$باکووری کوردستان$
- لەماوەی چوار ڕۆژی ڕابردوودا لە باکوور کوردستان و تورکیا، نزیکەی 57 کەس بەهۆی پشتیوانیکردنیان لە عەفرین و بەتۆمەتی پڕوپاگەندە بۆ شەڕڤانانی #یەپەگە# و دژایەتیکردنی ئۆپەراسیۆنی چڵە زەیتوون لە تۆڕە کۆمەڵایەتییەکاندا، دەستگیرکراون، تاوەکو ئێستاش 24 کەسیان هێشتا لە زینداندان.[4]
$رۆژهەڵاتی کوردستان$
- بوومەلەرزەیەک بە گوری 4.5 پلەی ڕێختەر ناوچەی لوماری نێوان پارێزگاکانی #ئیلام# و #لوڕستان#ی هەژاند.[3]
$باشووری کوردستان$
- لە چیای #بەمۆ# لە سنوری #گەرمیان# پێکدادان لە نێوان هێزەکانی ئاسایش و چەند چەکدارێکی نەناسراودا ڕویدا.[1]
- بەرەبەیانی ئەمڕۆ لەشارەدێی شۆڕشی سەر بە شارۆچکەی #چەمچەماڵ#ی پارێزگای سلێمانی، بە ئاڕ پی جی هێرشکرایە سەر ماڵی ڕایدی مافپەروەر جەلال محەمەدئەمین لێپرسراوی بنکەی گرتن و گواستنەوەی چەمچەماڵ. ئەفسەرەکەش دەڵێت: ئه و جۆرە چەکانە لای هاوڵاتی نین، تەنها لای دەسەڵات هەیە، بۆیە دەبێت دەسەڵات قسەی هەبێت.[2]
- دانیشتوانی شارەدێی #سمێلان#ی شارۆچکەی #چۆمان# لە سنوری پارێزگای #هەولێر# خۆپیشاندانێکیان دژی کەمی کارەباو نەبوونی خزمەتگوزارییەکان ئەنجامداو هێزەکانی ئاسایشیش دەیەوێت بە زەبری هێز بڵاوەیان پێبکات.[1]
- #ئایدن مەعروف# ئەندامی مەکتەبی سیاسی #بەرەی تورکمانی#، هاوکات ئەندامی پەرلەمانی کوردستان، ڕایگەیاند، ڕایدەگەیەنێت وەکو پێکهاتەی تورکمان لە هەرێمی کوردستان پشتیوانی لە ئۆپراسیۆنی چڵە زەیتون دەکەین، چونکە ئەو چەکدارانە هەڕەشەیان بۆ سەر تورکیا دروستکردووە.[1]
$رۆژئاوای کوردستان (بەرخودانی عەفرین)$
- شەوی ڕابردوو، ژنێک بەناوی #سەوسەن سلێمان#، لە ئەنجامی تۆپبارانەکانی سوپای تورک بۆ سەر گوندی #تەل سلۆر# لە سنووری #عەفرین# شەهیدبوو، محەمەد عیسمەت کە منداڵی بووە، بە سەختی برینداربووە و ڕاگەیەندراوە، کە هەر لەو گوندەدا منداڵێکی دیکەش برینداربووە.[2]
- شەڕڤانانی هێزەکانی سوریای دیموکرات گوندی #قەرنە#ی سەربە کانتۆنی عەفرین-یان لە هێزەکانی سوپای تورک و چەتەکانی پاککردەوە.[2]
- سوپای تورک هاوڵاتیانی مەدەنی لە شاری #قامیشلۆ#ی هەرێمی جزیرە تۆپباران دەکات.[2]
- لە سنوری هەرێمی عەفرینی ڕۆژئاوای کوردستان پێکدانێکی قورس لە نێوان یەکینەکانی پاراستنی گەل (#یەپەگە#) و سوپای تورکیا دەستیپێکرد.[3]
- چەتەکانی سەربە سوپای تورک شەوی ڕابردوو کاتژمێر 01:30 خولەک هەوڵیاندا لە گوندی تەل جیجانی سەربە کانتۆنی شەهباوە سنوورەکانی ئەو کانتۆنە ببەزێنن، هێزەکانی سوریای دیموکرات ڕێگرییان لێکردن و گورزی کوشندەیان لێدان. لە ئەنجامی ئەو چالاکییەی شەڕڤانانی هێزەکانی سوریای دیموکراتدا 15 چەتەی سەربە سوپای تورک کوژران.[2]
- لە گوندی ئومەری سەربە شارۆچکەی ڕاجۆی کانتۆنی عەفرین لە نێوان شەرڤانانی هێزەکانی سوریای دیموکرات و سوپای تورکدا شەڕی سەخت ڕوویدا و لە ئەنجامیدا 24 سەربازی تورک کوژران.[2]
- بەهۆی تۆپبارانەکانی سوپای تورک و چەتەکانی بۆ سەر گوندەکانی مسریێ و #دیربەلۆت#-ی سەر بە شارۆچەکەی جەندریس لە عەفرین، دوو ژن و دوو منداڵ شەهیدبوون.[2]

شەڕڤانانی هێزەکانی سوریای دیموکرات دوێنێ لە بەرامبەر هێرشەکانی سوپای تورکدا بەرخۆدانیان کرد، ژمارەیەکی زۆر لە سەرباز و چەتەکانی سوپای تورک کوژران، هەروەها ئۆتۆمبێلێکی سەربازی، پانزێرێک و تانکێک تێکشکێندران.
ئاماری دوێنێ شەڕوپێکدادانەکانی نێوان شەڕڤانانی هێزەکانی سوریای دیموکرات و سوپای تورک بڵاوکرایەوە، کە ئەمڕۆ پێدەنێتە پێنجەمین ڕۆژییەوە.
لە شەڕ و پێکدادانێکی نێوان شەڕڤانان و هێزەکانی سوپای تورک لە گوندەکانی قودە و ئومارەی سەربە ڕاجۆ، گورزی کەمەرشکێن لە هێزەکانی سوپای تورک درا، بەگوێڕەی زانیارییەکان لاشەی 37 لە کوژراوانی سوپا گوازراونەتەوە بۆ عەزاز و ژمارەیەکی دیکەش بەڕێکراونەتەوە بۆ تورکیا، هەروەها ئۆتۆمبێلێکی سەربازیی سوپای تورک و پانزێرێکیشیان لەو شەڕەدا تێکشکێندرا.
هەروەها لە گوندی حەمام شەڕی سەخت لە نێوان شەڕڤانان و سوپای تورک و چەتەکانی سەر بەو وڵاتەدا ڕوویدا، لەو شەڕەشدا ژمارەیەکی زۆر سەربازی سوپای تورک کوژران و تانکێکیش تێکشکێندرا، یەکێک لە فەرماندەکانی چەتەکانی فەوجی چەتەکان لەو شەڕەدا کوژراوە.
سوپای تورک دوێنێ چەندین جار هەوڵیدا گردی قەستەل داگیربکات، بەڵام شەڕڤانان وەڵامی توندیان دانەوە و ناچاریان کردن بە پاشەکشە.
لە گردی ئیسکاش بە هەمان شێوە لە ئەنجامی بەرخۆدانی شەڕڤاناندا هێزەکانی سوپای تورک پاشەکشەیان کرد و ڕایان کرد.
لە گوندی مەرەنەزدا هێرشی سوپای تورک تێکشکێندرا.
هەروەها فڕۆکە جەنگییەکانی سوپای تورک چەندین جار شارۆچکەی ڕاجۆیان بۆردومان کرد.
لەلایەکی دیکەوە سوپای تورک گوندەکانی دەوروبەری جندرێس و ڕاجۆی تۆپباران کرد و لە ئەنجامدا ژمارەیەکی زۆر لە هاوڵاتییان شەهیدبوون، کە ژن و منداڵیش لە ناویان دا هەن.[1]
#24-01-2018#

#بەهمەن قوبادی#، دەرهێنەری ناوداری کورد، لە پەیامێکدا داوای ڕاگرتنی شەڕ دژی کوردەکانی کرد.
ئەو دەرهێنەرە کورد دەڵێت: شەڕ لەگەڵ کوردەکان بە زووترین کات ڕابگرن، ئەو نەتەوەیە ساڵهایه لە شەڕدا دەسووتێت. مەهێڵن زیاتر لەمە ئێوە وەک داعشی نوێ جیهان وەسف بکەن.
ناوبراو دەڵێت: ئێوە ئەمڕۆ هەمان کار دەکەن، کە داعش لەگەڵ ئەوانی کرد، دەست لە براکوژی هەڵبگرن، قینی کوردەکان نیسبەت به خۆتان زیاتر مەکەن.
ماڵپەری کوردپا-23-01-2017