‘Min di Rojavayê Kurdistanê de jiyana komînal û ruhê civakbûyinê dît’
Viyan Egîd/Qamişlo

Derhînerê Alman Pêta Od diyar kir ku wî di Rojavayê Kurdistanê de jiyana komînal û ruhê civakbûyinê dît, lewma ew bi heycanekî mezin tevlî Festîvala Fîlman a Navneteweyî ya Rojava ya 5’emîn bû û got, “Ez bawerim ev yek wê ne cara dawî be, ji ber ku êdî ez xwe beşek ji rûhê Rojava dibînim.”
Sîmana, şano û derhênerî bingeh û nasnemeiya jiyana mirov e, di rêya sînemeya azad û hevpar de mirov dikare êş, azar û çîrokên civaka xwe bîne ziman. Bi destpêkirina şoreşê li Rojava, di warê sîyasî û leşkerî de veguherînên mezinpêk hatin û di warê civakî û çandî de jî pêşketin û guhertinên cewherî yên mezin çêbûn. Yek ji armancên sereke yên vê şoreşê di nava civakê de avakirina hişmendiya neteweyî ye. Di warê wêje û hunerê de gelek bandorên vê modela nû li ser gel û cîhanê çêbû û vê yekê jî hişt ku rola sînema, film, şano û belgeflîman di qada çand û hunerê de bi pêş ve biçe, destkeftiyên Rojavayê Kurdistanê çand û nasnameya Kurdan zêdetirî 50 salan li dijî dagirkerên Kurdistanê bi berxwedaneke bêhempa mohra xwe li dîrokê xist. Di roja îro de jî bi saya şehîdan û destkeftiyên şoreşê Festîvala Fîlman a Navneteweyî ya Rojava ya 5’emîn tê lidarxistin û di nav de gelek film û belgeflîmên navneteweyî başdar bûne.
Di derbarê sîmema û beşdarbûna Festîvala Fîlman a Navneteweyî ya Rojava ya 5’emîn derhînerê Almanî Pêta Od ji Rojnameya me re axivî.
‘Ji sîstema hevsrokatiyê û girêdana bi çand û hunera xwe, min ji Rojava mînak girt’
Pêta Od diyar kir ku ev cara 2`mîn e ew tê Rojavayê Kurdistanê û wiha got: “Min pir Şoreşa #Rojava# meraq dikir, ji ber vê yekê min biryar da ku ez serdana Rojavayê Kurdistanê bikim. Dema destpêkê ez hatim Rojava du tiştan bala min kişand, yek ji wan sîstema hevserokatiyê û ya din jî ku çawa gelê Rojava bi çand û hunera xwe ve girêdayî ye. Li gor ewqas êriş û komkujiyên li ser wan hatin meşandin, lê ew roj bi roj çand û hunera xwe ji nû ve zindî dikin. Min ev yek ji xwe re kir mînak, ji ber vê yekê dema min dest bi hazirtiyê fîlma xwe kir, min derhînerke jin da kêleka xwe ew jî Ûta Hol e, ji ber min dizanî ku sîstema hevserokatiyê, sîstemeke serkeftî ye, berî ku ez serdana Rojava bikin, min girîngî ne dida ku hevaleke min a jin li kêleka min be. Lê belê min xwe gihandiye wê astê ku karê xwe bi hevalên xwe yên jin re pêk bînim. Yan din jî min ji gelê Rojava sûd girt ku çi bibe bila bibe em dûrî nasneme, kevneşopî, exlaq, polîtîk, çand û hûnera xwe dûr nekevin. Êdî ez hewil didim ku xwe di fikirê hevsrokatî, jiyana hevpar û demokratîk de kûr bikin.”
‘Flîma min a bi sernavê ‘Hevaltî’ cara yekem di festîvalê de hat pêşkêşkirin’
Derhînerê Alman Pêta Od di dawiya axaftina xwe de diyar kir ku sedema tevlîbûna wî di Festîvala Fîlman a Navneteweyî ya Rojava ya 5’emîn de ew bû ku bi dirûşmeya hevpar ev festîval hat destpêkirin û wiha got: “Di ya rastiyê de min flîmek bi ser navê Hevaltî çêkir, naveroka wê flîmê jî ku çawa ew ciwanên li Ewropayê karîbin bi hevre û di heman cih û malê de jiyan bikin, ji bilî vê jî di hundirê flîmê de jiyana komînal û hevaltiya rast hatiye diyarkirin. Di flîmê de min bal kişand ser ku çawa ciwanên niha bi dijîtal mediya û hişê çêkirî hatine girêdan. Bêguman em dibînin ku çawa civaka me bi sedemên dejîtal mediya dûrî civakbûyinê ketine, ev yek gelek bandorên neyinî li ser civake çêdike. Em dixwazin ciwan û civaka xwe bi rêya sînemeya hevpar bidin hişiyarkirin. Lewma min flîmê xwe yê bi sernavê Hevaltî di Festîvala Fîlman a Navneteweyî ya Rojava ya 5’emîn a ku bi dirûşmeya ‘Çîrokên Hevpar, Sînemaya Azad’ hat destpêkirin, di cara yekem de hat pêşkêşkirin. Dema min dît ev festîval bi rengekî hevpar tê lidarxistin, min hezkir ku ez jî xwe di nava cih bigirin û karî bin bibim beşek ji vê civakê. Min di Rojavayê Kurdistanê de ew jiyana komînal û ruhê civakbûyinê dît, lewma min bi heycanekî mezin tevlî Festîvala Fîlman a Navneteweyî ya Rojava ya 5’emîn bûm, ez bawerin ev yek wê ne cara dawî be, ji ber ku êdî ez xwe beşek ji rûhê Rojava dibînim.” [1]