[1]

هەڤاڵی بەڕێز فەرهاد محەممەد، سەرنووسەری گۆڤاری گوڵان.

بەڕێزان ئەندامانی ستافی نووسین و هونەری و کادیر و کارمەندانی گۆڤاری گوڵان.
ئەمڕۆ لە یادی (29) ساڵەی دەرچوونی گۆڤاری گوڵان، هەوڵ و کۆشش و کار و بەخششی گۆڤاری (گوڵان) بەرز دەنرخێنین، کە لە تەمەنێکی دیاریکراودا توانیویەتی خزمەتێکی بەرچاوی بواری راگەیاندن و ڕۆشنبیری و کولتووری نەتەوەیی و نیشتیمانیمان بکات.
گۆڤاری(گوڵان) خاوەن تایبەتمەندێتی پیشەییانە و ڕۆژنامەوانیی خۆیەتی و، پەیڕەوی بنەما و ئیتیکی ڕاستەقینەی ڕۆژنامەگەریی کردووە و زەوینەیەکی گونجاو و بەرهەمداری ڕەخساندووە بۆ شیکردنەوە و گفتوگۆی گرنگ و کاریگەر لەبارەی پرسە چارەنووسسازەکان و، لە گەیاندنی پەیامی هەفتانەی خۆیشیدا سەرکەوتوو بووە، بەو پێیەی توانیویەتی لە ڕێگای کەسایەتی و پسپۆڕ و شارەزایانی ئەو بوارانە، هاوکات لەگەڵ دیاردە و پرس و کێشەکاندا بیروڕا و بۆچوونەکانیان بخاتەڕوو.
لایەنێکی دیکەی گرنگی ئەو گۆڤارە لەوەدایە، کە سنوورە لۆکاڵییەکانی تێپەڕاندووە، تایبەت لە رێگەی ماڵپەڕی فەرمیی خۆی (گوڵان میدیا) و پێگە ئەلکترۆنییەکانەوە.
لەو بۆنەیەدا پیرۆزباییەکی گەرم لە ئێوەی بەڕێز و خوێنەرانی ئازیزی گۆڤارەکە دەکەین و، پشتیوانیی تەواوی خۆمان بۆ بەردەوامی و بەرەوپێشچوونی گۆڤاری (گوڵان) دووپات دەکەینەوە. [1]
هەر سەرکەوتووبن.

مەکتەبی سیاسیی
پارتی دیموکراتی کوردستانپارتی دیموکراتی کوردستان
22-04-202322-04-2023
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

يادى (125) ساڵەى ڕۆژى ڕۆژنامەگەريى کوردى و (25) ساڵەى دامەزراندنى سەنديکاى ڕۆژنامەنووسانى کوردستان له تەواوى ڕۆژنامەنووسانى کوردستان پيرۆز دەکەم، هيواى سەرکەوتنيان بۆ دەخوازم. سڵاو لە ياد و گيانى ميقداد ميدحەت بەدرخانى پێشەنگ کە يەکەم ڕۆژنامەى کوردستانڕۆژنامەى کوردستانى چاپ و بڵاوکردەوە.
لەم يادەدا هەموو پشتيوانييەک بۆ ڕۆژنامەنووسان و ئازاديى ڕۆژنامەگەرى و ڕادەربڕين و ئازاديى قەڵەم و نووسين دووپات دەکەمەوه.‌ ئازاديى ڕۆژنامەگەرى،‌ بنەما و کۆڵەيەکى سەرەکيى هەموو کۆمەڵگەيەکى زيندووى پێشکەوتووه،‌ پێويستييەکى لەپێشى برەودان بە ديموکراسى و ئازادييەکان و پاراستنى مافەکانى مرۆڤە، بۆيە دەبێ پارێزگارى لێ بکرێت.
وشە بەرپرسياريەتييە، بۆيە داوا لە ڕۆژنامەنووسانى کوردستان دەکەم بەوپەڕى ئەمانەت و بەرپرسياريەتييەوە مامەڵە لەگەڵ وشەدا بکەن و ئازاد و پيشەيى و ڕاستگۆيانە هەواڵ و ڕووداوەکان بگوازنەوە. کار و ئەرکى خۆيان بە ڕێکوپێکى و لە چوارچێوەى ئێتيکى ڕۆژنامەوانيدا جێبەجێ بکەن بۆ ئەوەى بتوانن ڕۆڵى دروستى خۆيان لە دەستنيشانکردنى هەڵە و کەموکوڕييەکان و ڕاستکردنەوەيان بگێڕن.
سڵاو و دروود بۆ هەموو ئه و ڕۆژنامەنووسانەى لە سەردەمى خەبات و ئازاديدا گيانيان بەخشى. ياديان هەميشە بە خێر. [1]

نێچيرڤان بارزانىنێچيرڤان بارزانى
سەرۆکى هەرێمى کوردستان
22-04-202322-04-2023

تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

بەبۆنەی ڕۆژی ڕۆژنامەگەريی کوردی و دەرچوونی یەکەم ژمارەی ڕۆژنامەی کوردستانڕۆژنامەی کوردستان لەلایەن ڕەوانشاد میر میقداد مەدحەت بەردخان و ساڵیادی دامەزراندنی سەندیکای ڕۆژنامەنووسانی کوردستان، گەرمترین پیرۆبایی لە ڕۆژنامەنووسان و ڕاگەیاندنکارانی کوردستان دەکەم و هیوای پێشکەوتن و بەردەوامیان بۆ دەخوازم.
بزاڤی ڕۆژنامەگەری و ئازادی بیروڕا و ڕاگەیاندن لە هەرێمی کوردستان، لە پەرەپێدان و گەشەپێدانی بەردەوامدایە و حکومەتی هەرێمی کوردستان ، بەردەوام دەبێت لە پشتیوانیکردن لە ئازادی ڕاگەیاندن و ڕەخساندنی ژینگەیەکی تەندروست بۆ ڕۆژنامەنووسان بۆ ئەوەی ئازادانە و لە چوارچێوەی یاسا بەرکارەکان و ئیتیکی کاری ڕۆژنامەوانی و پێوەرە نێودەوڵەتییەکان، کار و ئەرکەکانیان بەجێ بگەیەنن.

هیوادارم ڕۆژنامەنووسان و میدیاکارانی کوردستان، کاربکەن لە پێناو برەودان و پاراستنی ئاشتیی کۆمەڵایەتی و کولتووری بەیەکەوەژیانی ئایینی و نەتەوەیی و گرنگیدان بە پرسە نیشتمانییەکان و داکۆکیکردن لە ئەزموونی هەرێمی کوردستان وەک قەوارەیەکی یاسایی و دەستووری و جێی هیوای هەموو کوردستانیان.
ئومێدەوارم ئامانجی سەرەکیی میدیاکارانی کوردستان، گەیاندنی ڕاستی و زانیاری باوەڕپێکراو و هاوسەنگ و خزمەتکردنی خەڵک و هاووڵاتیانی کوردستان و بەرگریکردن بێت لە مافەکانی خەڵکی کوردستان. نابێت دەزگاکانی ڕاگەیاندن، ببنە سەکۆیەک بۆ بڵاوکردنەوەی هزری توندڕۆیی و هاندانی توندوتیژی و سووکایەتیکردن بە خەڵک و بەها و سیمبۆلە نەتەوەیی و نیشتمانییەکان .
لەم یادەدا بە ڕێز و پێزانینەوە، یادی هەموو ئەو ڕۆژنامەونووس و نووسەر و ڕۆشنبیرانەی کوردستان دەکەینەوە کە بە بیر و بەرهەمەکانیان، خزمەتێکی زۆری زمان و ڕۆشنبیریی کوردیی و دۆزی ڕەوای گەلی کوردستانیان کرد و گیانیان لەم پێناوەدا بەخت کرد. [1]

مەسرور بارزانیمەسرور بارزانی
سەرۆکی حکومەتی هەرێمی کوردستان

تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

بەناوی خوای مەزن و دلۆڤان
بەڕێزان/ سەرنووسەر و کارمەندان و ستافی گۆڤاری گوڵان
سڵاو ڕێز
بەبۆنەی 29 هەمین ساڵیادی دەرچوونی گۆڤاری گوڵان گەرمترین پیرۆزبایی ئاراستەی سەرنووسەر و تەواوی کارمەندان و ستافی گۆڤاری گوڵان و خوێنەرانتان دەکەم.
گۆڤاری گوڵان وەک گۆڤارێکی پابەند بە ئیتیکی ڕۆژنامەوانی خزمەتێکی بەرچاوی بە کاروانی ڕۆژنامەگەری لە کوردستان کردووە و، ڕۆڵێکی دیاری هەبووه لە پرسە نەتەوەیی و نیشتمانیەکاندا و، هەوڵیداوە گیانی تەبایی و برایەتی و پێکەوەژیان له نێوان ئایین و نەتەوە جیاوازەکانی کوردستان پتەوتر بکات و، هەموو کاتیکێش ناوەندێک بووە بۆ کۆکردنەوەی دەستەبژێر و بیروبۆچوونە جیاوازەکان لەسەر ئاستی ناوخۆ و دەرەوە.
بەم بۆنەیەوە جارێکی دیکە سوپاسی هەوڵ و ماندووبوونتان دەکەم و، هیوادارم زیاتر پابەندبن بە بنەماکانی کلتوری ڕەسەنی کورد و کوردستان و، ڕۆڵێکی زیاتر لە پاراستنی بەهاو پیرۆزییەکانی نەتەوەکەمان بگێڕن، هیوای سەرکەوتنی زیاترتان بۆ دەخوازین. [1]

مەسعود بارزانیمەسعود بارزانی
22-04-202322-04-2023
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پەیامەکە...

بەڕێزان خێزان و خانەوادەی کۆچکردوو خاتوو ئامینە حسێن
برای بەڕێزم کاک جەزا محەممەد سەمین
بەبیستنی هەواڵى کۆچی دوایی خاتوو (ئامینە حسێن سلێمان) ، نیگەران و دڵگران بووم. بۆ ئەم کۆچە پرسە و سەرەخۆشی لە کەسوکار و بنەماڵە بەڕێزەکەتان دەکەم و هاوبەشی خەم و پەژارەتانم.
خواى گەورە لە کۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت. [1]

انا لله و انا الیه ڕاجعون

قوباد تاڵەبانیقوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!