکەمجار لە مێژووی ناوچەکە دەرچوو، دەرکردنی ڕۆژنامە بۆ یەکەمجار لە سنووری #هەڵەبجە# و خورماڵ و #شارەزوور# و هەورامان بەناوی ڕۆژنامەی خورماڵ لە حەفتەیەکدا دوو ژمارەی لێ دەردەچوو کە 24 ژمارەی بڵاوکردەوە، یەکەم ژمارەی لە ڕێکەوتی 03-06-1940 دەرچوو، کۆتا ژمارەی لە #30-09-1940# دەرچووە، ڕۆژنامەکەی لە باخچەکە هەڵی دەواسی لە ڕۆژنامەکە باسی هەواڵەکانی خورماڵ و هەڵەبجە و #سلێمانی#، هەروەها باسی جەنگی جیهانی دووەم دەکرد، ڕۆژنامەی خورماڵ کە زۆرترین زانیاری تێدایە بۆ ئەو کات لە ساڵی 1983 لە #بەغدا# لە پەرتووکێکدا چاپی دەکات.
لە ژمارە یەکدا باسی کردنەوەی باخچەی گشتی خورماڵ دەکات کە دەڵێت لە سێ ڕۆژ تەواو کراوە نزیکەی 14 گوند کرێکاریان ناردووە و هەروەها هەر لە ژمارە یەک باسی ئەو هاوکاریانە دەکات کە پێشکەش بە باخچەی گشتی خورماڵ کراون و باسی نەهێشتنی نەخوێندەواری دەکات کە خۆی کردبوویە.
م. شاکر فەتاح لە کۆتایی ساڵی 1939 دەبێتە بەڕێوبەری کارگێڕی لادێی خورماڵ واتە بەڕێوبەری شارەدێی خورماڵ تا 30-09-1940. واتە هەمووی (10) مانگ بەڕێوەبەری شارەدێ بووە سێ پڕۆژەی گرنگی ئەنجامداوە:
یەکەم: دەرکردنی ڕۆژنامەی خورماڵ.
دووەم: کردنەوەی باخچەی گشتی.
سێیەم: کردنەوەی قوتابخانەی نەهێشتنی نەخوێندەواری.
ئەوەی شاکر فەتاح کردوێتی بۆ خورماڵ تا ئێستا هیچ کەس نەیکردووە، بەڵام بەداخەوە تا ئێستا هیچ پەیکەرێک یان قوتابخانە یاخود هیچ باخچەیەک بەناویەوە نەکراوە. [1]
نووسینی: #سەرچڵ یونس#
سەرچاوە: ڕۆژنامەی خورماڵ. شاکر فەتاح. چاپخانەی (الحوادت). بەغدا 1983.
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 375 car hatiye dîtin
Raya xwe li ser vî babetî binivîsin!